哈囉，大家好，我們是由韓國人每日提供最新旅遊資訊的Creatrip。
今日向大家介紹位於首爾廣津區嘅「建國大學」。
大家可能對建國大學有啲陌生，其實，建國大學嘅校園唔單止佔地廣大，更係韓劇<鬼怪><我嘅ID係江南美人>嘅取景地。
另外，建大商圈都係首爾一帶好出名，有夜生活、娛樂體驗、購物等活動嘅大學街，好適合鍾意韓國流行文化嘅朋友。
由地鐵建國大學2號出口出嚟行路4分鐘，就可以見到建國大學嘅標誌。
常虛門
正門口冇特別嘅建築物，只簡單設置咗常虛門。
經過正門之後，左邊就係又高又大嘅建國大學醫院。
正門一路直行，就可以見到常虛紀念圖書館(상허기념도서관)。呢個應該係小編見過嘅大學圖書館中最大嘅。
外觀非常大器嘅常虛紀念圖書館。圖書館前嘅廣場正中央係創立者유석창(劉錫昶)嘅銅像。
建築物外觀好似博物館或音樂廳，設計得好勁實而盛大。
語學堂
想必嚟讀語文學堂嘅大家，開學前一定都好困惑語文學堂嘅教室喺學校嘅邊個位置呢！
建國大學語學堂嘅教室位置位喺圖書館後嘅一個細山坡上!
如果係由建國大學正門口過嚟嘅同學
由學校門口一路直行到常虛圖書館後，會見到「상허기념도서관」嘅石頭
向右手邊行，會見到向上嘅樓梯
沿住樓梯行上去，會見到前面嘅白色建築物
咁就可以見到建國大學嘅語學堂建築啦！語學堂嘅教室同埋辦公室都喺呢幢建築物入面。
語學堂建築大門
呢幢建築物好特別嘅係，如果要上樓唔係行樓梯，而係一路沿住呢種上升嘅彎道上去。
語言學堂嘅教室大部分都圍繞喺建築物嘅中心
睇到玻璃門後往左入行就可以睇到語學堂嘅教室啦！ 大部分嘅教室都喺2 ~ 4樓
喺建築物入面都設有樓梯，就喺建築物嘅正中心。
唔知係唔係因為安全嘅考慮，樓梯而家都係圍起嚟，禁止使用嘅狀態。
語學堂教室內部
教室嘅整體空間偏細，教學亦係採小班教學制，一班最多唔會超過14人。
由語學堂嘅建築出嚟之後，我哋沿住斜坡行落去，就可以見到位於建國大學嘅核心，一艦湖(일감호)。
如果問建國大學嘅學生，學校嘅代表係咩，十之八九都會答：「學校裡面有個好大嘅湖」。
擁有約1萬5千坪巨大面積嘅一艦湖，幾乎可以話係首爾最大規模嘅人工湖。
據說呢個湖嘅大小大到足以容得下另一個校園嘅程度。
以前只係聽聞呢個湖好大，親眼見到之後覺得「哇！真係唔係普通大嘅湖」，旁邊竟然仲有橋同生態島。
望向湖嘅另一邊，可以見到湖中央嘅小島（와우도）同埋位於後方嘅學生宿舍。
動物生命科學館
以獸醫學系聞名嘅建國大學，學校有唔少關於獸醫、動物生命科學嘅科系。
建國大學博物館 常虛紀念館 (常虛紀念館 (상허기념관)
呢座建築物曾經係古代高麗大學嘅建築物，係歷史好悠久嘅建築物。
經營館前面有一個象徵著建國大學嘅黃牛雕像。
建國大學嘅代表性動物係黃牛，因此校園裡可以見到好多地方有黃牛嘅銅像，象徵住民主運動家嘅正直、勤勞、忠誠嘅精神。
室外運動場
新千年館
有14層樓高嘅新青年館。外觀睇起嚟好新同埋高大，幾乎好少大學建築物會蓋得咁高。裡面有各式各樣嘅設施，包括學生食堂、大型公演場、校園紀念品店等。除此之外，頂樓都可以俯瞰整個一艦湖嘅全景，喺學生之間好受歡迎。
新青年館前嘅清心臺，係一個可以欣賞一艦湖同埋休息嘅涼亭。
放學或者中午時間，可以見到唔少同學哋坐喺度。
清心台附近甚至仲可以見到由湖邊跑上嚟路邊享受日光浴嘅鵝。佢哋睇落去一啲都唔驚人。
學生會館
清心台向左行，就可以見到學生會館。同其他建築物相比，呢幢建築嘅外觀稍為舊咗少少。
這裡嘅一樓及地下一樓各設置咗學生食堂，餐點亦非常多樣化，用餐環境亦相當唔錯。
另外，一樓亦設有學校紀念品商店、郵局同埋新韓銀行。
虹蜺橋 (홍예교)
第2學生會館
而家我哋行過咗彩虹橋，向前直行。
向右手邊方向可以見到位於湖中央嘅無人島，臥牛島(와우도)。
據講上面棲息緊10幾隻蒼鷺，甚至仲喺上面繁殖咗新生嘅蒼鷺。而家被政府指定為天然紀念物並成為生態保護區域。
쿨하우스
쿨하우스
經過臥牛島之後，就可以見到最底部的宿舍區域(쿨하우스)。
整體上，建國大學有好大一部分建築物都係新建嘅。
學校好寬敞、平坦同埋整潔，整體環境好舒適。整體嚟講平地居多，所以好適合散步，行路完全唔會攰。
因為湖水嘅關係，令整個校園睇起嚟比其他大學更大。如果課喺湖對面嘅建築物入面，上堂課嘅時候就要行一段路，時間可能要再留意。
以上就係我哋嘅建國大學校園參觀！
希望可以畀正考慮建國大學語學堂嘅學生一個參考。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
