Hello，大家好，我哋係由韓國人每日提供最新韓國旅行資訊嘅Creatrip。
講起韓國，一定唔少得呢度嘅飲酒文化！燒酒、傳統米酒、清酒等等，韓國真係有好多款傳統酒，而當中被稱為馬格利酒嘅韓國傳統米酒同燒酒可以話叮噹馬頭，一樣咁受歡迎！今日就等小編介紹一間韓式傳統酒吧俾大家，一齊去體驗超道地嘅飲酒文化啦！
弘大「延南酒館1987」資訊
- 地址：서울 마포구 동교로 212-5
- 營業時間：15:00 - 03:00
- 可預約時間：星期一至四 15:00-00:00
- 語言：韓文、英文
弘大「延南酒館1987」推薦原因
- 裝修行80年代懷舊風，融合韓國古今文化元素，而且超有傳統酒館氣氛！
- 曾經上過韓國美食節目《생방송 투데이（Live Today）》，口碑夠曬好！
- 韓國傳統米酒度數比較低，而且味道易入口，就算唔太飲酒嘅朋友都可以嚟體驗韓國傳統酒文化！
- 有好多款下酒菜，當中韓式煎餅同傳統米酒就最夾啦！
- 位於弘大入口站3號出口嘅延南洞，呢度係一個充滿藝術文化嘅地方，可以一邊享受氣氛，一邊食好西！
- 事先透過我哋預約可以唔洗排隊直接入座！
弘大「延南酒館1987」價錢
現金券 | ₩20,000 （20000） |
弘大「延南酒館1987」Menu
| Set 1 花蟹辣燉雞湯 + 韓式煎肉餅&鮮蝦煎餅 | ₩58,000 |
| Set 2 牛腸辣燉雞湯 + 韓式煎肉餅&鮮蝦煎餅 | ₩56,000 |
| Set 3 花蟹辣燉雞湯 + 海鮮葱煎餅&五花肉泡菜煎餅 | ₩53,000 |
| Set 4 牛腸辣燉雞湯 + 海鮮葱煎餅&五花肉泡菜煎餅 | ₩51,000 |
| [加購選項] 寬身紅薯粉 | ₩3,000 |
| [加購選項] 轉為無骨雞肉 | ₩2,000 |
| [加購選項] 轉為麻辣口味 | ₩3,000 |
※2023年9月價錢
弘大「延南酒館1987」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
弘大「延南酒館1987」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期及時間。
- 預約時請購買現金券，到訪當日將會收取扣除現金券金額後最終消費金額。
- 請準時到達，如果遲到超過10分鐘，預約將自動被取消，屆時將不設退款。
- 嚴禁攜帶及進食外來食物。
- 如果想更改預約，或者有任何問題，請send email到help@creatrip.com查詢。
弘大「延南酒館1987」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
弘大「延南酒館1987」介紹
今日小編同朋友一齊嚟到位於弘大入口站3號出口附近嘅「延南酒館1987」！餐廳外面就好似以前嘅酒館咁掛滿寫住Menu嘅牌，超特別！
「延南酒館1987」最出名係食花蟹辣燉雞湯同牛腸辣燉雞湯，最近更加上埋韓國美食節目《생방송 투데이（Live Today）》，所以唔事先預約定嘅話好有可能要排長龍！
餐廳裝修行懷舊復古風，有好多韓式傳統花紋，營造出一種以前嘅韓屋嘅感覺！而且每張枱上面都好似以前嘅韓國餐廳咁會吊住一包紙巾俾客人用XD 另外餐廳亦都有為大家準備毛毯同充電器，好貼心！
餐牌入面每個Menu都有相，所以就算大家唔識韓文都唔緊要！（想飲韓國傳統米酒嘅話可以睇餐牌最後面去揀~）
如果有事先透過我哋預約嘅話，記住去到要先向職員出示預約記錄，然後職員就會幫大家set枱同上小菜！呢款醃洋葱酸酸甜甜，同韓式煎餅好夾！
Set 1（花蟹辣燉雞湯 + 韓式煎肉餅&鮮蝦煎餅）
Set 3（花蟹辣燉雞湯 + 海鮮葱煎餅&五花肉泡菜煎餅）
Set 4（牛腸辣燉雞湯 + 海鮮葱煎餅&五花肉泡菜煎餅）
牛腸辣燉雞湯
「牛腸辣燉雞湯」上菜嘅時候已經大約煮熟，用較剪將牛腸剪細少少，再滾多陣就食得！湯底夠香辣，而且雞肉都好嫩滑，大家記住留返幾啖湯整炒飯！
花蟹辣燉雞湯
呢度另外一款招牌菜「花蟹辣燉雞湯」睇落真係超豐富！味道就好似辣燉雞湯+花蟹湯咁，味道濃郁得嚟夠爽口，而且無論係蟹定雞都啖啖肉！
如果大家想食得方便啲，仲可以轉做無骨雞肉，另外亦都可以根據個人口味加寬身紅薯粉或者轉成麻辣口味！
海鮮葱煎餅&五花肉泡菜煎餅
小編成日去食韓式煎餅都會十五十六，唔知食海鮮葱煎餅好定食泡菜煎餅好，喺「延南酒館1987」就唔需要有呢個煩惱！一碟入面有齊海鮮葱煎餅同五花肉泡菜煎餅，因為加咗五花肉，所以真係好香口！
韓式煎肉餅&鮮蝦煎餅
另外韓式煎肉餅同鮮蝦煎餅蛋香味好濃，蝦口感夠彈牙、牛肉味都好香~ 大家仲可以點汁或者配埋頭先介紹嘅醃蘿蔔一齊食，非常解膩！
蜂蜜水蜜桃米酒
小編同朋友仲有叫埋蜂蜜水蜜桃米酒，飲落冇咩酒味，就好似飲緊桃味嘢飲咁，仲有好多桃肉！「延南酒館1987」另外仲有益力多米酒、韓式糖餅米酒、蕃薯米酒等等超多種口味，推薦大家一定要試！
弘大「延南酒館1987」前往方法
喺弘大入口站（홍대입구역）3號出口出。
直行。
繼續直行到轉角位。
去到轉角位之後向左邊行。
直行。
大約行50米左右就會見到餐廳招牌。
咁就去到「延南酒館1987」啦！
以上係弘大「延南酒館1987」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
