韓國6月天氣&穿搭小貼士
準備6月嚟韓國玩？2026韓國梅雨季最新預測！
- 韓國6月天氣🔆
- 首爾6月最高/最低溫度🌡️
- 釜山6月最高/最低溫度🌡️
- 韓國6月穿搭/著衫小貼士🧥
- 韓國6月梅雨季🌧️
- 韓國6月推薦活動✨8
- 飛韓國之前你仲需要...💡
Hello，大家好，我哋係由韓國人每日提供最新韓國旅行資訊嘅Creatrip。
6月打算嚟韓國韓國旅行，唔知點執衫好？6月係韓國踏入初夏嘅月份，最不得不提嘅係由6月尾開始韓國會進入梅雨季，無論係首爾定釜山、濟州都會有機會遇上雨天... 不過只要提早準備好，一樣可以玩得開心盡興！
6月推薦體驗/活動
🛍️ 韓國超市/百貨公司休息日
🇰🇷 景福宮夜間特別開放總整理
韓國各月份天氣&穿搭小貼士💡
韓國6月天氣&穿搭小貼士
韓國6月天氣🔆
韓國6月頭仍然會維持住春天嘅舒服天氣，不過去到6月中後期，氣溫會越嚟越高，代表準備要進入夏天啦！而且6月下旬開始韓國梅雨季（장마）將會開始，去到7月尾都會經常落雨，建議大家要帶遮同準備好拖鞋/涼鞋，以防萬一。
首爾6月最高/最低溫度🌡️
- 最高溫度：25°C~34°C
- 最低溫度：12°C~25°C
2025年6月首爾溫度（weatherspark）
大家可以睇到，首爾氣溫通常喺6月頭開始就唔會再有單位數，最低溫度都非常舒服~ 不過要注意6月下旬最高氣溫會衝破30度，呢個時候真係會熱！
釜山6月最高/最低溫度🌡️
- 最高溫度：22°C~34°C
- 最低溫度：11°C~24°C
2025年6月釜山溫度（weatherspark）
釜山氣溫方面其實同首爾差唔多，不過可能會有朋友問，釜山位於韓國南方，唔係應該會熱啲㗎咩？原因係因為首爾高樓林立，所以會出現都市熱島效應。釜山雖然位於南邊，不過因為鄰近海邊，而且地方比較大，所以6月都唔會話變到好熱，但係記住一定要搽防曬，如果唔係好容易曬傷！
韓國6月穿搭/著衫小貼士🧥
諗6月嚟韓國旅行著咩衫好嘅時候，推薦大家可以分別準備「冇落雨」同「有落雨」嘅穿搭！最基本嘅穿搭係短袖+短褲或者短袖+長褲，如果怕夜晚大風或者落雨嘅時候會降溫，帶一件薄薄地嘅外套仔就得。其實只要冇落雨天氣都勁舒服，想點著都得！
스타뉴스 / 머니투데이
不過講真，6月尾梅雨季開始之後，如果每日出門口都落雨都真係幾煩... 如果大家唔想整濕鞋up住up住咁，建議大家可以帶返對靚靚涼鞋搭配初夏穿搭！
韓國6月梅雨季🌧️
首爾2025年6月雨天數據（weatherspark）
釜山2025年6月雨天數據（weatherspark）
上面兩張圖嘅綠色部份代表嗰個時段落緊雨，而橙色部份就係落雷暴雨，顏色越深就等於雨越大。由6月下旬開始，相信會有好多日都會連續落雨，而呢個情況會延續到7月底，所以plan住呢段時間嚟韓國玩嘅話記住要帶定遮啦！
중앙일보
6月底咁啱係春天同夏天交界，其實溫度其實真係好舒服，不過因為會不斷落雨所以都幾煩XD 大家可以事先參考韓國天文台之前公佈嘅梅雨預測，再準備行程！
2026年韓國天文台梅雨季日期預測
- 首爾、首都圈、忠清道、江原道：06.25~07.26
- 全羅道、慶尚道：06.23~07.24
- 濟州：06.19~07.20
한국농어촌방송
呢個預測日期睇落好似好耐咁，不過大家唔洗太擔心，因為只係一個大略估計~ 而為咗迎接今年梅雨季，韓國亦都有事先做好準備，引入AI系統預測有可能會水浸嘅地方，提前發出疏散警告。
韓國6月推薦活動✨
Olive Young夏季大優惠
每逢6月韓國Olive Young都會搞一年四度嘅大優惠，而今年就會係5月31號至6月6號，好多人氣商品都會喺呢一個禮拜大打折扣！而且消費滿₩15,000仲可以做埋退稅，可以慳返唔少錢！
[블로그] Olive Young優惠總整理
漢江公園野餐
趁住六月未落雨、又唔會太熱、天氣咁好，一定要嚟漢江公園野餐！大家可以準備定炸雞或者啤酒，喺度享受悠閒時光。如果想打埋卡，記得提前租好野餐道具啦。
[블로그] 漢江公園總整理
[블로그] 漢江必做活動TOP9
[스팟] Healing Tent（盤浦店）
[스팟] Healing Tent（纛島店）
[스팟] 橋村炸雞 + Healing Tent（纛島店）
景福宮夜間特別開放![]()
今年景福宮春季夜間特別開放將會喺5月13號至6月14號舉辦，平時最遲只會開到18:30嘅景福宮營業時間會延長到21:30，大家只要著住韓服就可以免費入場，唔洗買飛！下面呢幾間韓服租借鋪都會延長開放時間，仲有獨家優惠，大家記住唔好錯過啦！
[스팟] [景福宮夜間開放延長營業🌙] 藝仁房（昌德宮）
[스팟] [景福宮夜間開放延長營業🌙] Ari韓服（韓服租借）
[스팟] [景福宮夜間開放延長營業🌙] 韓服少女（韓服租借+化妝服務）
第35屆首爾歌謠大賞
- 時間：2026年6月20日 18:00
- 地點：仁川INSPIRE ARENA
第35屆首爾歌謠大賞將於2026年6月20號盛大開鑼，而且一般旅客都可以買飛入場，各位粉絲準備好未？
主持陣容已確定由利特（Super Junior）、李率（KiiiKiii）以及朴乾旭（ZEROBASEONE）擔任；頒獎嘉賓方面，就有宋仲基、沈恩敬、李侑菲、河潤景、金度勳等人氣藝人出席。至於現場表演陣容，同樣星光熠熠，包括多榮（宇宙少女）、BOYNEXTDOOR、KiiiKiii、ATEEZ、AHOF、權恩妃、LE SSERAFIM等，粉絲們記得把握機會，快啲搶飛啦！
[스팟] 2026第35屆首爾歌謠大賞套票（交通卡 / 來回接駁車）
BTS THE CITY ARIRANG BUSAN
- 日期：2026年6月5日至6月21日
BTS將於6月喺釜山舉行完整體巡迴演唱會，成個釜山亦會同步連動，為ARMY準備一系列追星企劃。重點日期包括6月12日、13日嘅演唱會，仲有廣安大橋無人機燈光匯演；另外亦設有釜山電影中心燈光秀、海雲台同The Bay 101體驗區、迎賓中心、期間限定快閃店等精彩活動。
如果只打算玩一日，建議可以集中去釜山市區、Centum City、海雲台一帶，亦可以參考HYBE官方公布嘅相關資訊。
首爾戶外圖書館
- 時間：2026年6月28日前逢星期日
- 費用：免費
[이미지 슬라이더] 
由首爾市政府舉辦嘅「Seoul Outdoor Library Tour」係專為外國旅客而設嘅免費活動，採取預約報名制，行程會串連光化門、清溪川同首爾廣場三大戶外圖書館，等你由日頭玩到夜晚，感受閱讀、散步、休憩同城市文化嘅魅力。
參加者仲可以獲得迎賓禮，包括Logo環保袋、傳統點心同樽裝水、鎖匙扣同紙膠帶等。活動目前暫定舉辦至6月底，如果你星期日仲未安排節目，不妨優先考慮參加。
[스팟] Seoul Outdoor Library Tour | 外國人專屬免費活動
飛韓國之前你仲需要...💡
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
