梨泰院髮型屋 | Commenanabien（漢南店）
一站式超全面K-Beauty服務喺梨泰院就做到！
Hello，大家好，我哋係由韓國人每日提供最新韓國旅行資訊嘅Creatrip。
無論係男定女，最近有好多人嚟韓國玩嘅時候都會去整頭髮！今日小編去咗一間同時提供妝髮服務、頭皮SPA同形象指導嘅髮型屋「Commenanabien」體驗，跟住小編一齊去睇吓啦！
「Commenanabien（漢南店）」資訊
- 地址：서울 용산구 대사관로 35 사운즈한남 B1F
- 營業時間：星期一、二、四至六 10:00-19:00、星期日 10:00-18:00
- 可預約時間：星期一、二、四至六 10:00-18:00、星期日 10:00-17:00（預約時段以30分鐘為單位）
- 語言：韓文、英文
「Commenanabien（漢南店）」推薦原因
- 可以一次過體驗韓國化妝、美髮同形象指導！
- 由專人提供客製妝髮服務，幫客人設計最啱佢嘅造型！
- 透過專業頭皮診斷瞭解客人頭皮狀況，令頭髮都可以從根本變得更加健康！
- 鄰近梨泰院站，交通夠方便！
「Commenanabien（漢南店）」價錢
選項 | 價錢 |
剪髮 | ₩44,000 (44000) |
電髮 | ₩220,000 (220000) |
染髮 | ₩150,000 (150000) |
頭髮護理療程 | ₩150,000 (150000) |
剪髮+電髮 | ₩220,000 (220000) |
剪髮+染髮 | ₩194,000 (194000) |
剪髮+頭髮護理療程 | ₩194,000 (194000) |
頭髮SPA | ₩180,000 (180000) |
韓妝服務 | ₩220,000 (220000) |
妝髮服務 | ₩275,000 (275000) |
形象指導 | ₩220,000 (220000) |
※根據頭髮長度同最後揀選嘅療程，可能需要額外支付費用
※本頁面所標示嘅價錢以韓幣為準，港幣幣值會因應即時匯率而浮動
「Commenanabien（漢南店）」退款政策
| 預約後至體驗3日前取消 | 全額退款 |
| 體驗2日前或其後取消 | 不設退款 |
「Commenanabien（漢南店）」注意事項
- 請最少喺2日前完成預約，你亦可以喺60日前進行預約。
- 根據頭髮長度同最後使用產品，可能需要額外支付費用。
- 體驗大約需要1-4小時。
- 預約時請確保已選擇正確日期、時間同輸入所有所需資訊。
- 預約時需支付訂金，體驗當日將會收取餘下金額。
- 如遲到10分鐘或以上，預約將自動取消，亦不設退款。
- 預約時商品數目必須等於或多於體驗人數，每人亦可選擇多於1個商品。
- 如果想更改預約，或有任何疑問，請send email到help@creatrip.com查詢。
「Commenanabien（漢南店）」預約流程
STEP 1. | |
STEP 2. | 請詳細輸入所有相關資訊及付款。 |
STEP 3. | 我哋會喺1-2個工作天內確認預約，如果需要更改日期/時間我哋會另外通知你。 |
STEP 4. | 體驗當日請準時到達，向職員出示預約記錄。 |
STEP 5. | 開始體驗！ |
「Commenanabien（漢南店）」參考圖
「Commenanabien（漢南店）」介紹
今日小編嚟到喺梨泰院好出名嘅髮型屋「Commenanabien」，有唔少明星同YouTuber都係呢度嘅常客！呢間髮型屋唔單止有洗剪吹，仲有頭皮SPA同形象指導，超多款服務任君選擇！
髮型屋裝修以白色為主調，俾人一種開揚闊落嘅感覺。
「Commenanabien」用嘅係LOREAL嘅美髮產品，質素有保證！
去到之後出示預約記錄，職員就會帶大家去儲物櫃，大家可以將隨身行李同衫放入去保管。
小編已經有4個月冇整過頭髮，所以決定今日一次過染頭髮+剪頭髮，再做埋頭皮SPA！
等緊嘅時候職員仲會幫大家準備飲品同零食，相當貼心！
之後髮型師就過咗嚟同小編傾要點整頭髮，髮型師會根據客人髮質、風格同臉型等等推薦最襯客人嘅髮色同髮型，就算唔知點整好都唔需要擔心。
因為今日小編仲會做埋頭皮SPA，所以髮型師仲用咗一部機幫小編睇頭皮狀況，再推薦相對應嘅療程。髮型師話小編頭皮雖然算乾淨，不過就有少少乾，所以建議小編做鎮靜頭皮SPA。
跟住就正式開始整頭髮啦！染頭髮之前職員會先幫手搽頭皮保護劑，上埋染色藥之後就會用一部蒸汽機幫頭髮加速吸收。
之後職員就會用染髮專用洗頭水幫你洗頭，仲會順便幫你按摩，都幾舒服吓~
小編因為想遮一遮塊臉，所以髮型師就推薦小編剪返個長少少嘅瀏海，之後再修一修髮尾就差唔多啦！
最後會做埋頭皮SPA，職員首先會幫大家用香薰精油按摩，舒服得嚟陣味勁療癒~
因為小編今次做嘅係Calming頭皮SPA，所以會用到鎮靜降溫嘅去角質精華。
搽完精華之後職員會再幫大家按一按頭皮，然後就會用呢部機加熱，加快精華吸收速度，而且暖暖地好舒服。
同其他髮型屋唔同，「Commenanabien」漢南店有頭皮SPA專用獨立療程室，私隱度夠高！
因為頭先搽咗去角質精華，洗頭嘅時候會順便做埋頭皮去角質，洗完之後真係會覺得頭皮清新乾淨咗！
之後就會用蒸汽打開頭皮毛孔，再搽埋頭皮護理產品，因為又暖又舒服，小編差少少就瞓著咗XD
做完頭皮SPA之後就可以返位吹頭+Set頭。
Before
After
呢個就係小編嘅Before & After啦，頭髮係唔係睇落企理咗又更加有光澤呢？小編真心幾滿意今日喺「Commenanabien」嘅體驗，唔單止可以喺同一個地方做曬剪+染+頭皮SPA，成個過程都好舒服，成果都好靚，大家下次如果想喺韓國整頭髮，不妨可以考慮嚟「Commenanabien」！
「Commenanabien（漢南店）」前往方法
漢江鎮站（한강진역）3號出口出。
直行。
第二個路口轉左。
直行。
去到三岔路之後行入最左邊條小路。
直行。
跟住小路繼續行。
繼續直行。
直行。
你會見到前面有條斜路，唔好過馬路直接轉左。
直行。
你會見到呢個入口喺左邊，行入去。
行入前面度門。
然後再行出去，轉右。
直行。
右邊會有條樓梯，行落去。
轉左。
咁就到啦！
以上係梨泰院「Commenanabien（漢南店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
