Hello，大家好，我哋係由韓國人每日提供最新韓國旅行資訊嘅Creatrip。
有好多朋友嚟韓國玩都會專程抽時間去影證件相，而家韓國影相鋪唔單止提供證件相拍攝服務，仲會有個人形象照拍攝，等大家可以用唔同風格同主題留低最靚一面！
撳我睇價錢&預約詳情👇🏻
弘大「Modelro Studio」資訊
- 地址：서울 마포구 양화로18길 15 3F
- 營業時間：10:00 - 20:00
- 語言：韓文、中文、英文、日文
弘大「Modelro Studio」參考圖片
證件相
主題形象照
Modelro雜誌相
商業形象照
韓國校園風形象照
弘大「Modelro Studio」介紹
今日小編嚟到「Modelro Studio」影相，喺弘大入口站行1分鐘就到，交通真係超方便！
入到去會見到有個等候區，大家可以喺度整理儀容，亦都可以參考其他相諗定pose。
喺「Modelro Studio」唔單止可以影到證件相，仲有形象照、雜誌相等等嘅主題可以揀！聽講有唔少韓國明星同日本KOL都有嚟過影相，令小編好期待！
因為小編預約咗包妝髮服務嘅option，所以等咗一陣之後職員就帶咗小編去化妝同set頭！平時出去搵人幫手化妝都好貴，不過喺呢度就可以用合理嘅價錢享受妝髮+拍攝一條龍服務！如果大家都想體驗韓國化妝，極力大家揀有妝髮服務嘅選項！
因為在場嘅都係專業化妝師同髮型師，所以佢哋都好識幫客人搵出特點，然後用化妝同髮型去突顯佢哋嘅優點，亦都會根據你所揀嘅主題同風格幫你扮靚！
小編好滿意呢個效果，影完相之後去搵朋友玩嘅時候朋友都有讚話今日個妝好靚XD
喺「Modelro Studio」亦都可以租衫著！無論係西裝定恤衫都有，唔洗自己帶咁麻煩！
化好妝換好衫之後就會正式開始影相，今日小編會分別影證件相主題形象照！
因為前面有2塊反光板，所以影出嚟效果會更加明亮有神！拍攝途中攝影師都會積極咁教大家擺pose同調整姿勢，務求可以影到效果最好嘅證件相！
之後就會影主題形象照，影之前可以自己揀背景顏色，如果唔知揀咩色好都可以叫攝影師幫手推薦！同普通證件相唔同嘅係影呢款相嘅時候pose嘅自由度會大啲，攝影師都會推薦幾個比較自然嘅pose俾大家，就算係第一次影呢種相都唔需要擔心！
影完相之後就當然要揀相啦！揀好之後攝影師就會開始幫大家P圖，大家可以喺側邊一邊睇住，如果有任何意見都可以直接向攝影師反映，包保可以P到大家滿意！
另外證件相都可以自己揀背景色，大家可以根據證件相嘅用途去揀！
完成所有修圖程序之後就會直接幫大家晒出嚟，形象照仲會提供幾個size𠻹！
修圖前
修圖後
Before&After都真係差幾遠吓，但係完全唔會覺得好假好唔自然！大家可以用email收到電子版，所以記住要留低email地址啦~ 小編影過咁多次證件相，今次係最滿意嘅一次！如果大家咁啱plan住去弘大，又想體驗韓國證件相拍攝，推薦大家嚟「Modelro Studio」！
弘大「Modelro Studio」前往方法
弘大入口站（홍대입구역）8號出口出。
過馬路，然後轉右。
直行。
繼續直行。
前面棟大廈望上3樓會見到呢個招牌。
行入去之後上3樓就到「Modelro Studio」啦！
撳我預約👇🏻
以上係弘大照相館「Modelro Studio」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
