2024韓國明洞找換店推薦/匯率/注意事項
首爾明洞找換店一條街到底喺邊？一次過話你知7間明洞找換店資訊/須知！
Hello，大家好，我哋係由韓國人每日提供最新韓國旅行資訊嘅Creatrip。
大家上網睇韓國旅行攻略有九成都會推薦大家去明洞換錢！到底點解大家都會咁講，又有邊幾間找換店係合法而且匯率夠靚㗎呢？等小編今日一次過話你知啦（仲有注意事項記住睇埋）！
2024明洞找換店推薦&注意事項
點解要喺明洞換錢？
問起全韓國邊度匯率最靚，一定唔少得明洞，所以通常如果嚟韓國旅行需要換韓幣現金，嚟明洞就一定唔會蝕！不過其實如果真係要比較，明洞匯率同東大門、弘大找換店嘅匯率唔可以話差得好遠。
不過正所謂慳得一蚊得一蚊，如果大家係要唱一筆大錢，就算匯率相差唔大條數都會差得幾遠吓，呢個時候小編會推薦大家就算遠少少都係嚟明洞唱錢比較好！（當然如果只係換少少現金嘅話就唔洗專登走嚟啦XD）
明洞找換店一條街
全個明洞有好多地方都有找換店，不過最多人去嘅一定係上面呢條換錢一條街！呢條街位於中國大使館前面，而且全部找換店都係老字號，就算要唱大錢都可以安心放心。
第一找換店
- 地址：서울 중구 명동2가 85-6
- 營業時間：09:00-23:00
- 匯率：撳我睇今日最新匯率
大使館找換店
- 地址：서울 중구 명동2가 26
- 營業時間：09:00-19:00
- 匯率：撳我睇今日最新匯率
一品香找換店
- 地址：서울 중구 명동2가 105 B1F
- 營業時間：09:00-19:00
- 匯率：撳我睇今日最新匯率
大信換錢
- 地址：서울 중구 명동2길 26
- 營業時間：09:00至19:00
明洞Money Box
- 地址：서울 중구 남대문로 52-1
- 營業時間：09:00-21:00（有24小時無人換錢機）
- 匯率：撳我睇今日最新匯率
易資換錢
- 地址：서울 중구 남대문로 58-1 2F
- 營業時間：09:00-19:00
- 匯率：撳我睇今日最新匯率
MONEY PLANET
- 地址：서울 중구 퇴계로 103
- 營業時間
- 星期一至六 09:00-20:30
- 星期日 09:00-18:30
明洞換錢注意事項
嚟明洞換錢，最緊要記住帶護照或者外國人登錄證（係因為韓國政府避免出現洗錢問題，所以明文規定需要記錄換錢人個人資料）！
如果職員同你講話唔需要出示護照，咁呢度九成九係非法嘅找換店。為咗保障安全，建議都係去合法找換店唱錢比較好。
可能大家會問，去找換店唱錢會唔會有手續費？答案係有，不過唔會另外收，而係會直接計落匯率所以你最後收到嘅韓幣現金已經係扣走咗找換店手續費嘅金額！
明洞找換店小貼士
唱完錢之後大家記住一定要數清楚夠唔夠數先好走！走咗之後返轉頭話俾少咗錢嘅話唔會有人show你XD 無論係為自己定為找換店，建議大家都要喺現場check清楚。
其他同韓國換錢有關嘅資訊可以參考「韓國換錢總整理」，希望可以幫到大家！
而家港幣可以兌到幾多韓幣？
💡明洞有咩好玩好食？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com