Hello，大家好，我哋係由韓國人每日提供最新韓國旅行資訊嘅Creatrip。
嚟旅行每分每秒都好珍貴，但係又想充分體驗到韓國文化同魅力，可以點做呢？相信唔少朋友都會想去俾化妝師化返個韓式妝，但係如果住宿比較遠，時間會好尷尬。今日小編就想為大家介紹一個上門化妝服務，化妝師會去你指定嘅地點幫你化妝，就算係酒店同guesthouse都冇問題！
首爾上門化妝服務「Valla Lab」資訊
- 服務時間：09:00 - 18:00
- 可預約時間：09:00 - 17:00
- 語言：韓文、英文
首爾上門化妝服務「Valla Lab」推薦原因
- 「Valla Lab」係一間位於江南清潭洞嘅韓式美妝Studio，而家唔洗去咁遠都可以體驗到韓國正宗妝髮服務啦！
- 專業化妝師會親自上門幫你化妝，甚至仲可以提供埋Personal Colour同髮型服務！
- 透過呢次韓妝體驗可以瞭解K-Beauty流行之餘，仲可以知道點將自己嘅魅力同優點放到最大！
- 因為係上門化妝，可以慳返唔少時間同車錢！
首爾上門化妝服務「Valla Lab」價錢
| 女士服務 | 韓妝體驗（60分鐘） | ₩99,000 （99000） |
韓式妝髮體驗（80分鐘） | ₩132,000 （132000） | |
韓服髮型&化妝服務（110分鐘） | ₩154,000 （154000） | |
婚禮妝髮服務（150分鐘） | ₩400,000 （400000） | |
男士服務 | 韓妝體驗（60分鐘） | ₩99,000 （99000） |
韓式妝髮體驗（80分鐘） | ₩132,000 （132000） | |
1:1 Personal Colour（60分鐘） | ₩138,000 （138000） | |
1:2 Personal Colour（100分鐘） | ₩250,000 （250000） | |
※以上所有選項都唔會提供翻譯服務。
※本頁面所標示嘅價錢以韓幣為準，港幣幣值會因應即時匯率而浮動。
首爾上門化妝服務「Valla Lab」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
首爾上門化妝服務「Valla Lab」注意事項
- 請最少喺3日前完成預約，你亦可以喺60日前進行預約。
- 請準確輸入住宿（如酒店、Guesthouse等）地址，如果地方比較難搵，可以需要麻煩你去一個比較容易搵到嘅地方同化妝師會合。
- 上門化妝服務只限首爾地區，如果你輸入嘅地址位於首爾以外，預約將會自動取消。
- 如果因為輸入錯誤地址而導致無法進行體驗，將不設任何退款。
- 建議事先準備好3張參考圖片，等化妝師可以大概知道你想要嘅效果。
- 化妝師上門前可能會透過email或者社交平台聯絡你，請定期check inbox。
- 化妝前只需要搽基本護膚品就得。
- 請換上方便穿著嘅上身衫（如恤衫、開胸冷衫、連身裙等）。
- 請務必準備好枱櫈，如果無辦法安排到，請提前透過help@creatrip.com通知。
- 如果你喺預約時間10分鐘內無出現或者無回覆聯絡，將會當做No-show，預約將自動取消，費用亦不設退還。
- 如果想更改預約，或有任何疑問，請send email到help@creatrip.com查詢。
首爾上門化妝服務「Valla Lab」預約流程
| STEP 1. | |
| STEP 2. | 請詳細輸入所有相關資訊， 我哋會喺2個工作天內確認預約， 到時候會再次通知你預約到嘅時段。 |
| STEP 3. | 體驗當日請準時到達會合地點（如酒店大堂）， 向職員出示預約記錄。 |
| STEP 4. | 開始體驗！ |
首爾上門化妝服務「Valla Lab」介紹
「Valla Lab」係一間位於江南清潭洞嘅韓式美妝Studio，除咗可以去現場進行美妝體驗，佢哋仲提供埋上門化妝服務！通常有特別活動、婚禮、Party、表演或者拍攝嘅時候，好多人都會選擇用佢哋嘅上門服務。而對遊客嚟講，唔需要出門口搵路搭車係一個非常大嘅優點！
「Valla Lab」嘅化妝師全部都實力優秀，更加同過唔少明星或者KOL合作過！每位化妝師都好識幫客人搵出個人魅力，用韓式化妝方法去突顯出每位客人嘅優點，相信大家一定會滿意成果！
化妝師首先會去你輸入嘅地址等你，喺傾好嘅地點會合之後就會去到你指定嘅地方提供服務。如果大家係嚟韓國旅行嘅遊客，可以先喺酒店或者Guesthouse大堂同化妝師會合，然後再上酒店房進行韓妝體驗！
去到之後化妝師就會開始set定需要用嘅工具，然後為你提供服務。
小編都有用過呢個上門化妝服務，當時小編就揀咗化日常妝，首先化妝師會好貼心咁幫大家整理好條眉毛，望落會更加乾淨企理~ 然後就會簡單搽埋護膚品同防曬，打好個base準備上妝！
上底妝嘅時候最神奇嘅係化妝師會根據唔同部位用唔一樣嘅海綿去上妝，而且一邊化仲會一邊教大家要點先可以化得靚！然後就會上埋陰影，令臉部輪廓更加立體。
然後就會畫眼影、眼線，再喺眼尾上少少陰影同畫埋臥蠶，做成放大雙眼嘅效果！
化妝師通常都會根據客人需求去化眼妝，但係如果大家唔知應該點化好，或者無特別要求，化妝師就會根據你嘅五官同風格去化，突顯你嘅優點！
眼妝最後一個步驟係整眼睫毛！小編當時因為電完眼睫毛都過咗一排，所以眼睫毛超亂XD 化妝師就幫小編重新整理同夾好，然後癡埋假眼睫毛就化完眼妝啦！
然後就會畫眉毛，化妝師唔單止會用眉筆，仲會用埋染眉Gel，令眉毛顏色唔會太死板同太濃！
最後就會搽埋胭脂同唇膏，令成個人睇落更加有氣色，幫呢個妝畫龍點睛。
想舒舒服服喺住宿體驗韓妝服務，或者大日子需要專家幫手化妝，但又冇時間出咁遠搵化妝Studio嘅話，不妨考慮預約「Valla Lab」嘅上門化妝服務啦！
以上係首爾上門化妝服務「Valla Lab」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
