韓國明星髮型屋/化妝Studio/Personal Colour中心總整理
到底韓星御用髮型屋同化妝Studio喺邊？想去體驗又可以點預約？
- 韓星髮型屋/化妝Studio總整理
- 韓星Personal Colour中心總整理
Hello，大家好，我哋係由韓國人每日提供最新韓國旅行資訊嘅Creatrip。
韓國明星個個出席活動都打扮得勁靚，到底佢哋係喺邊度化妝Set頭，一般人又去唔去得？今日就等小編幫大家整理出幾間當紅人氣藝人都會去幫襯嘅髮型屋同化妝Studio，再教埋大家點預約啦！
韓星髮型屋/化妝Studio總整理
SOONSOO(순수)
- 地址：서울 강남구 도산대로61길 4
- 營業時間：10:00 - 18:00
- 前往方法：狎鷗亭羅德奧站（압구정로데오역）4號出口
- 曾光顧韓星：Red Velvet、ZICO、孝淵、恩地、STAYC、P.O
SOONSOO位於清潭洞，由set頭、剪/電/染髮，甚至係同藝人同等級嘅化妝服務都可以喺度體驗到！
Red Velvet Wendy / Yeri（@a_ryeomii）
去過SOONSOO嘅韓星超多，特別如果係Red Velvet嘅Fans就一定要嚟SOONSOO體驗吓！無論係Red Velvet回歸定成員Solo都係喺呢度化妝Set頭，而且化妝師同髮型師全部都經驗豐富，如果大家想嚟個大變身，不妨可以嚟SOONSOO！
Jenny House PRIMO店(제니하우스 프리모점)
- 地址：서울 강남구 압구정로75길 28
- 營業時間：11:00-18:00
- 前往方法：狎鷗亭羅德奧站（압구정로데오역）2號出口
- 曾光顧韓星：孫藝珍、朴信惠、辛睿恩、秀智、韓韶禧、金泰梨、李聖經等
朴信惠 / 韓韶禧（jennyhouse）
講到最出名嘅韓星髮型屋&化妝Studio，一定唔少得Jenny House！Jenny House喺首爾有兩間分店，係超多韓星影雜誌同參加重要場合前必去嘅地方！
秀智 / 孫藝珍（jennyhouse）
Jenny House除咗妝髮服務，仲有埋化妝班，全部都係韓國明星御用化妝師&髮型師親身上陣，有好多許多韓國人結婚嘅時候更加會指明要嚟呢度化妝set頭，希望人生最重要一刻都可以最完美最靚！
HOSU DOSAN(호수도산)
- 地址：서울 강남구 도산대로67길 19 B1F
- 營業時間：星期二至日 07:30-19:00
- 前往方法：狎鷗亭羅德奧站（압구정로데오역）5號出口
- 曾光顧韓星：S.E.S柳真、白種元、玉澤演、蘇志燮
HOSU DOSAN同樣位於清潭洞，不過同其他韓星髮型屋相比，因為呢度個院長係男人，所以喺設計男性髮型相當在行（當然都有其他專業美髮師可以幫女客人提供妝髮服務）！
玉澤演 / 蘇志燮
小編特別想推薦大家體驗K-pop髮型&化妝，只需要大約₩100,000（100000），就可以同時享受化妝同Set頭服務，CP值夠高！
OLLY(올리샵)
- 地址：서울 강남구 선릉로152길21 5F
- 營業時間：
- 星期二至六 10:00-18:00
- 星期日 10:00-17:00
- 前往方法：狎鷗亭羅德奧站（압구정로데오역）4號出口
- 資歷：SAKURA、少女時代、Block B、GOT7、DAY6、SF9等
位於清潭嘅「OLLY」嘅所有髮型師同化妝師都有同韓國明星合作過，全部都經驗豐富！每個客人都各自會有一個化妝師同一個髮型師，專門幫你化妝Set頭，而且地方夠闊落，令客人可以喺更加舒服嘅環境進行體驗！
「OLLY」除咗妝髮服務，仲可以剪髮、染髮、電髮同做頭髮護理療程，而且造型師好識根據客人五官同形象幫手整造型，大家可以放心交俾佢哋！
De Nee(드니)
- 地址：서울 강남구 도산대로75길 19
- 營業時間：11:00-18:00（逢星期一休息）
- 前往方法：清潭站（청담역）9號出口
- 資歷：少女時代、寶兒、NATURE
De Nee嘅院長之前曾經係少女時代、寶兒等等SM藝人嘅造型師，經歷與實力豐富。院長話開呢間髮型屋&化妝Studio係希望可以幫客人提供量身訂造嘅服務，彌補缺點、放大優點，俾人一種煥然一新嘅感覺。
少女時代 潤娥 / 太妍
電髮、染髮，甚至係男仔Down Perm都可以喺HeeWon Hair&Make-up做到！如果想體驗韓星妝髮造型服務，呢度價錢都相當合理！
MOI hair&makeup(모이헤어메이크업)
- 地址：서울 마포구 양화로 183 B1F
- 營業時間：05:00-18:00
- 前往方法：弘大入口站（홍대입구역）3號出口
- 資歷：少女時代、鄭珍雲、李施昤
MOI hair & makeup Won Kyoung院長
MOI hair&makeup嘅Won Kyoung院長曾經擔任SM TOWN世界巡迴演唱會化妝師、少女時代《I GOT A BOY》、《Mr.Mr.》表演同MV化妝師，亦都曾經係2AM鄭珍雲、4MEN御用化妝師，經驗超豐富！
由韓國明星御用化妝師進行嘅彩妝造型，的確可以令個人魅力更加突出！過程中化妝師亦都會提醒客人平時好容易忽略嘅化妝細節，教得好仔細，相信一定可以獲益良多。
L Créer(엘크레)
- 地址：서울 강남구 도산대로15길 41
- 營業時間：
- 星期一至五 10:00-22:00
- 星期六 10:00-19:00
- 前往方法：新沙站（신사역）8號出口
- 資歷：IU、韓藝瑟、李敏鎬
L Créer係韓國第一間美容諮詢店，喺業界相當出名！同一般化妝Studio唔同嘅係，L Créer唔單止有日常妝化妝服務，而且仲有提供修眉、髮際線等美妝諮詢，等大家可以更加Detail咁改善自己嘅儀容。
L Créer院長係各大媒體都識嘅業界知名人士，曾經幫過IU、韓藝瑟、李敏鎬等明星化妝！除此之外，知名國際品牌Giorgio Armani都喺度搞過品牌活動，想偷學韓星化妝技術嚟呢度就冇錯啦！
Miznoble Atelier(미즈노블 아뜰리에)
- 地址：서울 강남구 압구정로 416 B2F
- 營業時間：10:00-17:00
- 前往方法：狎鷗亭羅德奧站（압구정로데오역）5號出口
- 曾光顧韓星：全智賢、孫兌迎、權相佑、李秉憲、李珉廷、黃正音
呢間「Miznoble Atelier」其實係同攝影棚「The Third Mind Studio」合作嘅化妝Studio，「The Third Mind Studio」嘅攝影師可以話係韓國國寶，曾經拍攝過無數韓星嘅婚紗照同各種作品。如果想體驗同等級嘅韓星化妝，亦都可以只預約「Miznoble Atelier」嘅專業彩妝服務。
全智賢
「Miznoble Atelier」嘅化妝師係化妝品品牌cheongdam 30嘅創辦人，佢曾經擔任過超多藝人嘅化妝師，亦都係2020韓國藝術文化人大賞「化妝師大賞」得主，是韓國最頂級嘅化妝師！
韓星Personal Colour中心總整理
my:shopper(마이쇼퍼)
- 地址：서울 강남구 언주로153길 10-6
- 營業時間：10:00-20:00
- 前往方法：狎鷗亭站（압구정역）3號出口
- 曾光顧韓星：Running Man、MONSTA X
《Running Man》
除咗髮型屋同化妝Studio，有唔少明星藝人都有做過呢幾年韓國超紅嘅「Personal Colour」！當中喺弘大、狎鷗亭都有分店嘅「my:shopper」可以話係最出名嘅一間，之前連《Running Man》都有嚟過！
《Running Man》
如果係《Running Man》嘅Fans，又搵緊Personal Colour中心想做test，不妨可以嚟「my:shopper」，有中文翻譯陪同，就算唔識韓文都冇問題！
韓國時尚心理研究院清潭總院(한국패션심리연구원)
- 地址：서울 강남구 선릉로 840 4F
- 營業時間：10:00-19:00
- 前往方法：狎鷗亭羅德奧站（압구정로데오역）4號出口
- 曾光顧韓星：SF9
「韓國時尚心理研究院」除咗有提供Personal Colour診斷，仲有埋化妝班，大家可以順便學埋化妝！唔少藝人同韓國名人都有嚟過做test，包括SF9達淵與輝映、Dal☆Shabet世理、棒球選手宋勝準與李帶溵、男子重唱組合Forestella，甚至連阿里郎電視台都有！
SF9達淵 / 輝映
Personal Colour診斷包膚色與色調診斷、髮色、飾品、粉底與唇妝推薦，仲有中文翻譯，同時可以加購埋化妝服務甚至係化妝班！
韓國髮型屋真係咁神奇？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com