江南香水DIY | PERFUME PLAY
韓國最大規模香水工房！一齊喺度搵出你嘅專屬香味啦！
Hello，大家好，我哋係由韓國人每日提供最新韓國旅行資訊嘅Creatrip。
大家有冇試過聞到一個香味就會諗起某一個瞬間或者某一件事呢？可能因為咁，有好多朋友每去一個地方旅行都會整一支香水做紀念！今日就等小編介紹一間位於江南嘅香水工作坊俾大家啦！
江南「PERFUME PLAY」資訊
- 地址：서울 강남구 테헤란로 101 B2F
- 營業時間：11:00 - 21:00
- 可預約時間：11:00 - 19:30
江南「PERFUME PLAY」推薦原因
- 使用高級法國香水原料，刺激度低，可以用得放心！
- 運用獨家香味推薦系統，為每個客人推薦最啱佢嘅香水，就算唔知整咩香水都唔緊要！
- 有多款香水可以自由試聞，而且鋪頭環境夠闊落，唔會因為太濃味而覺得頭痛！
- 可以自由組合香味，製作一支獨一無二嘅香水！
- 江南站行1分鐘就到，交通夠方便！
江南「PERFUME PLAY」價錢
選項 | 價錢 |
30ml 香水製作體驗 (包30ml香水樽+蓋+袋仔) | ₩35,000/人 (HKD 204.53/人) |
50ml 香水製作體驗 (包50ml香水樽+蓋+袋仔) | ₩45,000/人 (HKD 262.96/人) |
100ml 香水製作體驗 (包100ml香水樽+蓋+袋仔) | ₩75,000/人 (HKD 438.27/人) |
※所需時間：60-90分鐘
※可自選香水樽&蓋
江南「PERFUME PLAY」退款政策
| 預約後至體驗4日前取消 | 全額退款 |
| 體驗3日前或其後取消 | 不設退款 |
江南「PERFUME PLAY」注意事項
- 請最少喺1日前完成預約，你亦可以喺60日前進行預約。
- 請按照人數預約。
- 預約時請確保已選擇正確日期、時間同輸入所有所需資訊。
- 如遲到10分鐘或以上，預約將自動取消，亦不設退款。
- 如果想更改預約，或有任何疑問，請send email到help@creatrip.com查詢。
江南「PERFUME PLAY」預約流程
STEP 1. | |
STEP 2. | 請詳細輸入所有相關資訊及付款，我哋會喺1-2個工作天內確認預約，如果需要更改日期/時間我哋會另外通知你。 |
STEP 3. | 當日請準時到達，向職員出示預約記錄。 |
STEP 4. | 開始體驗！ |
江南「PERFUME PLAY」介紹
今日小編嚟到位於江南嘅香水工房「PERFUME PLAY」！
一行入去就覺得超香，而且因為鋪頭夠大，所以唔會覺得翳焗。
由有超過20-30年經驗嘅調香師運用法國高級香料，還原全球最受歡迎嘅60款香水，大家可以一次過試到超過20個牌子嘅香水，機會超難得，鍾意香水嘅你一定唔可以錯過！
「PERFUME PLAY」係全韓國規模最大嘅香水工房，最多可以同時容納60人進行香水製作體驗，就算係一大班friend一齊旅行都可以一齊嚟體驗！
調香師會首先俾份表格大家，大家可以一邊聞香水，一邊記錄低自己最鍾意邊款同評分！
「PERFUME PLAY」嘅香水櫃係用香調嚟進行分類陳列，例如有柑橘調、花香調、木調等10款香調，等大家可以更加瞭解自己嘅愛好！
櫃檯隔離有一個迷你便利店，大家聞到覺得已經分唔清楚香味嘅時候可以嚟呢度一邊食零食，一邊休息。
試聞完之後就可以寫低自己最鍾意邊5款香味！以小編為例，整理好之後發現自己揀嘅香水大部份都係木調同麝香調，都真係幾神奇！大家最後需要喺呢幾款香調之中揀一款作為自製香水嘅主調。
之後就可以揀想用咩樽同樽蓋，揀好之後同調香師講，佢就會幫你準備。
跟住就可以正式開始整香水啦！首先要用酒精洗一洗個香水樽，然後將樽放上磅上面，放入適量香料。
只要根據調香師嘅指示去做就得，過程比想像中簡單。
之後仲可以加色素調色！「PERFUME PLAY」提供嘅香料同色素都對人體無害，更加通過歐盟化妝品最高標準，大家可以安心用！
下一步係加入含有皮膚保護同防曬功能嘅香水基底液，職員會好friendly咁幫大家，填滿個樽之後就大功告成啦！
整完之後大家仲可以用貼紙同印仔裝飾你支香水同用嚟裝香水嘅袋~
大家仲可以去Photo Zone幫你支香水影相留念！呢個area有各種道具同燈光，影出嚟嘅相都有一種文青嘅感覺，超有mood！
小編推薦大家同家人、朋友或者另一半一齊嚟「PERFUME PLAY」，咁就可以互相推薦香水，唔單止可以促進雙方關係，仲可以一齊留低特別回憶！
江南「PERFUME PLAY」前往方法
行去江南站（강남역）11號出口。
唔好直接上去，望右邊會見到呢度玻璃門。
行出去，然後轉右。
直行。
轉左，然後上樓梯。
即刻就會見到「PERFUME PLAY」門口。
咁就去到啦！
以上係江南「PERFUME PLAY」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com