江南牙科 | LE牙科
人氣網紅都有去過嘅江南牙科診所！Creatrip獨家免費牙齒檢查服務！
Hello，大家好，我哋係由韓國人每日提供最新韓國旅行資訊嘅Creatrip。
邊個唔想有一排整齊又白淨嘅牙齒！有時候如果覺得自己排牙太黃或者唔齊，都唔夠膽笑得太誇張... 不過成日見到韓國明星同KOL啲牙都好靚，到底有咩秘訣？今日等小編帶大家去江南一間好出名嘅牙科診所「LE牙科」體驗吓韓式牙齒美白療程啦！
江南「LE牙科」資訊
- 地址：서울시 강남구 봉은사로108 9F
- 營業時間
- 星期一至三、五 10:00-19:00（Lunch Break 13:00-14:00）
- 星期四 10:00-21:00（Lunch Break 13:00-14:00）
- 星期六 10:00-17:00
- 星期日休息
- 可預約時間
- 星期一至三、五 10:00-12:00 / 14:00-18:00
- 星期四 10:00-12:00 / 14:00-20:00
- 星期六 10:00-16:00
- 語言：韓文、中文、日文、越南文、泰文、印尼文、俄羅斯文、蒙古文、緬甸文
江南「LE牙科」推薦原因
- 提供頂級韓國牙科治療服務，客人來自超過12個國家/地區！
- 透過詳細檢查同診斷提供客製化療程，務求令客人百分百滿意結果！
- 所有工具都係一次性獨立包裝，絕對唔會重覆使用，亦會仔細進行消毒，衛生有保障！
- 運用最高級藥物同材料，由經驗豐富醫療團隊為你服務！
- 江南新論峴站4號出口一出就到，交通夠方便！
- 透過Creatrip可以免費預約專業牙科檢查，體驗後填寫評論更加可以獲得小禮物！
江南「LE牙科」限時優惠
蛀牙療程優惠 | 於星期三、五進行完整蛀牙療程時可享9折優惠 |
外國人留學生限定優惠 | 9折優惠 |
箍牙優惠 | 於星期四進行療程時可享9折優惠 |
[NEW!] ONE DAY嵌體/牙冠療程優惠價 (倒模後下一日即可進行療程) | 嵌體 | ₩330,000 |
大牙牙冠 | ₩500,000 | |
門牙 | ₩600,000 |
※現場支付餘額時將會扣除相關費用
※優惠適用於9-11月內預約之訂單
江南「LE牙科」Creatrip獨家優惠
#1 免費牙科檢查
- 需要事先支付₩10,000訂金（之後會退返）
- 如果No-show將唔會進行任何退款
- 無論有冇喺現場購買其他療程，都會退還訂金（大約需要1星期時間）
- 如果需要購買其他療程，請自行喺現場付款
#2 網上評論活動優惠
- 體驗後填寫Google及Creatrip評論，即可免費獲得美白牙膏或LE牙科牙刷牙膏套裝
- 本優惠為平台進駐優惠，先到先得
Creatrip
#3 社交平台評論活動優惠
- 喺社交平台分享你嘅體驗，更可享有免費洗牙服務（需要Tag Creatrip同LE牙科）
- 可當日享用上述優惠
江南「LE牙科」價錢
選項 | 價錢 |
免費牙科檢查 (10~30分鐘) | 免費 |
箍牙 (進行30~40分鐘諮詢) | ₩3,990,000起 (3990000起) |
植牙 (根據牙齒狀況所需時間不一) | ₩590,000~1,500,000 (590000~1500000) |
美容牙科療程 [陶瓷牙貼/全瓷冠] (進行30~40分鐘諮詢) | ₩550,000起 (550000起) |
藍光牙齒美白療程 (一共進行3次照射、60分鐘) | ₩297,000 |
牙齒美白覆診價 (30~40分鐘) | ₩99,000/次 (99000/次) |
※上述價錢表僅供參考，實際價錢以現場金額為準
江南「LE牙科」退款政策
預約後至到訪3日前取消 | 全額退款 |
到訪2日前或其後取消 | 不設退款 |
江南「LE牙科」注意事項
- 請最少喺3日前完成預約，你亦可以喺60日前進行預約。
- 請準確輸入所有相關資訊。
- 請按照人頭數預約，1個人亦可以同時預約2個項目或以上。
- 預約時需要支付訂金，體驗當日將會收取餘下金額。
- 體驗前可以透過網上客戶服務（Instagram、WeChat）進行諮詢。
- 如遲到10分鐘或以上，預約將自動取消，訂金亦不設退還。
- 如進行陶瓷牙貼或牙齒美白療程，可以進行退稅（約7%），請向職員出示護照（只可退回現場支付金額之稅項）。
- 如需更改預約，或有任何疑問，請send email到help@creatrip.com查詢。
江南「LE牙科」預約流程
預約牙科療程時
- 請確保已選擇正確選項，並詳細輸入所有相關資訊及付款
- 我哋會喺1-2個工作天內確認預約，如果需要更改日期/時間我哋會另外通知你
- 體驗當日請準時到達，向職員出示預約記錄
- 體驗後請支付扣除訂金後款項
預約免費牙科檢查時
- 請確保已選擇正確選項，並詳細輸入所有相關資訊及付款
- 我哋會喺1-2個工作天內確認預約，如果需要更改日期/時間我哋會另外通知你
- 體驗當日請準時到達，向職員出示預約記錄
- 檢查後如果打算做牙科療程，請直接喺現場付款
- 牙科檢查訂金（₩10,000）將會喺大約1個禮拜內退還（如No-show將不捨任何退款）
江南「LE牙科」體驗流程
- 上9樓之後向櫃檯職員出示Creatrip預約憑證同護照。
- 跟住職員指示填寫個人資料，然後喺大堂稍作等候。
- 叫到你個名之後就可以入檢查室，檢查口腔狀態（如有需要將進行X光檢查）。
- 同院長進行諮詢，確認需要進行嘅療程。
- 前往諮詢室，詳細瞭解療程資訊（療程前程序、療程步驟及所需時間等）。
- 按照療程步驟進行療程。
- 櫃檯職員會仔細説明療程後注意同建議事項，如果有需要可以開埋藥單，去附近藥房配藥，或者預約覆診/下一次療程時間。
江南「LE牙科」療程簡介
箍牙
| 種類 | 美容矯正 | 睇唔到牙箍嘅牙齒矯正方法 |
| 舌側矯正 | 運用尖端3D技術製作客製化 舌側牙箍，快速準確矯正牙齒 | |
| 透明矯正 | 運用特製強化膠牙箍進行牙齒矯正 | |
| 優點 | 1. 運用客製化及透明牙箍，令箍牙嘅時候都可以靚住咁箍！ 2. 透過使用 3Shape口腔掃描數碼3D CT製作客製化牙箍，令過程更快速及準確！ 3. 由頭到尾為你提供專業服務！比起其他療程，箍牙需要更長時間，呢度嘅醫療團隊會密切關注你嘅箍牙過程同結果，唔係箍完就算！ | |
植牙
| 種類 | Osstem植牙 | Straumann植牙 |
| 優點 | 1. 運用數碼3D分析CT技術模擬療程進行過程，上述技術更加會為醫生提供明確指引，令植牙效果更佳！ 2. 計劃植牙方法及位置時會使用3D影像掃描及CT，準確搵出適當位置！ 3. 減少痛楚/腫脹/出血，恢復速度更快！ | |
| 注意事項 | - 手術後1~2日內請避免前往汗蒸幕或做運動 - 請避免大力擤鼻涕或者用飲管飲嘢 - 手術當日請用冰敷手術部位 - 手術後2星期內請唔好食煙飲酒 - 手術後建議進食比較軟同唔會刺激傷口嘅食物 - 如果止唔到血或者痛楚較嚴重時請馬上聯絡診所進行檢查 - 即使已經唔痛，亦請將所有藥食完 | |
美容牙科療程
陶瓷牙貼
全瓷冠
| 種類 | 陶瓷牙貼 | 比起普通陶瓷牙貼療程，削牙過程更少更短 |
全瓷冠 | 全瓷冠會包裹成隻牙，效果自然 | |
| 優點 | 1. 利用微笑分析系統，分析客人臉部照片，搵出最自然效果！ 2. 運用3Shape口腔掃描同WIELAND CAD/CAM機器，可以更快速同精密製作出牙貼/牙冠 | |
藍光牙齒美白療程
| 簡介 | 原理：美白藥劑成分氧化後可以帶走牙齒上色素，達至美白效果 過程：檢查及洗牙 - 塗抹牙肉保護劑 - 塗抹美白藥劑 - 照射美白藍光 |
| 注意事項 | - 療程當日牙齒會變得敏感同容易感到痛楚（通常1日後就會好轉，最多維持2~3日） - 請避免進食過熱/冰冷食物 - 美白藥劑如觸碰到牙肉，可能會令牙肉短暫變白，1日後就會恢復正常 - 少量美白藥劑對人體無害，可正常吞嚥 - 請避免進食或飲用咖啡、煙草、綠茶、咖喱、泡菜、提子汁等容易染色食物及飲料，如果無法避免，亦請於進食後馬上刷牙 - 療程後面3小時內請避免進食，頭1日亦請盡量食白色食物 - 如牙痛問題嚴重，請服用止痛藥 |
江南「LE牙科」介紹
今日小編嚟到位於江南新論峴站4號出口附近嘅「LE牙科」！
小編透過我哋網站預約咗免費牙科檢查，去到之後首先要向櫃檯職員出示預約記錄同護照，然後填一張form，再等叫名就得！
等緊嘅時候小編四周圍參觀咗間診所，裝修非常高級，就好似去咗酒店咁！而且好多間房都有落地玻璃，感覺更加開揚！
叫到名之後，職員就會帶大家去拍X光（記住要除低所有飾物同hup埋眼啊！）。
跟住就要瞓上床，用開口器將口打到最開，然後進行進一步拍攝。
之後院長就會入嚟一齊睇頭先影嘅相，如果發現有咩問題就會再仔細檢查。小編覺得「LE牙科」最好嘅一點係唔會強迫客人消費，唔會為賺錢而呃客人！好似小編咁有一隻牙有個黑點，院長就話雖然係蛀牙，不過暫時唔需要另外治療。
過程當中大家可以同院長將自己有咩困擾或者想解決嘅問題，院長都會好認真咁幫你分析。最後小編決定做藍光牙齒美白療程！
之後就會入到療程室，連呢度都有落地玻璃，唔會令人覺得好翳焗！
開始前療程師會先詳細講解今日嘅療程，包括療程部位、注意事項等等，之後就要填一份同意書。
正式開始前亦都會先清潔牙齒表面異物，再漱幾次口，咁就完成準備程序啦！
瞓上去之後療程師就會幫你戴上開口器，亦都會喺脷底同牙肉之間放棉花，再搽埋牙肉保護劑，防止美白藥劑掂到而造成燙傷。
然後就會搽美白藥劑！因為要一直打開口，小編都擔心會有太多口水積住，不過原來會有部機負責吸走！
然後就會攞部藍光機照大約10分鐘，療程師話咁做係為咗活化藥劑入面嘅美白成分！
上述步驟總共會做3次，照完最後一次燈之後就會用機器抽走美白藥劑同攞走口入面嘅棉花，再漱幾次口就大功告成啦。
之後就可以確認效果，用肉眼睇都覺得變白咗唔少！
雖然好羞恥不過呢個係小編排牙XD 牙齒色階由之前嘅A2變成A1，都幾大分別！醫生話效果雖然會根據個人生活同飲食習慣而有唔同，不過通常都可以維持到2-6個月。
最後職員會同大家講做完牙齒美白之後需要注意嘅事項，大家記住要聽話先可以令效果維持得更耐！
「LE牙科」唔單止可以做牙齒美白療程，仲有專業牙齒矯正、植牙、陶瓷貼片等美容牙科療程，如果大家都想好似韓國明星咁有一排又白又齊嘅牙，推薦大家嚟江南「LE牙科」！
江南「LE牙科」網上客戶服務
- 服務時間與營業時間相同
- WeChat（le_dental）
江南「LE牙科」前往方法
新論峴站（신논현역）4號出口出。
向前望就會見到呢棟大廈。
行入去搭𨋢上9樓。
咁就去到江南「LE牙科」啦！
以上係江南「LE牙科」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com