首爾地鐵將會新設無座位車廂？
首爾地鐵新增「無座位車廂」，解決人流擠逼問題！首爾站、明洞站、高速巴士站全部都可以搭到？
Hello，大家好，我哋係由韓國人每日提供最新韓國旅行資訊嘅Creatrip。
小編成日都覺得，其實首爾同香港某程度上都幾似，同樣都係大都市、生活速度快，最重要嘅係每日返放工時間地鐵都超！爆！多！人！有見及此，首爾交通公社喺年頭試行設置無座位車廂，最近更加擴張到另一條地鐵線！到底有邊兩條線會拆位？又點解要咁做？跟住小編一齊睇落去啦！
想喺首爾暢通無阻？
首爾地鐵新設無座位車廂
뉴시스
首爾交通公社先前喺2024年1月9號宣佈，為了緩解地鐵擠逼情況，由1月10號開始會將4號線列車其中一卡車廂嘅座位拆除（FYI 4號線係會經過首爾站、明洞站、東大門歷史文化公園站嗰條淺藍色線）。
중앙일보
點解會係4號線？2023年第三季嘅時候，4號線車廂嘅最高擁擠度（實際乘客數量除以預設滿客量）為193.4%，係首爾地鐵8條路線中最高！
서울교통공사
考慮到擁擠程度同車內環境，首爾交通公社決定將列車當中放喺座位下面嘅主要運行設備比較少嘅3號車嘅第4卡或者第7卡座位拆除，不過只限返工時間，其餘時間將會恢復原狀。透過呢個方法，預計地鐵擁擠度最多可以改善40%，也會多出12.6平方米嘅空間！
另外因為會拆除曬所有座位同置物架，冇嘢捉住嘅話好大可能會因為企唔穩而跌親，所以無座位車廂入面會額外設置支架同扶手，試行期間亦都會進行廣播通知同喺車廂出入口貼上告示等等，避免乘客感到不便。
한겨레
上面張相係試行第一日嘅狀況，大家可以見到真係成個車廂都企滿人，有唔少乘客都話體感上空位多咗咁逼，企嘅時候亦都會比較舒服（平時前面如果有座位嘅話仲要小心唔好撞到）。
조선일보
而首爾交通公社亦都喺琴日（15/5）宣佈，由今日（16/5）開始會將無座位車廂擴展到7號線，拆除其中一個車廂座位（FYI 7號線係建大入口站、兒童大公園站、高速巴士站同纛島站嗰條墨綠色線）！
매일경제
除咗好似4號線咁會拆座位+加設扶手，更加會以“乘搭7號線遊覽首爾”為主題裝飾車廂內部，令整體感覺唔會咁空曠嘅同時增添一股生氣！
중앙일보
首爾交通公社預計之後會再評估成效，然後決定會唔會再擴大無座位車廂，希望可以令首爾市民搭地鐵嘅時候可以更加舒適、安全。
喺仁川機場點出首爾市區好？
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com