建大大學係韓國知名嘅大學學區，隔離就係好熱鬧嘅建大商圈，聚集咗好多燒烤店、美食店、咖啡廳、酒吧。
呢度有嘢食又有嘢玩，所以無論幾時都聚集咗好多年輕人嘅地方！
接下來一齊嚟睇下邊啲美食受到建國大學學生哋嘅歡迎啦！
火氣愛愛 建大本店 (화기애애 건대본점)
地址：서울 광진구 아차산로31길 16
營業時間：15:00 ~ 23:00/ 13:00 ~ 23:00
每次經過嗰陣，外面總係有長龍嘅隊伍，一直都好好奇究竟係咩樣嘅燒烤店。
今次終於有機會去咗呢間燒烤店，發現原來佢哋要排隊都係有原因嘅。唔單止環境舒適，氣氛都好好，食物都好好食。
雖然佢哋係用煤炭爐燒，但係唔會一直有煙燻上嚟。
肉質好好，唔單止新鮮，仲好腍。
價錢都係合理範圍內，可以話係性價比好高嘅一間燒烤店。
呢度都有套餐，如果係多人聚會嘅話都好適合嚟呢度，可以直接點套餐好方便。
另外，佢哋嘅泡菜湯同蒸蛋係無限供應嘅，單係呢點就贏咗其他燒烤店！最重要嘅係湯好好飲，蒸蛋都好好食。
烤肉的那小子 (고기굽는놈)
地址：서울 광진구 아차산로31길 8 고기굽는놈
營業時間：15:00 ~ 23:00
然後我哋去咗下一間燒烤店，建大呢度因為學生多，可以話係燒烤店競爭激烈，一條路上有好多燒烤店。
呢間燒烤店都好受歡迎，好受建大學生哋嘅喜愛。
係一間有兩層樓嘅燒烤店，座位好多，都好適合聚會。
室內嘅環境好乾淨，天氣涼嘅時候仲可以開窗通風，邊吹著風邊食著燒肉係一件好享受嘅事。
呢間好出名嘅係佢哋屋企嘅排骨燒烤！小編見到周圍好多人都叫佢哋嘅牛排骨同豬排骨。
當然，除咗排骨，佢哋屋企都有一般嘅三層肉可以點，肉類嘅選擇都好多樣。
발빠닭 建大店
地址：서울 광진구 동일로24길 98 1층
營業時間：16:00 ~ 1:00 (Last Order 00:00)
呢間雞爪店唔止好食，菜單都好多元化同埋豐富，仲有套餐組合。
雞爪唔止有分有骨同無骨，仲有分洋釀或者醬汁嘅，仲有可以小腸或者豬皮一齊點嘅組合。
另外，佢哋仲有各種水果瑪格麗酒，好清爽好飲。
我哋叫咗雞爪同細腸嘅組合。
怕麻煩嘅像小編一樣點無骨嘅雞爪。唔需要去骨頭，一口就可以食落去，可以好輕鬆咁享受。
雞爪口感彈牙真係好出色，小腸都好有嚼勁，兩種都好好食。
另外，中間嘅醬汁會中和雞爪嘅辣味，好適合一齊食。
除咗雞爪，佢哋屋企仲有各式各樣嘅配菜可以揀，例如芝士蒸蛋或者瀑布玉米芝士。
呢道玉米芝士好受韓國人歡迎，芝士瀑布再配埋甜甜嘅玉米，同雞爪一齊食都好啱！
청춘등판
地址：서울 광진구 동일로22길 34 1층 청춘등판
營業時間：12:00 ~ 23:00 (Last Order 21:30) (每週一定期公休)
청춘등판係一間燉排骨專門店，都係一間上過電視同埋有名人推介過嘅美食店。
主菜就係以燉排骨為主，有分原味同埋粉紅醬/玫瑰醬(로제)口味。
辣度都可以揀，小辣/中辣/大辣，以辣拉麵嘅辣度同埋火雞麵嘅辣度做區分。
點菜以兩人份嘅排骨為基準，基本上唔包括配菜。如果想食飯、泡麵、冬粉、意大利麵就需要另外加點。
＊首次點餐最少為兩人份。如果要加點嘅時候，可以揀加點一人份嘅。
唔太識食辣嘅朋友可以試下點小辣（순한맛），微辣嘅醬汁又帶有甜味，唔太識食辣嘅朋友都應該可以接受。
一上枱就聞到燉排骨嘅香氣。
每桌都會提供一份蕎麥煎餅，可以配著排骨一起吃。
排骨燉得好腍，好容易就可以將肉同骨分開。
肉配埋甜甜辣辣嘅醬汁一齊食，好下飯，會令人禁唔住一口接一口。
🍰그자체 베이커리
地址：서울 광진구 능동로13길 65 2층
營業時間：12:00 ~ 21:00
接下來小編要介紹嘅係一間位於建大商圈後面，蛋糕好出名嘅咖啡店「그자체」
呢間咖啡店位於二樓，入口有啲難搵。大家可以先認咖啡店嘅大招牌之後
往建築物嘅右邊行，可以睇到通往二樓嘅一個狹長嘅樓梯，往上行就係咖啡廳啦！
蛋糕嘅品項以鮮奶油蛋糕同芝士蛋糕為主
飲料嘅話，除咗咖啡仲有好多款奶茶可以揀，對唔飲咖啡嘅人嚟講相當友善
點餐嘅話都喺大門旁邊嘅機器進行自助點餐
房間內部裝修相當復古溫馨，大部分都係用木頭製嘅桌椅同籐編。
每個角落都有用心布置，再加上陽光可以透入，非常適合照相。
小編點嘅係鮮奶油草莓蛋糕同伯爵奶茶。
鮮奶油蛋糕可以話係小編食過嘅蛋糕中最輕盈嘅！
由第一口到最後一口都令人感覺清爽，冇任何嘅膩味，蛋糕體非常鬆軟，即使冇飲品都可以輕鬆咁享用。
飲品嘅部分我哋點咗伯爵奶茶，保留咗伯爵茶嘅香氣，非常滑順好飲。
好清新，完全無負擔嘅鮮奶油蛋糕，真係令人印象深刻，係一種會令人想再食嘅味道。
如果下次仲想食鮮奶油蛋糕嘅話，呢間一定會係小編嘅首選！
Tuttotonto (투또톤토)
地址：서울 광진구 능동로 125 1층 투또톤토
營業時間：8:00 ~ 22:30
繼而小編要介紹一間每次經過生意非常好的esspreso bar咖啡店。
咖啡廳內部
由入口望入去，原本以為只係一間小巧的咖啡廳。點知內部空間比想像中大好多，整體好寬敞，坐位好多。
平日下晝嚟訪時，仲可以見到唔少學生帶住電腦喺度讀書。
飲品菜單
雖然係esspreso bar cafe，但唔止咖啡種類豐富，其他無咖啡因飲品嘅種類都好多。
甜品種類都超過10種。唔止有各式各樣嘅麵包、三文治、司康、餅乾、瑪德蓮、各種塔類等。種類豐富到令人眼花撩亂。
但唔好以為佢只係咖啡專門店，甜品類嘅實力都唔容小覷，唔止外觀靚，仲好好食。
小編今日點咗葡萄柚石榴氣泡飲同麝香葡萄酥皮塔。
葡萄柚石榴汽水飲起來好清新，葡萄柚嘅酸甜同石榴融合得好好，好適合需要清口嘅時候飲。
出奇嘅係佢哋屋企嘅甜品唔止賣相好，味道都表現得好出色。酥皮烤得好香，再完美配上新鮮甜美嘅葡萄同底下嘅卡士達醬。
係食咗會令人開心嘅甜品。
呢次去完之後又有再去Tuttotonto嘅意願，唔止飲品好飲，甜品都好食，如果下次仲有機會嘅話想試下其他唔同款式嘅甜品。
大力推薦呢間出色嘅咖啡店畀住喺建大附近或者嚟建大附近玩嘅朋友！
噉咁以上就係我哋建國大學嘅周邊美食同埋咖啡廳探訪。
希望以上內容對正在好奇建大周邊美食、咖啡廳嘅朋友有所幫助，我哋下次見啦！
*探訪日期為2023年10月，訪問前，請再次喺地圖上確認營業時間、公休日同埋地址有無變動。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
