Hello，大家好，我哋係由韓國人每日提供最新韓國旅行資訊嘅Creatrip。

韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今日小編嚟到位於狎鷗亭嘅「my:shopper」，同時體驗Personal Colour同韓式化妝服務！

「my:shopper」資訊

狎鷗亭店

• 地址：서울 강남구 언주로153길 10-6 1,2F
• 營業時間：10:00 - 20:00
• 可預約時間：11:00 / 14:00 / 16:00
• 語言：韓文、中文、英文、日文

弘大店

• 地址：서울 마포구 서교동 361-3 401호
• 營業時間：11:00 - 20:00（逢星期日休息）
• 可預約時間：11:00 / 14:00 / 16:00 / 18:00
• 語言：韓文、中文、英文

「my:shopper」推薦原因

• 同普通Personal Colour診斷唔同，呢度仲會幫你睇你啱亮面定霧面同搵出最啱你嘅花紋，勁仔細！
• 專家仲會推薦最啱你嘅化妝品俾你，之後去shopping就唔洗十五十六啦！
• 提供化妝服務同化妝班體驗，專家會根據你嘅Personal Colour結果幫/教你化妝！
• 上過唔少韓國節目，仲有超多韓星幫襯過，服務品質有保證！（Running Man、MONSTA X、韓國KOL JEENIE等）
• 「my:shopper」係首爾數一數二難預約嘅Personal Colour中心，機會難得！

「my:shopper」價錢

狎鷗亭店

※個人色彩診斷 + 韓妝體驗：做完個人色彩診斷之後會依照結果幫你化妝
※個人色彩診斷 + 化妝班：做完個人色彩診斷之後會依照結果教你各種化妝技巧
※化妝班：根據你嘅五官同風格教你多種化妝技巧

弘大店

※個人色彩診斷 + 韓妝體驗：做完個人色彩診斷之後會依照結果幫你化妝
※個人色彩診斷 + 化妝班：做完個人色彩診斷之後會依照結果教你各種化妝技巧
※化妝班：根據你嘅五官同風格教你多種化妝技巧

「my:shopper」退款政策

「my:shopper」注意事項

• 請最少喺3日前完成預約，你亦可以喺60日前進行預約。
• 個人色彩診斷體驗包括/唔包括嘅項目如下：

• 同時段最多只可預約2個選項（揀1:3 個人色彩診斷嘅話就只可以預約1個選項）。
• 如非參加體驗，隨行人士（家人、朋友等）唔可以一齊入去聽。
• 請準確輸入所有相關資訊。
• 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
• 建議大家可以帶自己平時用開嘅化妝品，到時候專家會幫你睇適唔適合你。
• 如果預約咗有化妝服務嘅選項，而你嘅皮膚比較敏感，建議你帶平時用開嘅護膚品嚟。
• 通常需要除低眼鏡進行診斷，建議視力較差人士可以戴透明隱形眼鏡（如果平時都會戴住眼鏡嘅話都可以戴住眼鏡進行診斷）。
• 做完皮膚療程/微整型或者曬燈之後去做personal colour test嘅話結果可能會唔準。
• 請唔好著樽領衫。
• 如遲到15分鐘或以上將會當做No-show，預約將自動取消，費用亦不設退還。
• 如果想更改預約，或有任何疑問，請send email到help@creatrip.com查詢。

「my:shopper」預約流程

「my:shopper」介紹

今日小編嚟到可以同時做Personal Colour同體驗韓式化妝嘅「my:shopper」！呢間中心上過好多韓國電視節目，而且仲有好多明星都嚟做過診斷，所以喺韓國算係數一數二出名嘅Personal Colour中心！

小編去嘅係狎鷗亭分店，呢度總共分成2層，1樓係化妝體驗區，而2樓就係做Personal Colour嘅地方，上面會有獨立房，大家唔需要同其他人用同一個area。

今日小編會做「個人色彩診斷 + 韓妝體驗」，正式開始之前首先要填一張問卷，入面會問你基本個人資料、風格、鍾意嘅飾物顏色等等，仲可以寫埋今日診斷嘅時候想做邊方面嘅諮詢！

專家會首先講解Personal Colour嘅基本原理，小編以為Personal Colour得4種，原來而家可以分成16種色調咁多！

用白布包好頭髮之後就會正式開始做診斷！首先會睇你啱戴金色定銀色嘅飾物，然後就會幫大家比較同一色系唔同色調嘅顏色。

相信好多人買衫都鍾意買啡色/米色色系嘅衫，夠曬易襯啊嘛~ 大家可以透過呢次機會睇到底自己啱唔啱！

知道自己屬於咩季節之後，專家就會幫大家仔細睇究竟你喺咩色調！

之後仲會睇埋花紋！因為坊間好多Personal Colour中心都冇呢個服務，所以幾得意！小編平時都唔太會留意自己到底啱咩花紋，不過今次經過專家分析之後發現又真係有唔同！

最後仲會分析埋到底你啱亮面定霧面，呢個都比想像中重要！

診斷完之後專家會幫大家重新整理一次診斷結果，然後幫大家寫喺紙上面，亦都會大概幫大家睇化妝嘅時候有咩要注意！雖然做一次價錢唔算平，不過因為可以喺好多地方應用到診斷結果，小編覺得好抵！

專家仲會推薦幾款化妝品、穿搭、髮色同飾物俾大家，成個體驗結束之後都會send呢個file俾你，之後去行街shopping都可以參考！

之後大家可以將自己平時用開嘅化妝品攞俾專家睇吓，專家話小編用緊嘅都唔太啱小編，返屋企嘅時候真係要重新買過啲化妝品XD

大家仲有機會直接試化妝品睇效果，如果滿意嘅話可以影低，做完診斷之後可以即刻去掃貨！

之後就可以落1樓進行韓妝體驗！

化妝師首先會幫你修眉同整理好皮膚紋路，咁做可以令底妝更加持久！

之後就會先上底妝，化妝師會先用化妝掃上粉底，然後再用美妝蛋blend開，小編覺得咁化皮膚會睇落更靚！搽完遮瑕再上埋散粉就完成一個持久嘅底妝啦！

畫完眉毛之後就會開始化眼妝，化妝師會根據頭先Personal Colour診斷結果幫大家揀眼影顏色！

跟住就係韓式眼妝嘅靈魂 —— 眼睫毛啦！化妝師用咗最近韓國好流行嘅方法幫小編整眼睫毛，先用睫毛夾夾翹睫毛同搽睫毛膏，再用夾將幾條眼睫毛癡埋一束，最後用埋燒熱嘅木棍加熱定型，就好似公仔嘅睫毛咁令雙眼可以放大！

下一步會搽胭脂同修容，令臉部輪廓同立體感更加明顯！

搽埋唇膏就大功告成啦！

Before

After

因為小編化妝唔叻馬，以前化妝覺得只要嘴唇有血色就得，不過反而會令成個妝睇落好怪。不過化妝師今次幫小編化嘅呢個妝真係好自然，色調都夠和諧，同小編風格好襯！

如果大家都想體驗韓星都做過嘅Personal Colour診斷同化妝服務/化妝班，小編好推薦大家嚟狎鷗亭「my:shopper」！

「my:shopper」前往方法

狎鷗亭店

狎鷗亭站（압구정역）3號出口出。

向出口反方向行。

直行。

轉右。

直行。

左邊會有條斑馬線，過馬路之後向右邊行。

直行。

繼續直行。

行到十字路口之後轉左。

直行。

繼續直行。

行到分岔路之後轉左。

直行。

轉右。

然後行入上圖左邊小路。

咁就去到「my:shopper」狎鷗亭店啦！

弘大店

弘大入口站（홍대입구역）9號出口出。

向左前方行。

去到分叉路轉右。

行入右邊巷仔。

直行。

轉右。

直行。

轉左。

直行。

喺十字路口過馬路，行去斜對面。

直行。

轉左行入巷仔。

轉右。

你會見到前面有棟紫紅色建築物。

行入去。

咁就去到「my:shopper」弘大店啦！

my:shopper | 撳我預約

 網上付款Q&A

以上係Personal Colour中心「my:shopper」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com