明洞「新世界百貨公司明洞總店」購物/美食攻略
帶你玩轉新世界百貨公司!各種吃喝玩樂獨家優惠等緊你!
Hello,大家好,我哋係由韓國人每日提供最新韓國旅行資訊嘅Creatrip。
今天小編想介紹嘅地方係大家去親明洞都一定會經過嘅新世界百貨公司總店!新世界百貨公司總店以1930年本館為起點,創建新館後更加有唔少頂級品牌入駐,亦透過多元文化和藝術活動為客戶提供真正想要嘅合理購物文化。
今次我哋Creatrip將會同新世界百貨公司本店攜手合作,為大家帶嚟各種折扣活動,今次韓國之旅一齊去新世界百貨公司總店享受愉快購物時光啦!
「新世界百貨公司總店」資訊
- 地址:서울특별시 중구 소공로63
- 百貨公司營業時間:星期一至四 10:30-20:00、星期五至日及公眾假期 10:30-20:30
- 美食區營業時間:星期一至日11:00-21:00
「新世界百貨公司總店」推薦原因
- 新世界百貨公司係韓國第一間百貨公司,自1930年喺日本三越京城分店開業以來一直受到顧客愛戴!
- 坐落於首爾嘅心臟地帶明洞,交通便利,附近有韓國最大嘅傳統市場南大門市場,仲有可以欣賞首爾全景嘅南山塔,可以同時享受購物同探索韓國文化!
- 同一棟建築物入面有埋免稅店,係遊客必去地方之一!
「新世界百貨公司總店」Creatrip獨家優惠
- 用Creatrip明洞吃喝玩樂優惠券喺新世界百貨公司總店指定商店消費,即可享獨家優惠!
- 限量200張新世界百貨公司總店人生四格Pop-up Store攝影券!
- 去到現場俾多₩1,000就可以影到靚靚人生四格
- 購買及使用日期:2024.04.22~2024.06.09
- 不適用於高炒角度拍攝棚
「新世界百貨公司總店」介紹
新世界百貨公司明洞總店 (樓層指南)
今日小編要介紹嘅地方係位於明洞嘅新世界百貨公司總店。新世界百貨公司總店位於明洞商圈,亦都好近南大門市場,係韓國第一間百貨公司,有接近100年歷史,建築亦都融合咗古典同現代風格。
本館係韓國頂級VIP客戶們嘅購物勝地,Chanel、Hermes、LV、Rolex、Dior等等嘅名牌都有進駐,可以話係明洞必去購物景點之一!
特別係每年聖誕節新世界百貨公司外牆都會有多媒體燈光表演,每日都會吸引幾千人嚟影相打卡!
「新世界百貨公司總店」4~6月限定體驗
會賢站7號出口有條通道連住新世界百貨公司總店新館B1/F,呢度有一個叫Ground Market嘅場地,每個月都會搞各種唔同嘅Pop-up Store同限定體驗活動!一齊睇吓最近有咩好玩啦!
人生四格Pop-Up Store
- 地點:新世界百貨公司總店B1/F Ground Market
- Creatrip獨家優惠:免費下載限量200張人生四格Pop-up Store攝影券(價值₩4,000、現場需額外支付₩1,000)
- 活動日期:
人生四格Pop-up Store | 05.16(四)~06.09(日) |
韓國必影「人生四格」最近同出版社openbooks、香水品牌The hyang合作推出期間限定Pop-up Store「人生饗宴」,將人氣作家作品入面同人生有關嘅金句整成相框,非常有意義!而且大家仲可以喺Pop-up Store各種韓文書籍,亦都可以試聞香氛,可能可以勾起你人生中一段特別回憶!
記住拎埋人生四個攝影券,去到現場只要俾多₩1,000就可以影相啦!
⬇️人生四格攝影券⬇️
WAPPEN HOUSE Pop-Up Store
- 地點:新世界百貨公司總店B1/F Gate 5 (6/5~5/6)
- 優惠:消費滿₩20,000即送一個刺繡布貼
WAPPEN HOUSE係一個可以自己DIY袋、鎖匙扣同各種配件嘅地方,今次佢哋都會喺新世界百貨公司搞Pop-up!
而且價錢夠平,刺繡布貼款式超多,消費滿₩20,000仲送一個刺繡布貼,就算冇藝術天分都可以整得好靚!如果旅行途中想整返個獨一無二嘅紀念品,推薦大家嚟WAPPEN HOUSE Pop-Up Store!
TOY STORY X TinyTAN 獨家Pop-up Store
- 地點:新世界百貨公司總店1/F Atrium (17/5~30/5)
相信Fans們一定有聽過BTS卡通人物——TinyTAN,今次佢哋同TOY STORY合作,喺新世界百貨公司總店開咗獨家Pop-up Store!大家除咗可以喺度買到合作商品,仲可以參加埋各種體驗活動。
TinyTAN 7個卡通人物分別著上象徵住胡迪、三眼仔、火腿、泡泡龍、巴斯光年、小叉Forky同勞蘇嘅衫,真係勁cute!
除咗有公仔、毛氈、磁石等等嘅週邊商品,仲有最近進駐新世界百貨公司嘅品牌新產品,無論係衫褲鞋襪定飾物、生活用品都可以買到!
「新世界百貨公司總店」外國顧客優惠
新世界會員卡
- 換領地點:新世界百貨公司總店新館2樓外國人服務中心
- 優惠:95折優惠、會員專用酒吧飲品換領券2張
新世界百貨公司總店新館2樓有個外國人服務中心,大家只要向職員出示護照,就可以得到一張Global會員卡,同時仲可以得到明信片、貼紙同一份包括ONOMA面膜嘅“Hello Shinsegae”禮品包(先到先得、送完即止)。
有呢張Global會員卡,一個月入面頭5次消費可以享有95折(部份商店除外),仲會送會員專用酒吧嘅飲品換領券,唔好錯過呢個外國人專屬優惠啦!
免費行李寄存服務
- 地點:新世界百貨公司總店新館B1/F
新世界百貨公司總店新館B1有個可以放行李嘅儲物櫃,提供韓文、中文、英文同日文服務,而且仲要係免費,大家唔洗攞住咁多行李周圍行!
Creatrip明洞吃喝玩樂優惠券
X
新世界百貨公司總店
而家買明洞吃喝玩樂優惠券(美食、購物)仲可以享有各種優惠,大家千祈唔好錯過啦!
1. 明洞美食優惠券
- 正直的金老師:
- 指定餐點9折優惠
- 大瓦房:
- 韓式拌飯/豆渣湯可享優惠價 (₩13,000→₩12,000)
- 碧帝本平壤:
- 每叫1份定食類Menu即減₩5,000及免費送1杯飲品
- 叫火鍋類Menu即送1人1碗白飯
正直的金老師 | 大瓦房 | 碧帝本平壤 |
新世界百貨公司 總店新館 B1F | 新世界百貨公司 總店本館 5F | 新世界百貨公司 總店本館 5F |
2. 明洞購物優惠券
- CHICOR:
- 消費滿₩100,000即減₩10,000
- 消費滿₩200,000/₩300,000即送免費護膚品(贈品根據消費金額及活動時段可能會有變)
- 發酵庫間:
- 全單9折
- 我們的酒屋:
- 人氣韓國傳統酒迷你套裝 (₩20,000 → ₩19,000)
- 高級韓國河回面具安東燒酒套裝 (₩25,000 → ₩24,000)
CHICOR | 發酵庫間 | 我們的酒屋 |
新世界百貨公司 總店新館 4F | 新世界百貨公司 總店新館 B1F | 新世界百貨公司 總店新館 B1F |
🥗新世界百貨公司總店人氣美食🍱
[K-FOOD]
新世界百貨公司總店B1/F美食區有賣各種韓國傳統酒、年糕、調味醬、茶等高質禮品,仲有簡單零食類商品,應有盡有!如果想一次過食到分佈韓國各地嘅美食,大家可以去新館B1/F美食區或者本館5-6/F!
另外,每間餐廳都會有個專屬QR CODE,只要掃描就可以睇到8種語言嘅Menu,就算唔識韓文都冇問題!
釜山李家辣炒年糕 上過韓國知名美食節目 | |
束草明太魚冷麵 以30年傳統技術 | |
五木家 超過40年歷史老店 | |
碧帝本平壤 韓國高級平壤冷麪&烤排骨, 由有超過60年經驗嘅 師傅炮製而成! | |
我們的酒屋 販賣韓國各大地區傳統酒, | |
發酵庫間 飲食專家秘製 |
✨新世界百貨公司總店人氣商店✨
[K-Shopping & K-Beauty]
新世界百貨公司總店入面有齊時下最hit最潮嘅品牌,如果你都係一個潮人,咁就一定唔可以錯過呢度!
1. 韓國時裝 - 眼鏡類
COLLECT 集合全球眼鏡名牌嘅眼鏡專賣店, | |
LINDBERG 源自丹麥嘅原創眼鏡品牌, 好多明星都有戴過! | |
GENTLE MONSTER 眼鏡設計時尚獨特, |
2. 韓國時裝 - 服裝類
ARC'TERYX 高級戶外服裝品牌, | |
Snowpeak 日本著名戶外露營品牌, | |
andar 價錢實惠品質高, |
3. 韓國美妝
CHICOR |
CHICOR集合各種美妝產品,大家可以盡情試用同購買FEMMUE、3CE、SW19、JUNGSAEMMOOL、LAKA、GAHI同LAGOM等韓國人氣品牌嘅product,想緊貼韓國美妝流行就一定要嚟呢度行!而家有明洞購物優惠券仲可以享有各種優惠,大家千祈唔好錯過啦!
FEMMUE亮白精華 | 3CE 唇釉 | JUNGSAEMMOOL 氣墊粉底 |
GAHI 萬用護膚棒 | LAKA 唇彩 | LAGOM 洗面乳 |
「新世界百貨公司總店」景點推薦
Trinity Garden
- 地點:新世界百貨公司總店本館6樓
Louise Bourgeois - Eye Benches III | Henri Moore - Reclining Figure: ArchLeg |
Joan Miró - Personnage | Alexander Calder - Le Cepe |
新世界百貨公司總店本館6樓有一間餐廳&Cafe,餐廳有一個延伸出去嘅戶外空間叫做Trinity Garden。喺呢度可以睇到南山塔,仲可以欣賞到包括路易絲·布爾喬亞(Louise Bourgeois)、亨利·摩爾(Henry Moore)、胡安·米羅(Joan Miró)同亞歷山大·考爾德(Alexander Calder)等世界知名藝術家嘅各種藝術作品!就算冇喺百貨公司消費都可以隨時上嚟睇,大家可以喺休息吓,放鬆身心!
CASA PAVO
- 地址:新世界百貨公司總店本館6樓
- 營業時間:11:00-21:00(Break Time 15:00-16:30、Last Order 20:00)
- 戶外座位開放時間:13:30-20:00(只可享用飲料)
CASA PAVO係一間位於Trinity Garden隔離嘅現代日式料理餐廳,內部夠闊落,而且有多款座位,如果大家早去到仲可以坐喺窗邊位,一邊欣賞Trinity Garden靚景,一邊享受高級料理。
陽光透過落地窗自然灑落,令餐廳有一種溫暖又明亮嘅感覺。
呢度嘅餐點以現代方式重新詮釋70、80年代嘅日式西餐,復古得嚟帶有一種新鮮感!
羅勒青醬薯仔沙律
軟滑蛋包飯
鐵板漢堡扒
羅勒香味濃郁嘅薯仔沙律、超軟熟蛋包飯、超juicy鐵板漢堡扒等等全部都只可以喺CASA PAVO試到!
藝術展館
- 地點:新世界百貨公司總店本館1-4樓
新世界百貨公司總店本館1樓到4樓設有各種展覽同作品,大部份都可以免費參觀,好容易就睇到唔知時間過!
「新世界百貨公司總店」前往方法
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com