Hello，大家好，我哋係由韓國人每日提供最新韓國旅行資訊嘅Creatrip。
嚟到3月，韓國準備踏入春天，雖然唔太凍，但又唔可以話好暖。雖然韓國人已經對呢種咁尷尬嘅氣溫習以爲常，但係對準備嚟旅行/住嘅外國人嚟講都幾難適應。到底韓國10度同香港10度嘅感覺係唔係一樣，又要點著衫先得？一於睇吓小編幫大家整理出嘅重點啦！
2026年冇咗醫美退稅好蝕錢？
透過Creatrip預約指定醫美診所
做完醫美療程上傳收據寫評論即賺10% Creatrip積分！
3月推薦活動/行前必知😉
[블로그] 3月韓國超市/百貨公司休息日
[블로그] 最受香港人歡迎嘅7間首爾醫美診所
[블로그] 星期日照常營業韓國醫美診所總整理
[스팟] REVE牙科（新沙）
[스팟] 日月韓服（韓服&戶外拍攝/化妝服務）
韓國各月份天氣&穿搭小貼士💡
韓國3月天氣&穿搭小貼士
韓國3月天氣🔆
通常一到3月，韓國氣溫會逐漸回暖，亦都好少會去到零下，而去到3月底櫻花更加會從南到北咁逐漸盛開，正式踏入春天！
首爾3月最高/最低溫度🌡️
- 最高溫度：7°C~13°C
- 最低溫度：0°C~5°C
2025年3月首爾溫度（weatherspark）
參考上年首爾3月嘅氣溫，喺3月15號之前有時候都會跌到零度，不過日頭最高氣溫就會回升，可以話係最舒服涼爽嘅時候！而由3月下旬開始首爾最低氣溫通常都會維持喺0度或以上，最高溫度都係13度左右。
由此可見，首爾3月嘅日夜溫差有可能會相差成15度左右，朝早同夜晚會偏涼。特別係嚟旅行嘅時候通常都會玩全日，記住要注意保暖！另外今年首爾櫻花4月頭就會陸續盛開，直至到落一場大雨之後櫻花季先會正式結束。
[스팟] [🌸早鳥優惠至28/2] 隨機賞櫻旅行團（首爾出發）
釜山3月最高/最低溫度🌡️
- 最高溫度：11°C~15°C
- 最低溫度：4°C~9°C
2025年3月釜山溫度（weatherspark）
因為釜山位於韓國南部，所以回暖速度比較快，可以話比起首爾早成半個月換季！釜山3月起最低溫度維持喺零上，去到3月下旬平均氣溫大約係10度以上，係韓國人最鍾意嘅春天天氣。亦都因為天氣比較暖，釜山櫻花大約會喺3月下旬就會出現，如果想早少少睇櫻花，小編建議去釜山同附近城市！
[스팟] [🌸早鳥優惠至28/2] 釜山天空膠囊列車&櫻花隨機賞櫻旅行團（釜山出發）
韓國3月穿搭/著衫小貼士🧥
因為韓國3月最低溫度都係徘徊喺零度左右，雖然唔會好似冬天咁凍到入骨，但係間中都真係會突然變凍，呢個時候著返件厚外套通常都夠，不過日頭著住可能就會有啲熱啦！
서울경제
所以建議3月嚟韓國嘅朋友執行李嘅時候記住要帶長袖衫同長褲，外套方面帶長版大褸或者厚少少嘅外套就得。另外小編平時一到轉季都會帶定件外套仔旁身，就算突然降溫都唔怕會凍親！
韓國3月會落雪？落雨？🤔
2021年3月韓國暴雪（경향신문）
韓國3月受大陸高氣壓影響，部份地區可能會落雪，不過真係好少見，所以其實大部份滑雪場都會喺2月尾（甚至更早）陸續關閉。最近呢幾年得2021年氣候比較反常，3月落勁大雪！
네이트 뉴스
而韓國3月間唔時都會落雨，不過通常都只會係毛毛雨。櫻花盛開之後都總會落一場雨，落完就代表春天正式嚟到啦！
韓國3月特別體驗推薦✨
Olive Young春季大減價
- 日期：3月1日~7日
Olive Young每年第一次大減價都會喺3月頭舉辦，今年優惠期間係3月1號到7號！大家記住要把握機會去Olive Young掃貨，唔好錯過一年得4次嘅大優惠！
[블로그] 2025 Olive Young Awards 得獎產品總整理
[블로그] Olive Young優惠總整理
晨靜樹木園五色星光庭園展
- 時間：至2025年3月15日
晨靜樹木園位於首爾近郊的春川、加平，冬天夜晚會特別舉辦「五色星光庭園展」，超靚燈光擺設記住唔好錯過！
[스팟] 南怡島+晨靜樹木園一日遊（首爾出發）
[스팟] 南怡島 + 草泥馬樂園 + 晨靜樹木園一日遊（首爾出發）
韓國減肥醫美療程攻略
農曆新年大家應該都食唔少好嘢食，如果想喺春夏天著靚衫去玩，建議趁飛韓國嘅時候做定減肥醫美療程，減減肚腩同手臂肥肉！一齊睇下韓國人都會去做咩醫美療程補救啦：
[블로그] 2026最新韓國人氣減肥療程總整理
以上就係小編整理出嘅首爾同釜山3月天氣、氣溫同穿搭小貼士，希望可以幫到3月準備嚟韓國旅行嘅朋友們。
飛韓國之前你仲需要...💡
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
