Hello，大家好，我哋係由韓國人每日提供最新韓國旅行資訊嘅Creatrip。
弘大係韓國潮流集中地，今日就等小編帶大家去呢間位於弘大附近嘅髮型屋「THE DAY'S HAIR」，呢度最出名染髮同做頭皮SPA，一齊去睇吓啦！
撳我睇預約詳情👇🏻
弘大「THE DAY'S HAIR」資訊
- 地址：서울 홍익로 5안길 20 2F,3F
- 營業時間：星期一至日 10:00 - 22:00
- 可預約時間：星期一至日 10:00 - 20:00
- 語言：韓文、英文
弘大「THE DAY'S HAIR」參考圖片
如果想睇更多參考圖片，可以去「THE DAY'S HAIR」髮型師Dean嘅Instagram（@thedays_dean）睇！
弘大「THE DAY'S HAIR」介紹
今日小編想介紹一間距離弘大入口站9號出口只有5分鐘距離嘅髮型屋「THE DAY'S HAIR」！呢度唔單止受韓國人歡迎，更加有唔少外國人嚟韓國旅行嘅時候都會專登嚟呢度整頭髮！
呢度嘅髮型師全部都經驗豐富，好識幫客人搵出最啱自己嘅style同髮型，所以就算大家唔知道自己襯點樣嘅髮型都唔需要擔心，一於交俾專家啦！
呢度最出名染頭髮，有好多韓仔韓妹都會專程嚟，小編自己都有嚟過呢度整頭髮，喺弘大入口站9號出口行5分鐘就到！
髮型屋內部夠簡潔，亦都分成等候區、剪髮區、洗頭區等等，唔會好似其他髮型屋咁亂。
「THE DAY'S HAIR」大部份都係用LOREAL嘅產品，呢個國際品牌相信唔會有人冇聽過！
大家去到之後就可以先放低行李，記住要保管好條鎖匙啊！
之後就可以同髮型師傾點整，因為髮型師識講英文，所以溝通上完全唔會有問題！今日小編會染頭髮同整highlight，正式開始整之前髮型師就會同大家講定洗唔洗加錢同最後價錢係點，收費夠透明！
髮型師先幫小編修咗少少頭髮，然後就開始漂會整highlight嘅部份。「THE DAY'S HAIR」嘅漂髮劑比起坊間嘅氧化劑含量更加少，可以減少頭髮損傷！
小編都係第一次整到成頭都係錫紙XD 不過髮型師話咁先唔會揩到其他頭髮！
等緊嘅時候大家仲可以揀嘢飲~
如果效果夠出就可以去洗頭，成個過程大約用咗20-30分鐘。
為咗保護頭髮，髮型師會先用一部蒸汽機打開頭髮角質，然後幫大家搽修復精華，咁做可以令頭髮吸收到更多養分。
染色前髮型師會同大家再傾多次會染咩色，大概效果又會係點等等，小編最後就決定染返個唔會太sharp嘅啡色。
呢個就係小編頭髮染出嚟嘅效果啦！整體望落唔會話太誇張或者太sharp，但係同時因為漂咗highlight，所以效果又唔會太平淡，正正係小編想要嘅感覺！
之後髮型師有再幫小編剪頭髮同整頭髮造型，咁就大功告成啦！
整完之後髮型師仲教咗小編要點打理頭髮，亦都推薦咗幾款產品俾小編！不過小編覺得最sweet嘅係「THE DAY'S HAIR」為外國客人準備咗一個弘大必去地方+必食餐廳嘅list，大家如果唔知去邊度好可以參考吓。
「THE DAY'S HAIR」最出名係染頭髮同漂頭髮，大家如果想改變造型，推薦大家嚟呢度體驗吓韓式美髮嘅威力！而家透過我哋預約同體驗之後，喺Google同Creatrip留低你嘅評論，仲可以享用優惠價同限時優惠，千祈唔好錯過呢個機會啦！
弘大「THE DAY'S HAIR」前往方法
弘大入口站（홍대입구역）9號出口出。
直行。
過第一個紅綠燈，然後轉左。
第一個路口轉右。
直行。
第一個路口轉左。
直行。
第一個路口轉右。
直行大約35米。
見到上圖呢棟建築之後上2樓。
咁就去到「THE DAY'S HAIR」啦！
撳我預約👇🏻
以上係弘大「THE DAY'S HAIR」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
