明洞美食 | Namsan Sirloin
喺明洞原來都可以食到超高質韓牛！
Hello，大家好，我哋係由韓國人每日提供最新韓國旅行資訊嘅Creatrip。
如果你問小編嚟韓國玩一定要食啲咩，小編會答你一定要食韓牛！不過因為韓牛比較貴，如果俾咁大筆錢又食唔到好食嘅韓牛真係會好sad... 今日就等小編介紹一間位於明洞嘅韓牛專賣店俾大家啦！
用埋明洞美食優惠券更加可享雙重優惠！
香港人飛韓國玩一定會去明洞，而明洞除咗可以行街掃貨，其實仲有超多高質餐廳同Cafe！而家只要有一套明洞美食優惠券，即可享有16間餐廳&Cafe嘅獨家優惠同免費贈品！
「Namsan Sirloin」優惠：送韓式蒸蛋
明洞美食優惠券 | ₩4,000 (4000) |
明洞「Namsan Sirloin」資訊
- 地址：서울 중구 퇴계로18길 26
- 營業時間：11:20 - 22:00（Break Time 14:30-16:30、Last Order 21:00）
- 可預約時間：12:00 / 13:00 / 17:00-20:00
- 語言：韓文、英文、越南文
明洞「Namsan Sirloin」推薦原因
- Namsan Sirloin嘅主廚有超過20年資歷，更加去過世界各地交流，為客人提供最高級同獨特嘅韓牛料理！
- 呢度嘅牛肉全部都係每日親手處理嘅熟成韓牛，每款餐點都係自家製，夠曬高質！
- 明洞站行4分鐘就到，交通夠方便之餘食飯前/後仲可以去明洞行街！
- 透過我哋預約嘅話每枱會免費送1杯Highball！
明洞「Namsan Sirloin」Creatrip獨家優惠
| 透過Creatrip預約 | 每枱送1杯Highball |
※叫嘢食嘅時候向職員出示預約記錄即可享有上述優惠
※南山Highball、梨Highball中擇一
明洞「Namsan Sirloin」Menu
Menu | 價錢 |
|---|---|
韓牛肋眼（1人份/150g） | ₩43,000 |
韓牛肋眼&Highball套餐 [韓牛肋眼(300g/2人份) + Highball 2杯 + 配菜(擇一) + 甜品] | ₩99,000 |
韓牛生牛肉（200g） | ₩28,000 |
韓牛生牛肉拌飯 | ₩14,000 |
牛血解酒湯 | ₩10,000 |
辣蘿蔔泡菜炒飯 | ₩5,000 |
※2024年1月價錢
明洞「Namsan Sirloin」價錢
| 訂位費用 | ₩20,000 / 組 (20000/組) |
※用餐後請支付扣除訂枱費用後消費金額
※價錢為1組客人費用
明洞「Namsan Sirloin」退款政策
預約後至到訪3日前取消 | 全額退款 |
到訪2日前或其後取消 | 不設退款 |
明洞「Namsan Sirloin」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期、時間同輸入所有所需資訊。
- 請準時到達，如果遲到超過10分鐘預約將會自動取消。
- 需要按照人頭點餐。
- 嚴禁攜帶或進食外來食物及飲品。
- 如需更改預約，或有任何疑問，請send email到help@creatrip.com查詢。
明洞「Namsan Sirloin」預約流程
STEP 1. | |
STEP 2. | 請詳細輸入所有相關資訊及付款，我哋會喺1-2個工作天內確認預約，如果需要更改日期/時間我哋會另外通知你。 |
STEP 3. | 當日請準時到達，向職員出示預約記錄。 |
STEP 4. | 用餐後請支付扣除訂枱費用後消費金額。 |
明洞「Namsan Sirloin」介紹
今日小編嚟到位於明洞嘅「Namsan Sirloin」食韓牛~！
「Namsan Sirloin」總共有3層，枱同枱之間唔會話好近，所以就算係食飯時間都唔會好嘈好逼。
燒肉方面，呢度淨係會用最高級嘅熟成韓牛肋眼肉！而另外亦都有提供生牛肉拌飯同韓牛解酒湯等等嘅主食。
小編同朋友叫咗韓牛肋眼&Highball套餐、生牛肉、生牛肉拌飯同韓式蒸蛋！呢度小菜都好豐富，有辣蘿蔔泡菜、葱絲、鵪鶉蛋等等，亦都有可以點肉食嘅醬料同鹽。
最正嘅係如果叫燒肉嘅話，仲會送一份牛血解酒湯，骨湯味道濃郁，而且牛血唔會腥！
如果係透過Creatrip預約嘅話，每枱可以免費得到一杯Highball！呢度有兩款Highball，包括係山茶花味嘅南山Highball同甜甜地嘅梨Highball，大家可以自由揀一款。
韓式蒸蛋同香港蒸蛋唔同，韓式蒸蛋會好似梳乎里咁比較有空氣感，而且蛋味更加香！
因為呢度係韓牛專門店，所以牛肉都特別新鮮，連生牛肉都唔腥，仲好鮮甜！
終於嚟到今日嘅重頭戲 —— 燒韓牛！牛肉經過360小時熟成，油花分佈均匀，未燒都覺得好正！
職員全程都會幫大家燒肉，大家只要坐喺度等食就得！
鐵盤燒熱到一定溫度之後就會正式開始燒肉，職員一邊燒肉仲會燒埋蒜頭、辣椒同雞脾菇，蔬菜吸收曬韓牛油脂嘅香味！
職員會專登燒得冇咁熟，等大家可以按照喜好再燒熟啲嚟食（小編覺得就咁食都唔會有血腥味）！
職員話第一塊牛肉最好齋點鹽食，感受韓牛獨有嘅風味。
之後就可以自由配其他配菜食，辣蘿蔔泡菜同葱絲都可以令味道變得更加清新冇咁油膩！
呢度比較特別嘅地方係會燒埋椰菜~ 燒好嘅椰菜脆口鮮甜，職員會推薦大家點辣椒醬食，同牛肉嘅配搭比想像中夾！
呢個套餐包一款配菜，小編同朋友就揀咗辣蘿蔔泡菜炒飯，唔單止夠飽肚，泡菜嘅酸味反而可以解膩！
推薦大家可以留低幾塊肉配住一齊食，再食埋飯焦真係一流！
最後仲會有雪糕當甜品，為呢餐畫上一個完美嘅句號~ 如果大家想食韓牛，但又唔知道邊度好食/有信心保證嘅話，強力推薦大家嚟「Namsan Sirloin」！
明洞「Namsan Sirloin」前往方法
明洞站（명동역）3號出口出。
向左邊直行。
繼續直行。
第一個轉彎位轉右。
直行。
咁就去到「Namsan Sirloin」啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com