首爾站Fine Dining | Confier
首爾CP值高Fine Dining餐廳!韓國+法國Fusion菜超特別!
Hello,大家好,我哋係由韓國人每日提供最新韓國旅行資訊嘅Creatrip。
有時候想同家人、朋友、另一半慶祝特別日子,都會想去比較高級+氣氛好嘅餐廳食返餐,但係通常呢啲餐廳都好貴... 今日就俾小編搵到一間CP值高嘅Fine Dining餐廳,聽講好多韓國人第一次去食Fine Dining都係嚟呢度!
首爾站「Confier」資訊
- 地址:서울 중구 세종대로 14 그랜드센트럴 B2F
- 營業時間:12:00 - 21:30(Break Time 14:30 - 18:00)
- 可預約時間:12:00 / 12:30 / 13:00 / 18:00 / 18:30 / 19:00
- 語言:韓文、簡單英文
首爾站「Confier」推薦原因
- 所有餐點都係用韓國當造食材炮製而成,更加會根據季節轉menu,等客人可以食到最新鮮最好食嘅高級料理!
- 餐廳裝修新潮氣氛好,鍾意影相嘅你一定唔可以錯過!
- BLACKPINK同EXO都有私底下嚟過幫襯,喺韓國好出名!
- 通常講起Fine Dining都會覺得好貴,不過呢度CP值夠高,可以用合理價錢享受到高級餐點!
- 首爾站4號出口行1分鐘就到,交通夠方便之餘附近仲有樂天超市同Outlet可以行街!
- 提供英文同日文餐牌,就算唔識韓文都唔洗擔心!
首爾站「Confier」獨家優惠
- 只要透過Creatrip預約,每人即可獲得1杯紅酒/白酒。
- 向職員出示預約記錄即可享有獨家優惠。
- 酒種類可以參考酒單選擇(只限單杯紅酒/白酒)。
- 如同行人士中有未成年人士,上述優惠將會換為其他飲品。
首爾站「Confier」價錢
座位選項 | 訂金 | |
午餐 | 餐枱 | ₩20,000/人 (HKD 118.05/人) |
獨立房(5~8人) | ₩150,000/間 (HKD 885.39/間) | |
晚餐 | 餐枱 | ₩40,000/人 (HKD 236.1/人) |
獨立房(5~8人) | ₩250,000/間 (HKD 1,475.64/間) |
※到訪當日將會收取扣除訂金後餘下金額。
※獨立房可以容納5-8人。
※餐枱有2人枱、4人枱同Bar枱,我哋會先幫大家安排坐2/4人枱,如果滿曬嘅話將會幫你安排坐Bar枱。
首爾站「Confier」退款政策
預約後至體驗2日前取消 | 全額退款 |
其後取消 | 不設退款 |
首爾站「Confier」Menu
價錢 | 餐點 | |
午餐 | ₩59,000 (HKD 348.25) | Amuse-Buche Appetizer(2款) Meal Cleanser Semi-main Main Dessert |
晚餐 | ₩89,000 (HKD 525.33) | Amuse-Buche(3款) Appetizer(3款) Meal Cleanser Semi-main Main Dessert Petit(2款) Tea |
※所需時間:午餐最少1.5小時、晚餐最少2小時
※餐點會根據季節而有所變動
2024 春季晚餐
Amuse-Buche(3款)
帶子、金桔、薄荷、櫻桃蘿蔔、刁草、香芹
韓牛牛柳、蘑菇、茴芹、白蘿蔔
粟米粉、雞湯、Parmigiano-Reggiano芝士、發酵牛油、松露
Appetizer(3款)
八爪魚、水芹菜、青豆、番茄、雞蛋、萵筍
大白菜、松子、薯仔丸、鯷魚、黑橄欖、芝士crumble
鴨脾肉、芥菜葉、意大利番茜、紅葱頭、紅椰菜
Meal
花蟹、紫菜、蕨菜、馬蹄菜、雞蛋、白米、紫蘇油
[額外加海膽(+₩15,000)]
Cleanser
奇異果、羅勒、白酒
Semi-main
比目魚、南瓜、鼠尾草、香菜籽、番茜、藜麥
[額外加魚子醬(+₩30,000)]
Main
黑豬肉豬柳、大白菜、茄子、野菜、大葱
or
羊架、青豆、迷你紅蘿蔔、味噌、焦化牛油(+₩30,000)
or
韓牛西冷 1++No.9.、牛肉醬汁、醃白蘿蔔、冬菇、紅洋葱、辣根、芝麻芽苗 (+₩40,000)
[額外加黑松露(+₩20,000)]
Dessert
杏桃、萬壽菊、藍莓、香橙
※如果係生日或者紀念日,可以免費申請特別服務(祝福字句曲奇)
Petit
脆皮泡芙、紅桑子、檸檬香桃木
藥果、伯爵茶、糖漿、肉桂、紅棗
Tea
洛神花茶 / 山茶花茶 / 紅茶 中擇一
首爾站「Confier」注意事項
- 請最少喺3日前完成預約,你亦可以喺30日前進行預約,不過因為預約好快滿,建議大家提早預約。
- 預約前請先確認好當時提供嘅餐點同食物過敏原資訊。
- 獨立房只限5-8人預約,如果同行人士中有學齡前兒童,亦只可以預約獨立房(需滿足人數要求)。
- 請準確選擇日期、時間同輸入人數,如果到訪時人數同預約人數唔一致,餐廳有權唔俾你入場(e.g. 預約獨立房之後最後到場人數只有4個人嘅情況下將無法入座)。
- 請務必準時到達。
- 請每人最少叫1個set,如果實際到訪人數少過預約人數,亦需要按照預約人數點餐。
- 如果有任何食物敏感,預約時請填寫相關事項。
- 如果無法享用特定餐點,餐廳唔會另外準備其他餐點代替。
- 需要等所有客人到齊後先會開始上菜。
- 如果同行人士中有未成年人士,將無法享用酒精飲品(透過Creatrip預約嘅時候送嘅紅酒/白酒亦會換做其他飲品)。
- 嚴禁進食外來食物及飲品;如果會帶蛋糕就只可以影相。
- 到訪餐廳前如果需要更改預約,或有任何疑問,請send email到help@creatrip.com聯絡負責同事。
首爾站「Confier」預約流程
STEP 1. | |
STEP 2. | 請詳細輸入所有相關資訊及付款, 我哋會喺3個工作天內確認預約 (如果需要更改日期/時間我哋會另外通知你)。 |
STEP 3. | 體驗當日請準時到達,向職員出示預約記錄。 |
STEP 4. | 食完飯俾錢嘅時候將會收取扣除訂金後最終消費金額。 |
首爾站「Confier」介紹
今日小編帶大家嚟到喺韓國都幾出名嘅Fine Dining餐廳「Confier」!「Confier」係一間韓式+法式Fine Dining餐廳,運用最新鮮嘅韓國食材,配搭法式烹調手法,炮製出特別得嚟夠好味嘅餐點。呢間餐廳位於首爾站附近,交通方便之餘食飯前/後仲可以去樂天Outlet同超市行街掃貨!
呢度係位於「Confier」門口嘅接待處,門柄設計同燈光都勁特別!大家嚟到之後記住出示預約記錄,然後職員就會帶大家埋位。
餐廳整體裝修俾人一種沉穩又高級嘅感覺,而且唔單止有普通餐枱,仲有埋bar枱同獨立房,大家可以根據人數預約。
另外呢度嘅廚房係開放式廚房,大家可以望住廚師點整嘢食!
今日小編坐嘅係4人枱,枱後面有一個可以掛褸嘅地方,非常細心。
每個位都會有一塊有「Confier」 Logo嘅餐巾、一套餐具同今日嘅Menu。枱上面仲有一個QR Code,scan完之後可以睇到餐廳相關介紹,亦都有英文同日文餐牌!今日小編就會食晚餐course,老闆話因為全部餐點都係用當造食材,所以每隔3個月就會轉一次menu,而今日小編食嘅係2023年冬季Menu~
大家記住要同職員講話係透過Creatrip預約,咁就可以每人免費得到一杯紅酒/白酒!想飲邊款酒可以參考餐牌自己揀,最特別嘅係呢度有純素嘅白酒!
終於開始上菜啦!第一個course係有3款一口料理嘅Amuse-Buche,左邊第一款係由蘋果、山羊芝士、絲綢芝士、開心果、刁草同紅葱頭整成嘅啫喱,味道好特別;中間係韓牛牛柳配蘑菇、茴芹同白蘿蔔,牛肉非常嫩滑而且唔會腥;最後右邊係用一嚿用雞湯、Parmigiano-Reggiano芝士、發酵牛油同松露整成嘅前菜,再裹上粟米粉油炸,脆口得嚟松露味好濃郁!
之後就會上3款前菜,第一款係用羊肚菌整成嘅餃子配黑虎掌菇清湯,餃子餡多夠飽滿,味道都非常豐富。
而第二款就係用大白菜、松子、薯仔丸、鯷魚、黑橄欖、芝士crumble炮製而成,睇落好似會好濃好漏,不過食落反而有種健康嘅感覺!
最後一款係牛油煎鴨脾肉配意大利火腿牛油醬,仲有紅椰菜做配菜解膩!
下一個course係意粉,上面有兩款蝦同水芹青醬調味,職員話建議大家先單獨食意粉,試咗原味先再撈勻食。
「Confier」嘅晚餐course都真係幾多吓,上主菜之前會先上呢款用奇異果、羅勒同白酒調配而成嘅飲品,幫大家清清味蕾!一啖飲落去味道好清新,就好似reset咗咁,可以繼續食落去啦!
Semi-main
加魚子醬(+₩30,000)
Semi-main係一款用比目魚做主要食材嘅menu,魚肉入口即融,配搭埋蒜芯、芽菜、藜麥、大葱、龍蒿、鼠尾草同蜆肉清湯,唔會太heavy!小編仲額外加咗魚子醬,味道比想像中夾好多!
Main
加黑松露(+₩20,000)
主菜方面,大家可以揀食黑毛豬豬柳或者加₩40,000轉做韓牛西冷。首先用炭火燒嘅黑毛豬碳香味重,配埋冬天當造蔬菜薺菜都好夾,小編就最鍾意同側邊嘅菊芋蓉同炸到脆卜卜嘅牛蒡一齊食,大家仲可以加埋黑松露!
轉韓牛西冷(+₩40,000)
另外韓牛西冷係用最高等級嘅牛肉,肉香味濃,而且調味啱啱好!
食完主菜當然要食埋甜品啦!今次呢個set嘅甜品係乳酪雪葩,配埋香茅、西芹、青提子同迷迭香crumble,雖然係小編第一次食嘅配搭,不過真係好清新,而且香草味好濃!
之後會上埋茶同最後嘅Petit甜品,包括係脆皮泡芙同伯爵茶味藥果!建議大家先食泡芙再食藥果,配埋洛神花茶,為呢一餐畫上一個完美句號。
用呢個價錢可以食到咁多款用韓國當地當造食材炮製而成嘅韓式+法式Fusion菜,小編覺得好值得!如果大家搵緊一間氣氛好得嚟嘢食又夠高質嘅餐廳,超推薦大家嚟「Confier」!
首爾站「Confier」前往方法
首爾站(서울역)4號出口出。
直行。
過完上面呢條斑馬線之後就會見到GRAND CENTRAL。
行入去。
搭扶手電梯落B2/F。
咁就去到「Confier」啦!
以上係首爾站Fine Dining「Confier」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com