汝矣島/新沙Personal Colour | ocollor
買衫/化妝品前必做！幫你一次過分析Personal Colour、體型同臉型！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今日小編嚟到一間叫「ocollor」嘅Personal Colour中心，呢度仲有埋體型分析同化妝班，令客人可以更加瞭解自己！
撳我睇價錢&預約詳情👇🏻
汝矣島/新沙「ocollor」基本資訊
ocollor 汝矣島店
- 地址：서울 영등포구 국제금융로6길 33 11F 1106호
- 營業時間：10:00 - 20:30（Break Time 12:30 - 13:30）
ocollor 新沙店
- 地址：서울 강남구 강남대로156길 20 2F
- 營業時間：10:00 - 20:30（Break Time 12:30 - 13:30）
汝矣島/新沙「ocollor」實地探訪
今日小編嚟到位於汝矣島嘅Personal Colour中心「ocollor」，呢度同汝矣島站都只係5分鐘距離，交通幾方便！
中心裝修以粉紅色做主調，俾人一種溫暖舒服嘅感覺！
呢間Personal Colour中心原來已經開咗15年，專家經驗超豐富，而且設備同道具都好齊全，搞到小編好期待結果會係點！
首先會睇皮膚同頭髮色調，專家話小編皮膚屬於藍調偏白，而頭髮就係中性色調偏紅，小編都係第一次聽到咁嘅分析。
之後就會開始大家平時成日見到嘅步驟 —— 用各種顏色布做Personal Colour診斷！專家首先會先幫大家分係Warm Tone定Cool Tone，咁比較起先知道原來就算係紅色都有分別！
之後再用唔同色調嘅顏色進行比較，睇埋明亮度同飽和度。
小編今日仲有體驗埋Personal Fit分析，專家會幫大家量度手、腳、膊頭長度同胸圍、腰圍、臀圍，然後透過獨家計算方法分析到底屬於邊種體型，然後再話俾大家知著衫嘅時候需要注意啲咩（仲會幫大家分析埋臉型）！
如果大家都會做Personal Fit分析，建議大家著比較貼身嘅衫，結果會準啲！
做完上面所有步驟之後，專家會幫大家整理診斷結果同進行詳細諮詢。首先Personal Colour方面，小編屬於Summer Cool Tone，同小編本身預計嘅差唔多！而且原來每個色調都有幾個可以聯想起嘅形容詞，小編覺得同自己都幾夾XD 專家仲會教大家要點襯色等等，無論係買衫/化妝品定染頭髮前都可以參考！
之後專家就會幫大家睇化妝品，好彩平時小編用開嘅化妝品都襯返自己個Personal Colour色調~
之後就到Personal Fit診斷結果，大家可以睇到專家真係會好仔細咁分析，知道係咩體型之後仲會教大家要揀咩版型嘅衫褲，以後買衫都方便啲！
好似頭先所講，呢度仲會幫大家分析臉型，然後推薦襯你嘅髮型同眼鏡/太陽眼鏡、帽型等等，真係勁detail！
小編仲預約埋化妝體驗，專家會根據頭先嘅診斷結果，幫大家化返個襯返你形象嘅日常妝。
首先係上底妝，最特別嘅係專家喺粉底溝咗少少補濕cream，化上臉嘅時候會睇落更加水潤。
之後就到化眼妝嘅步驟，專家先上咗幾款啱小編Personal Colour色調嘅眼影，然後再畫眼線（仲畫埋小編覺得好難畫嘅內眼線）！
之後就係眼妝嘅靈魂 —— 睫毛！專家先用睫毛夾幫小編夾翹啲睫毛，然後再搽睫毛膏，再好細心咁整理好每條眼睫毛。
畫埋眉毛就完成眼妝部份啦！
小編個人覺得唇妝會決定成個妝嘅成敗！因為化妝前做咗Personal Colour診斷，所以好容易就可以揀到最襯小編嘅唇膏，搽完之後真係睇落更加有血色同活力！
最後搽埋胭脂就大功告成啦！
小編覺得今日透過呢個體驗可以更加清楚知道自己襯咩色，有咩色一定唔可以用（睇上面張相就知道對比有幾大XD）！而且仲可以更加瞭解自己嘅體型同臉型，以後就可以活學活用，放大自己嘅優點！如果大家都有興趣做Personal Colour同體型分析，推薦大家嚟「ocollor」！
汝矣島/新沙「ocollor」前往方法
ocollor汝矣島店
汝矣島站（여의도역）5號出口出。
向CU方向行，然後轉左。
直行。
過斑馬線，然後轉左。
過斑馬線，直行。
再過一條斑馬線，直行。
去到呢棟叫Manhattan Building嘅大廈之後行入去。
上11樓就到「ocollor」汝矣島店啦！
ocollor新沙店
新沙站（신사역）8號出口出。
向出口反方向行，見到藥局之後轉右。
喺轉角位轉右。
咁就去到「ocollor」新沙店啦！
撳我預約👇🏻
以上係「ocollor」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com