Hello，大家好，我哋係由韓國人每日提供最新韓國旅行資訊嘅Creatrip。
韓國多靚靚Cafe就係人都知，唔單止係遊客，連韓國人自己都好鍾意weekend嘅時候四圍去各種Cafe影相打卡！今日就等小編帶大家去最近最hit嘅Cafe之一嘅「Teddy Beurre House」玩返轉啦！
撳我下載優惠券👇🏻
龍山「Teddy Beurre House」資訊
- 地址： 서울 용산구 한강대로40가길 42
- 營業時間：10:00 - 22:00（Last Order 21:00）
- 語言：韓文、英文
龍山「Teddy Beurre House」推薦原因
- 首爾三大牛角包專門店，可以食到外脆內軟嘅高質牛角包同酥皮甜品！
- Cafe入面有好多超得意嘅熊啤啤，加上法式裝修風格，就好似瞬間轉移去咗歐洲麵包舖咁！
- 所有menu都行熊啤啤主題，影相放IG呃like一流！
- 龍山三角地站行4分鐘就到，交通夠方便！
- 只要出示Creatrip優惠券，消費滿₩30,000即送1杯飲品，更可享陶瓷杯7折優惠！
龍山「Teddy Beurre House」獨家優惠
優惠#1 - 消費滿₩30,000，送1杯飲品(價值₩10,000以下)
優惠#2 陶瓷杯7折優惠
龍山「Teddy Beurre House」Menu
Menu | 價錢 |
Beurre牛角包 | ₩5,000 |
冬甩味牛角包脆片 | ₩5,800 |
布甸酥皮麵包 | ₩6,800 |
芒果羅勒酥皮麵包 | ₩6,500 |
開心果法國焦糖奶油酥 | ₩6,300 |
瑞士朱古力面包 | ₩5,800 |
美式咖啡 | ₩5,000 |
開心果忌廉鮮奶咖啡 | ₩8,000 |
※2024年3月價錢
龍山「Teddy Beurre House」使用注意事項
- 本優惠券只限於Teddy Beurre House龍山店使用。
- 只要下載一張coupon就可以同時享有上述2款優惠（飲品優惠&陶瓷杯折扣優惠）。
- 需消費滿₩30,000方可享用贈送飲品優惠；飲品可自由選擇（需價值₩10,000以下）。
- 唔需要事先預約。
- 如果用優惠券嘅時候有任何疑問，可以send email到help@creatrip.com查詢。
龍山「Teddy Beurre House」介紹
今日小編同朋友嚟到最近IG超紅嘅「Teddy Beurre House」，喺三角地站行4分鐘就到！呢間Cafe被譽為首爾三大牛角包專門店之一，加上裝修夠靚，連平日都超多人嚟排隊打卡！
「Teddy Beurre House」龍山店平日11點開門，weekend就會再提早1個鐘，而且因為會開到夜晚10點，所以就算大家日頭有其他行程都唔洗擔心！
不過因為太hit，而且冇得book位，所以有唔少人會選擇一大早去等佢開門XD 大家去到會見到地下有熊仔腳印，跟住排就得啦！
「Teddy Beurre House」龍山店門口有兩隻熊啤啤，大家記住要同佢哋合照打卡啊！
入到Cafe就會即刻聞到勁香麵包味，對係麵包控嘅小編嚟講真係好幸福~ Cafe裝修行法國風，就好似去咗歐洲咁！
而「Teddy Beurre House」龍山店仲有一個小閣樓，雖然冇1樓咁闊落，不過都叫有位可以坐低嘆咖啡同吹水。
同韓國大部份Cafe一樣，呢度都有一個自助corner，如果大家想飲水，或者需要紙巾/濕紙巾可以直接去攞。另外記住食完嘢之後要自己放好托盤啊！順帶一提，自助corner隔離條走廊行到尾就係洗手間，人有三急嘅時候都可以去。
講起「Teddy Beurre House」，就當然唔少得熊啤啤啦！鋪頭四周圍都放滿熊啤啤公仔，令環境同氣氛都變得勁可愛窩心~
呢度仲有推出各種同熊啤啤有關嘅週邊商品，而家買上圖呢款陶瓷杯嘅時候出示埋Creatrip優惠券，即可享有7折優惠，有興趣就千祈唔好錯過啦！
「Teddy Beurre House」唔單止裝修靚，甜品同咖啡都夠高質，而且款式好多，揀麵包嘅時候真係好幸福~
小編當日係同2個朋友一齊去，總共叫咗3款飲品同5種麵包，全部都睇落勁吸引同足料！而且連碟上面都有大大小小嘅牛角包圖案，真係好想買曬返屋企XD
Beurre Croissant
Beurre牛角包其實就係最基本嘅牛角包，超濃牛油味，而且層層分明，唔怪得呢度被譽為首爾三大牛角包專門店！
Pistachio Kouign Am-
呢款開心果法國焦糖奶油酥係「Teddy Beurre House」嘅招牌甜品，上面有超多開心果碎，而酥皮外面更加有一層焦糖脆脆，入面一樣都係好香牛油味~
Pain Swiss
Pain swiss係瑞士朱古力面包，酥皮麵包配上朱古力cream，同咖啡好夾，鍾意食甜嘢嘅朋友們一定會鍾意！
Strawberry Danish
「Teddy Beurre House」嘅丹麥酥皮麵包都好出名，小編去嘅時候咁啱士多啤梨當造，上面嘅士多啤梨夠新鮮，加埋香甜士多啤梨味cream真係好正~
Almond Croissant
另外一款小編朋友推薦嘅係上面呢個杏仁牛角包，size勁大個，上面仲有超多杏仁片，加埋入面嘅蘋果果醬，味道非常有層次！
Pistachio Cream Latte
「Teddy Beurre House」嘅咖啡都好高質，而最出名嘅係呢款開心果忌廉鮮奶咖啡！上面嘅開心果忌廉好香果仁味，同咖啡味好夾，建議大家可以直接先飲一啖，然後再攪勻嚟飲。
Americano
Cream Chocolate
小編同朋友另外仲叫咗美式咖啡同忌廉朱古力，兩款飲品上面仲有勁cute嘅熊仔腳印~ 而家只要喺「Teddy Beurre House」龍山店消費滿₩30,000，仲可以免費得到一杯價值₩10,000以下嘅飲品，記住唔好蝕啊！
嚟到點可以只係食麵包飲咖啡呢？「Teddy Beurre House」龍山店有好多打卡位，大家可以同朋友一齊影相打卡，留低美好回憶嘅同時放上IG呃likeXD
如果大家想買返住宿食都可以外賣攞走，連紙盒同紙袋都好cute！最近呢度真係好受歡迎，小編喺開門時候去都已經坐滿曬，建議大家預鬆少少時間，同埋記住要download埋我哋嘅coupon啊！
龍山「Teddy Beurre House」前往方法
三角地站（삼각지역）3號出口出。
直行。
過斑馬線，繼續直行。
行到下一條斑馬線唔好過馬路，即刻轉左。
直行。
咁就去到龍山「Teddy Beurre House」啦！
撳我下載優惠券👇🏻
以上係龍山「Teddy Beurre House」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
