汝矣島美食 | 士大夫家倉庫 [獨家外國人預約服務]
The SkyFarm旗下韓式自助餐廳！有靚景睇之餘仲可以食到超多款韓式料理！
![汝矣島美食 | 士大夫家倉庫 [獨家外國人預約服務]-thumbnail](https://cf.creatrip.com/original/blog/14248/camo9qkqpqpv5ya0s3pzx6vz0a91ffj2.png?d=1920&q=75&f=webp)
Hello，大家好，我哋係由韓國人每日提供最新韓國旅行資訊嘅Creatrip。
嚟到韓國點可以唔食韓國菜！今日小編就想為大家介紹一間可以睇到漢江景嘅韓式自助餐餐廳，有好多韓國同香港嘅KOL都有去過！佢就係由The SkyFarm主理嘅「士大夫家倉庫（사대부집곳간）」啦！今次我哋成功爭取到獨家外國人預約服務，大家如果想去記住透過我哋預約啦！
汝矣島「士大夫家倉庫」資訊
- 地址：서울 영등포구 여의대로 24 전경련회관 50-51F
- 營業時間：
- 星期一至五 11:30 - 21:00
- 午餐時段 11:30 - 15:00、Last Order 14:00、自助餐結束時間 14:50
- 晚餐時段 17:00 - 21:00、Last Order 20:00、自助餐結束時間 20:30
- 星期六至日 11:30 - 21:30
- 午餐時段：第一節 11:30 - 13:20、第二節 13:40 - 15:30
- 晚餐時段：第一節 17:30 - 19:20、第二節 19:40 - 21:30
- 星期一至五 11:30 - 21:00
- 可預約時段：星期一至五 11:30 - 13:30、17:00 - 19:30（預約時段以30分鐘為單位）
- 語言：韓文、英文
汝矣島「士大夫家倉庫」推薦原因
- 以現代方式重新演繹傳統韓國士大夫家庭料理，菜式亦都係運用韓國唔同地區嘅當造食材炮製而成！
- 除咗主菜之外仲可以食到韓式自助餐，一次過可以試到超多款韓式料理！
- 餐廳位於FKI Hall 50樓，可以一眼望曬超靚首爾同漢江景色！
- 《全知干預視角 (전지적 참견 시점)》、《好吃的傢伙們 (맛있는 녀석들)》等綜藝節目都曾經喺度進行過拍攝，而且仲有唔少當紅韓星同KOL私底下都會嚟幫襯！
- 用我哋嘅獨家外國人預約服務，就算冇韓國電話號碼都唔緊要！
汝矣島「士大夫家倉庫」價錢
午餐 | 大人（14歲或以上） | ₩10,000 / 人 |
小童（48個月至13歲） | ||
晚餐 | 大人（14歲或以上） | ₩10,000 / 人 |
| 小童（48個月至13歲） |
※上述價錢為代客預約手續費（唔包括任何餐點費用）。
窗邊位
內場座位
汝矣島「士大夫家倉庫」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
汝矣島「士大夫家倉庫」注意事項
- 請最少喺2日前完成預約，你亦可以喺30日前進行預約。
- 預約費用為每人₩10,000（唔包括任何餐點費用）。
- 只接受平日（星期一至五）預約。
- 請準確輸入人數，如果到訪時人數同預約人數唔一致，餐廳有權唔俾你入場。
- 預約人數最少2位起，最多接受12位預約。
- 如果想預約窗邊位，請喺預約嘅時候註明；預約以先到先得為原則，如果窗邊位full咗將會幫你安排坐內場座位。
- 並無另外提供團體座位，如果唔夠位嘅話可能要分開坐。
- 唔可以指定座位，屆時請準時到達，職員會按到達順序幫大家安排位置（如果人多可能要等大約10分鐘方能入座）。
- 用餐限時2小時（由預約時間開始計算），如果遲到將會扣除用餐時間，根據現場情況亦有可能會被拒入場。
- 因為預約係先到先得，所以有可能會預約失敗，預約嘅時候請填寫幾個候補時間。
- 唔可以外賣同打包。
- 每人需要叫一份主菜定食，每份定食價錢都包括自助餐費用（未滿48個月幼童不在此限）。
- 點餐嘅時候48個月至13歲人士請揀兒童定食、14歲或以上人士請揀普通定食、未滿48個月幼童可以選擇唔叫。
- 主菜定食烹調時間大約需要20~40分鐘。
- 根據每日食材新鮮度，Menu可能會有所調整。
- 嚴禁攜帶及進食外來食物及飲品，你可以選擇食/飲完再入餐廳，或者等職員幫你保管。
- 如有小童同行請悉心照顧，如果影響到其他客人或者餐廳財產出現損毀，監護人將需負全責。
- 如果係素食者，或有任何食物敏感，預約時請填寫相關事項。
- 如果想更改預約，或有任何疑問，請send email到help@creatrip.com查詢。
汝矣島「士大夫家倉庫」預約流程
STEP 1. | |
STEP 2. | 請詳細輸入所有相關資訊及付款，我哋會喺1-2個工作天內確認預約。（如果需要更改日期/時間我哋會另外通知你） |
STEP 3. | 體驗當日請準時到達，向職員出示預約記錄。 |
STEP 4. | 開始體驗！ |
汝矣島「士大夫家倉庫」介紹
今日小編嚟到喺網上好出名嘅「士大夫家倉庫」食韓國菜！「士大夫家倉庫」隸屬The SkyFarm集團，餐廳位於汝矣島站徒步5分鐘距離，交通夠方便之餘聽講景色好靚！
入到餐廳就會見到有各種韓國傳統擺設，大堂更加裝修到好似以前韓國士大夫嘅屋企咁！呢度仲有另外賣懶人食材包俾大家返去自己煮嚟食，有宮廷炒年糕、排骨湯、韓式炒牛肉等等嘅韓國料理，自用定送禮都好啱！
餐廳仲會自己種菜，夠曬新鮮！
再行入少少就會去到餐廳大廳，坐窗邊位可以睇到漢江同首爾景色，而內場位燈光會比較靚，影嘢食相會好睇啲，而且仲可以睇到野外庭院。
好可惜小編去嗰日咁啱落雨同好大霧，所以影唔到靚相俾大家睇，不過因為餐廳位於50樓（勁高！），所以天氣好嘅時候去相信景色真係會好靚！
去到之後向職員出示預約記錄，職員就會幫大家安排座位，坐低之後就可以叫嘢食啦！因為每人需要叫一份主菜定食，所以小編同朋友分別叫咗燒鰻魚定食同鮑魚燉排骨定食。
The SkyFarm「士大夫家倉庫」有上過唔少韓國電視節目，連出名係美食家嘅韓國藝人李英子都食到有讚無彈！而且仲有好多KOL都有推薦過，令小編好期待！
另外喺呢度只要叫一份主菜定食就可以享用自助餐，行到餐廳最入面就會見到！
首先沙律就已經有成5-6款，包括有水果沙律、三文魚沙律、蘑菇沙律、辣海藻沙律等等，當中有幾款真係平時唔會見到！
行過少少就有韓式粥類同西式湯，小編去嘅時候係南瓜粥同蘑菇湯，大家可以根據喜好揀~
之後就會見到韓式小菜區，呢度有各種泡菜同韓式醃製小菜，呢度嘅鮮醃泡菜（겉절이）係小編食過覺得最好食嘅鮮醃泡菜，大家見到記住要夾嚟試啊！
再隔離就會開始見到大家熟悉嘅韓國料理，有韓式炒粉絲、宮廷炒年糕、辣炒豬肉等等，另外仲有炸物同韓式煎餅，一次過可以試曬咁多款！
大家仲可以order即叫即整嘅嘢食，小編去嘅時候menu係宴會麵（잔치국수），廚師話呢個menu會定期轉，等客人可以試到多啲花款！
攞完嘢食就可以正式開餐啦！
每次有呢種鐵鍋飯，韓國人都好鍾意先將飯𢳂落自己個碗，然後倒熱水落去嗰鐵鍋度，食完飯之後飲。
鮑魚燉排骨定食
呢款鮑魚燉排骨聽到個名都覺得好豪華，鮑魚同牛排骨肉全部都好大塊，而且仲燉到好軟熟，調味甜甜鹹鹹好送飯！
燒鰻魚定食
講起補身食材，一定唔少得鰻魚！呢款燒鰻魚定食係「士大夫家倉庫」最近推出嘅Menu，每塊鰻魚都啖啖肉，加上秘製醬汁真係好惹味！
食飽飯之後當然要去填飽埋個甜品胃先可以走啦XD 自助餐區有一個甜品corner，提供當造水果、韓國年糕、炸糯米冬甩等等，仲可以自製紅豆刨冰！
呢度景色無論係日頭、黃昏定夜晚都好靚！因為「士大夫家倉庫」只接受Naver預約，所以外國人好難可以book到枱，不過而家大家只要透過我哋就可以預約到啦！今次嚟韓國旅行想去氣氛同環境都好嘅高級餐廳嘅話，小編超推薦大家嚟The SkyFarm「士大夫家倉庫」！
汝矣島「士大夫家倉庫」前往方法
喺汝矣島站（여의도역）1號出口出。
向出口相反方向行。
直行。
繼續直行到見到大馬路。
跟住轉角位轉左。
直行大約50米。
你會見到FKI TOWER招牌。
行入大廈入面。
人多嘅時候請跟住呢個指示牌排隊。
搭𨋢上50樓。
跟住指示牌向左邊行。
咁就去到「士大夫家倉庫」啦！
以上係汝矣島「士大夫家倉庫」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com