清潭妝髮體驗 | Jenny House
超出名韓國明星化妝&髮型屋！可能你隔離位就係明星...！
Hello，大家好，我哋係由韓國人每日提供最新韓國旅行資訊嘅Creatrip。
唔少朋友都會想體驗韓國明星嘅化妝同髮型服務，而其中一間最多人預約嘅鋪頭相信一定係今日要介紹嘅「Jenny House」！呢間化妝&髮型屋已經經營咗20年，可以話係韓國化妝界嘅代表之一，就等小編帶大家去睇吓啦！
「Jenny House」基本資訊
- 地址：
- 12月31日前：서울 강남구 압구정로75길 28
- 2025年1月1日起：서울 강남구 선릉로146길 56
- 營業時間：11:00 - 18:00
📍 2025年店鋪將進行搬遷，預約1月1日或其後日子之人士請前往新地址進行體驗
「Jenny House」推薦原因
- 創辦超過20年，係帶領韓國美容產業發展嘅龍頭之一，非常受韓國明星愛戴！
- 旗下有超過80位專業化妝師同髮型師，每位都經驗豐富，務求為所有客人提供優質客製化服務！
- 提供化妝&髮型服務、頭皮SPA等多種美容服務任君選擇，仲係由幫韓星服務過嘅化妝師同髮型師為你服務！
- 呢度嘅化妝師同髮型師好識搵出最能夠凸顯客人優點嘅造型，想轉個新look嘅話可以放心交俾佢哋！
- 有超過1,200個明星都係呢度嘅熟客，好彩嘅話可能你隔離位就係明星！
「Jenny House」價錢
選項 | 價錢 | |
美髮體驗 | 剪髮 | ₩88,000 (88000) |
| 頭皮SPA（60分鐘） [頭皮狀況診斷、深層頭皮排毒、頭皮&頭髮重點護理、精華修護療程、頭髮造型] | ₩220,000 (220000) | |
| 星級電髮服務（120-150分鐘） [洗頭、電髮、頭髮造型] | ₩440,000 (440000) | |
| 星級染髮服務（90-120分鐘） [洗頭、染髮、頭髮造型] | ₩330,000 (330000) | |
化妝體驗 | 明星化妝服務（60分鐘） [護膚、底妝、眼妝、唇妝] | ₩220,000 (220000) |
化妝班（90分鐘）  | ₩660,000 (660000) | |
美髮套餐 | 頭皮SPA + 剪髮（90分鐘） [頭皮狀況診斷、剪髮、頭皮/頭髮護理療程、頭髮造型] | ₩275,000 (275000) |
| 明星妝髮服務（120分鐘） [洗頭、化妝、頭髮造型] | ₩297,000 (297000) | |
| 星級婚禮妝髮服務 （男+女、180分鐘） [洗頭、化妝、頭髮造型] | ₩880,000 (880000) | |
豪華套餐 | 星級高級全方位套餐（240~300分鐘） [頭皮SPA、剪髮、染髮 OR 電髮、化妝服務、美甲] | ₩1,500,000 (1500000) |
「Jenny House」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
「Jenny House」注意事項
- 請最少喺3日前完成預約，你亦可以喺60日前進行預約。
- 除咗星期六，其餘日子13:00-14:00之間唔提供翻譯服務。
- 預約時請確保已選擇正確日期、時間同輸入所有所需資訊。
- 預約時商品數目必須等於或多於體驗人數，每人亦可選擇多於1個商品。
- 預約時無法選擇髮型師等級（隨機分配）。
- 根據頭髮狀態同所選療程，可能需要喺現場額外支付費用。
- 體驗大約需要1-3小時。
- 如遲到10分鐘或以上，預約將自動取消，亦不設退款。
- 有識講中文同英文嘅職員在場，而日文將會使用翻譯機進行溝通。
- 如果想更改預約，或有任何疑問，請send email到help@creatrip.com查詢。
「Jenny House」預約流程
STEP 1. | |
STEP 2. | 請詳細輸入所有相關資訊及付款。 |
STEP 3. | 我哋會喺1-2個工作天內確認預約，如果需要更改日期/時間我哋會另外通知你。 |
STEP 4. | 體驗當日請準時到達，向職員出示預約記錄。 |
STEP 5. | 開始體驗！ |
「Jenny House」參考圖片
「Jenny House」介紹
Jenny House 清潭Hill店
「Jenny House」位於江南區廳站同清潭站附近，裝修行高貴典雅風格，而且環境真係勁大！
呢度空間規劃做得好好，化妝、整頭髮、做頭皮SPA嘅位都係分開嘅，為求令每位客人都可以唔受其他人影響，享受美好時光。
小編以前就有聽過呢間化妝&髮型屋，因為真係有好多韓國明星出席活動或者拍攝前都會喺度化妝Set頭！呢度有好多經驗豐富嘅髮型師同化妝師，好多人都會慕名而來體驗正宗韓式妝髮服務！
去到之後首先可以將隨身行李放入儲物櫃，因為儲物櫃夠大，就算係大件少少嘅行李都冇問題。
放好行李著好袍之後，職員就帶咗小編同朋友去1樓化妝室。正式開始之前化妝師會問大家有冇想整點嘅Style或者造型，如果大家有參考圖片都可以show俾佢哋睇！
小編今日揀做咗頭皮SPA同明星妝髮服務，因為要化妝，所以小編係全素顔XD
正式做頭皮SPA之前，職員會先幫大家check吓頭皮狀態，然後再做深層頭皮排毒、頭皮&頭髮重點護理、精華修護療程，最後仲會幫你set頭。
「Jenny House」總共有5層，由3樓到5樓都係剪頭髮同做頭皮SPA嘅地方，證明真係有好多人嚟整頭髮！職員首先會幫大家洗頭，洗頭嘅時候仲會幫你按摩，刺激頭皮血液循環。
「Jenny House」嘅頭皮SPA同其他髮廊唔同嘅地方在於會用多款產品幫大家嘅頭皮做深層排毒，令頭皮變得更乾淨！之後就用暖水冲洗頭髮，打開頭髮角質層之後再搽護髮產品，令頭髮可以盡量吸收最多養分。
再做埋精華修護療程，幫頭皮做好保濕，再吹埋頭就大功告成，做完之後即刻會feel到頭髮變得更加柔順！
之後就會開始化妝，總共會有2位化妝師幫大家化妝！化妝師會先幫大家搽護膚品，然後再上粉底。為咗個底妝可以更加服貼冇咁易甩，上粉底嘅時候會分開幾次上，而且每次都會用粉撲拍好多次XD 但係真係比起小編自己喺屋企化妝嘅時候效果靚好多！
之後就會化眼妝，化妝師幫客人會揀最襯大家嘅顏色，上眼影嘅時候仲會好細心咁一層一層上，一邊化亦都會問你滿唔滿意或者有冇咩地方想改，好貼心！
畫埋眼線之後就會幫你癡假眼睫毛，令雙眼睇落更加大同有神，而且唔會太假，效果夠自然。
最後上埋陰影胭脂同搽唇膏就大功告成啦！
同小編一齊嚟嘅朋友都揀咗體驗明星妝髮，因為朋友同小編嘅風格同襯嘅顏色都好唔一樣，所以化妝師幫朋友化妝嘅時候用嘅product同化妝手法都唔同！同小編聽講嘅一樣，呢度嘅化妝師好識catch每個客人嘅五官優點同缺點，然後用專業化妝技術幫大家放大優點同遮住缺點！
化完妝之後就會去3樓set頭，如果大家有想整嘅style，同樣可以show參考圖片俾髮型師睇！另外如果好似小編朋友咁冇做頭皮SPA嘅話，整頭髮之前會先幫你洗頭！
而小編就因為唔知整咩髮型好，所以叫咗髮型師推薦！而且髮型師幫小編整頭髮嘅時候都會同小編傾偈，完全唔會覺得尷尬。
而且髮型師會一邊整一邊問你意見，等你可以整返個最滿意嘅髮型。
整頭髮嘅時候髮型師仲有用「Jenny House」嘅自家定型噴霧，佢可以幫手固定髮型，但係又唔會太硬太假，小編都忍唔住影低咗之後去Olive Young買XD
呢個就係小編同朋友嘅最終成果啦！小編一直都好想去韓國明星去開嘅化妝&髮型屋體驗吓，而且今次過程中化妝師同髮型師都有教小編平時要點化妝同打理頭髮，所以小編覺得今次嚟「Jenny House」係一個明智選擇！如果大家都想體驗韓式妝髮服務，推薦大家嚟「Jenny House」（仲有可能見到明星𠻹啊）！
「Jenny House」前往方法
撳我預約👇🏻
以上係清潭妝髮體驗「Jenny House」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com