2024首爾必去酒吧推薦

Hello，大家好，我哋係由韓國人每日提供最新韓國旅行資訊嘅Creatrip。

講起韓國，通常大家只會諗起有好多Cafe可以去打卡影相，但其實最近韓國多咗好多concept勁特別嘅酒吧，今日就等小編介紹幾間俾大家，下次嚟嘅時候可以同朋友/另一半一齊去體驗吓韓國嘅酒吧文化同夜生活！

想book定韓國餐廳/酒吧？😋

韓國餐廳預約 | 撳我

首爾必去酒吧推薦

Cinderella Bar_{(성수 신데렐라)}

• 地址：서울 성동구 아차산로7가길 3-4
• 營業時間：17:30 - 01:00 
• 前往方法：聖水站（성수역）1號出口行3分鐘

「Cinderella Bar」鋪頭外觀就好似鞋匠工坊咁，完全唔會聯想到係一間Cocktail Bar！

酒吧內部燈光比較暗，就好似行咗入童話故事入面嘅秘密空間咁！「Cinderella Bar」入面有Bar枱同普通枱，如果坐Bar枱仲可以望住調酒師幫大家整飲品，而坐普通枱就可以欣賞聖水洞街景！

呢度最有特色嘅係所有Cocktail都會用一個用3D打印機製作出高踭鞋杯架裝住，逼真得嚟超特別，影相效果一流！而家透過我哋預約仲可以用6折優惠價買現金券，記住唔好錯過啦！

🔎「Cinderella Bar」詳細介紹

酒神堂_(주신당)

• 新堂店地址：서울 중구 퇴계로 411
• 營業時間：17:30 - 01:00 
• 前往方法：新堂站（신당역）12號出口行1分鐘

「酒神堂」係一間以十二生肖做concept嘅酒吧，外面裝修到同“神堂”真係有幾分似，講真個句如果小編唔知道呢度就係間酒吧，應該會驚到快快腳咁走XD

不過入到酒吧入面就會好似去咗另一個地方咁，有各種燈光同植物做裝飾，整體感覺都好襯呢度嘅主題。

「酒神堂」嘅招牌cocktail分別以鼠、牛、虎、兔、龍、蛇、馬、羊、猴、雞、狗、豬十二種動物命名，大家不妨可以根據自己嘅生肖嚟叫嘢飲，睇吓係唔係你鍾意嘅味~

而家去弘大店之前download下面張coupon，仲可以免費得到一份指定甜品，大家記住唔好錯過啦！

弘大店

• 地址：서울 마포구 와우산로21길 19-11 2F
• 營業時間：
  • 星期一至五 18:00 - 02:00
  • 星期六及日 17:00 - 02:00行
• 前往方法：弘大入口站（홍대입구역）9號出口行9分鐘

鐵路釜山家_{(철길부산집)}

京義線林道店

• 地址：서울 마포구 와우산로38길 4 B1F
• 營業時間：
  • 星期日至四 16:00-01:00
  • 星期五及六 16:00-03:00
• 前往方法：弘大入口站（홍대입구역）6號出口行3分鐘

「鐵路釜山家」係一間首爾有好多間分店嘅日式關東煮居酒屋，出名裝修夠特別、氣氛夠正！

通常居酒屋都係得室內位，但係「鐵路釜山家」京義線林道店就有埋戶外位，天氣好嘅時候坐呢度食應該會好正！而餐廳內部裝修以日本居酒屋為主題，夠曬復古又特別。而且牆上仲有好多酒同酒杯，老闆話呢啲酒杯全部都係熟客們嘅私家杯，每次嚟都有得用返自己個杯，呢個system真係第一次見！

除咗有一般韓國魚糕，呢度食材非常多樣化，推薦大家叫set食，唔夠再另外加點其他Menu！去之前download埋Creatrip優惠券享用獨家優惠啦！

Glam Lounge_{(글램 라운지)}

• 地址：서울 용산구 이태원로27가길 26 2F
• 營業時間：
  • 星期日至四 19:00-03:00
  • 星期五、六 19:00-05:00
• 前往方法：梨泰院站（이태원역）2號出口行1分鐘

如果大家比起去chill，會更加鍾意high啲、氣氛熱鬧啲嘅bar，小編會推薦大家嚟位於梨泰院嘅「Glam Lounge」！

「Glam Lounge」係全韓第一間大型Lounge&Club，可以同時體驗高級酒吧同Club嘅魅力。逢星期五、六晚仲會有DJ表演，氣氛超正！

呢度嘅餐點有唔少都係運用當造海鮮炮製而成，而酒方面就有提供獨家香檳set同各種cocktail，仲有威士忌、葡萄酒等等任君選擇！不過因為weekend都真係幾多人吓，所以建議大家book定枱先去會好啲！

Prost_{(프로스트)}

• 地址：서울 용산구 이태원로27가길 26
• 營業時間：
  • 星期一至三 18:00-01:00
  • 星期四 18:00-03:00
  • 星期五至六 18:00-06:00
  • 星期日 18:00-02:00
• 前往方法：梨泰院站（이태원역）2號出口行1分鐘

「Glam Lounge」落一層就會係另一間叫「Prost」嘅Bar，呢度環境闊落，裝修非常有異國風情，就好似去咗外國Bar咁！嚟到可以感受到梨泰院嘅多元文化，同來自世界各地嘅人一齊享受自由氣氛！

逢星期五、六晚「Prost」仲會有DJ表演，氣氛超正！餐點方面提供多款啤酒同雞尾酒，亦都推薦大家試佢哋嘅自家製漢堡！

Vinzip_{(와인바 빈집)}

• 地址：서울 중구 수표로 42-7 2F
• 營業時間：17:30 - 23:50（Last Order 23:20）
• 前往方法：乙支路3街站（을지로3가역）11號出口行2分鐘

今日小編同朋友嚟到位於乙支路嘅「Vinzip」！呢度個名好得意，如果係睇韓文讀音，就會解做「空屋」，希望大家可以喺度暫時拋開一切煩惱；而睇英文字嘅話，Vin係紅酒嘅意思，而Zip就係平時電腦上面嘅壓縮檔案，寓意呢度有好多紅酒，同Wine Bar嘅concept好襯XD

餐廳裝修行懷舊風，四周圍都擺滿酒樽，仲有鋼琴、植物等等嘅擺設，特別得嚟非常IG-able，小編都影咗好多張相！

雖然係Wine Bar，不過餐點夠高質，仲可以食到Fusion韓國菜。而且根據大家叫咩酒，可能會有特別嘅上菜方式！如果大家都有興趣，去之前記住download埋我哋嘅優惠券，只要叫酒類飲品就可以免費得到一份菠蘿雪葩！

🔎「Vinzip」詳細介紹

PUNG NEW_(풍뉴)

• 地址：서울 중구 퇴계로 70길 10-3
• 營業時間：17:30 - 23:50（Last Order 23:20）
• 前往方法：東大門歷史文化公園站（동대문역사문화공원역）3號出口行3分鐘

如果想一邊食飯一邊小酌一杯，推薦大家嚟位於DDP附近嘅韓式Fusion餐廳&酒吧「PUNG NEW」！

去到之後會有一杯Welcome Drink，如果坐Bar枱嘅話你杯嘢飲就會沿住中間條流水飄到你面前！不過因為好多人都係因為呢個而嚟，所以如果想坐Bar枱，建議大家要早少少去！

鍾意食韓國菜嘅朋友們一定都會鍾意「PUNG NEW」嘅餐點，而且同酒都好夾，一邊食、一邊飲酒、一邊同朋友/另一半傾偈，時間真係會過得勁快！

魂_(얼)

• 地址：서울 마포구 와우산로38길 4 1F
• 營業時間：
  • 星期一、二、三、四 17:00-01:00（Last Order 00:30）
  • 星期五 17:00-02:00（Last Order 01:30）
  • 星期六 16:00-02:00（Last Order 01:30）
  • 星期日 16:00-01:00（Last Order 00:30）
• 前往方法：弘大入口站（홍대입구역）6號出口行3分鐘

弘大「魂」係一間充滿韓國傳統氛圍嘅酒吧，呢度出名Highball調酒種類多，而且下酒菜都好高質！

餐廳內部裝修同樣都有沿用到韓國傳統建築元素，而且每盞燈上面仲有以前韓國男人會帶嘅紗帽做裝飾，非常特別！而且因為有落地玻璃，所以令成個格局睇落更加開揚，更加可以望到外面風景！

呢度嘅下酒菜大部分都係韓式&西式Fusion，而且調酒都係以韓國傳統酒同食材炮製而成，夠曬特別！

Jean Frigo_{(장프리고)}

• 地址：서울 중구 퇴계로62길 9-8
• 營業時間：
  • 星期二至四 18:00-01:00
  • 星期五至日 17:00-01:00
  • 逢星期一休息
• 前往方法：東大門歷史文化公園站（동대문역사문화공원역）4號出口行4分鐘

「Jean Frigo」係一間以神秘生果店做concept嘅Cocktail Bar，呢度連門口都特別難搵，小編就唔喺呢度開估啦XD

1樓裝修設計同2樓非常唔同，如果大家想睇調酒師表演可以坐1樓；如果鍾意靜啲，或者係一大班friend一齊去，就推薦大家坐2樓。

而且「Jean Frigo」嘅cocktail同餐點全部都勁影得又食得，鍾意相機食先嘅朋友們絕對唔可以錯過！

Knocker Upper_{(노커어퍼)}

• 地址：서울 용산구 한강대로46길 15-6
• 營業時間：17:00-01:00
• 前往方法：三角地站（삼각지역）3號出口行4分鐘

「Knocker Upper」係一間位於龍山站附近嘅Standing Bar，上年喺《Heart Signal 4》出現過之後開始變得街知巷聞！

呢度裝修勁有外國感覺，而且有時候仲會有DJ或者Jazz表演，氣氛好好，而且聽講WINNER MINO係呢度嘅常客！

「Knocker Upper」最大嘅特色係有好多韓式Fusion下酒菜，而且價錢亦都比附近酒吧平+實惠！如果大家坐1樓叫一支氣泡酒，仲可以叫埋酒杯塔，一次過大飽眼福同口福！而家只要有Creatrip特快通行證&優惠券，就可以享用優先入座優惠，消費滿₩30,000仲會送2杯粉紅氣泡酒！

BAR CHAM

• 地址：서울 종로구 7길 자하문로 34
• 營業時間：17:00-01:00
• 前往方法：景福宮站（경복궁역）2號出口行5分鐘

Catch Table

接住落嚟呢間BAR CHAM來頭唔細，因為佢上年被選定為亞洲50大酒吧入面嘅第13名！

Catch Table

無論係外觀定內部裝修都係行韓屋風格，而且氣氛都令人非常放鬆，好啱喺度一邊飲cocktail，一邊促膝長談。

Catch Table

呢度所有雞尾酒都係以韓國傳統酒為基底，配上各種韓國本地食材，再用現代手法進行調酒，既傳統又創新！

bistro MEXI_{(비스트로 멕시)}

• 地址：서울 용산구 이태원로 191 2F
• 營業時間：
  • 星期日至三 17:00 - 01:00
  • 星期四 17:00 - 02:00
  • 星期五及六 17:00 - 04:00
• 前往方法：梨泰院站（이태원역）2號出口行1分鐘

「bistro MEXI」係一間位於梨泰院嘅墨西哥風酒吧，裝修行西方風格，而且成間酒吧外圍都係落地玻璃，可以睇到梨泰院街景。

每個禮拜五同六會有DJ同音樂表演，而且酒吧入面仲有籃球機同飛鏢玩，好啱一班friend嚟開party~

呢度無論係餐點定飲品同酒都係由墨西哥主廚炮製而成，夠曬正宗！如果大家有興趣都可以透過我哋預約，當日向職員出示預約記錄，每枱仲會免費送一份甜品㗎！

FUROA_(후로아)

• 地址：서울 중구 명동8가길 52
• 營業時間：09:00 - 00:00（Last Order 23:30）
• 前往方法：明洞站（명동역）10號出口行1分鐘

「FUROA」係一個融合Cafe、音樂、時裝、空間設計等元素嘅文化空間，日頭係一間Cafe，夜晚就會變成一間酒吧，魅力好唔同，超特別！

「FUROA」嘅Menu因為冇咁heavy，所以好啱嚟簡簡單單食返餐。不過小編最推薦大家黃昏/夜晚時候嚟，天開始黑之後氣氛會變得勁好，冇諗過原來明洞有啲咁嘅地方！而家出示埋「明洞美食優惠券」，買焦糖吉士布甸嘅時候可以減₩3,000，唔好錯過呢個獨家優惠啦！

想體驗韓國夜生活又唔敢自己去？🙈

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com