弘大韓妝體驗 | lediU
韓國化妝點解咁出名?不如親身嚟體驗吓啦!
Hello,大家好,我哋係由韓國人每日提供最新韓國旅行資訊嘅Creatrip。
K-Beauty喺全世界都好流行,無論係男女老少都會專程嚟韓國體驗!今日就等小編介紹一間可以體驗韓式妝髮服務嘅弘大化妝Studio俾大家,有興趣嘅話記住要睇埋落去啦!
撳我睇價錢&預約詳情👇🏻
弘大「lediU」資訊
- 地址:서울 마포구 동교로23길 40 CM빌딩 6F
- 營業時間:10:00 - 19:00
弘大「lediU」參考圖
韓式妝髮體驗 |
![]() |
電睫毛 + 營養護理 |
![]() |
弘大「lediU」化妝師資歷
代表院長 레아
- 曾擔任音樂劇表演化妝總監
- 曾擔任Galeria百貨公司時裝秀化妝總監
- 曾參與韓國政府機構宣傳影片製作
- 曾參與各大電視劇、廣告、電影、MV製作
弘大「lediU」介紹
今日小編嚟到弘大「lediU」,呢度嘅代表院長有超過17年經驗,曾經擔任過各種廣告、婚禮同表演嘅化妝總監!因為呢度係行100%預約制,所以每個時段都只會有1組客人,大家可以一邊享受私人時光,一邊體驗正宗韓式美妝!
喺弘大入口站行5分鐘就可以去到「lediU」所在嘅大廈,一入到門口就會見到各種擺設,仲有院長持有嘅證書,實力有保證!
而化妝枱上都放滿各種化妝用品同道具,令小編好期待今日嘅體驗!今日小編揀咗做「韓式妝髮體驗」,一齊睇吓過程係點㗎啦!
小編當日有搽防曬,所以有事先叫院長準備卸妝用品~ 卸好妝之後院長就會幫大家搽精華同cream做保濕,然後就會搽primer打底,令底妝更加服貼!
之後就會開始化眼妝!因為而家韓妝追求自然,所以唔會化得太濃,眼影都會用比較淺色嘅色調,亦都會輕輕用遮瑕同調色膏遮一遮黑眼圈,令個人睇落冇咁攰!
另外院長話喺畫眼線之前最好用比較深色嘅眼影畫定一條guideline,咁就唔會咁易失敗啦!
再用閃粉同眼影畫出臥蠶,令雙眼睇落更有神!
院長化妝真係好仔細,所以小編都好enjoy成個過程,亦都學到唔少嘢!
之後就到眼妝嘅戲玉 —— 眼睫毛!院長首先會幫大家癡假眼睫毛,然後仲會好似平時睇韓國節目嘅時候見到嘅咁,用打火機燒熱木棍,然後加熱眼睫毛去固定捲度,最後再搽埋mascara!
然後就會畫眉毛,化妝師唔單止會用眉筆,仲會用埋染眉Gel,令眉毛顏色唔會太死板同太濃!
呢度好特別嘅係會先化完五官再上底妝,用遮瑕遮住暗瘡印同雀斑之後就會上粉底,最後上埋陰影底妝就完成啦!
因為院長好friendly,而且亦都會講好多化妝小貼士俾客人聽,所以成個化妝過程唔會好無聊,小編反而好enjoy!
最後搽埋唇膏,再補少少妝就大功告成啦!如果有想加強或者修補嘅部位都可以呢個時候同院長講~
如果冇問題,院長就會幫大家噴定妝液,令成個妝更加持久!
最後院長會幫大家用直髮夾同風筒set埋個頭,然後再用定型噴霧加強持久力,營造一種豐盈嘅感覺!
今日嘅體驗就到此為止啦!院長用咗好多平時小編唔會用嘅顏色配搭幫小編化妝,效果比想像中靚好多!如果大家都想體驗韓式妝髮服務,推薦大家可以嚟弘大「lediU」!
Before
After
PS:因為小編太滿意呢個妝,所以忍唔住去咗影人生四格XD
弘大「lediU」前往方法
喺弘大入口站(홍대입구역)1號出口出。
行入小路,然後直行。
見到斑馬線之後過馬路,然後向左邊行。
直行大約50米。
見到三岔路之後轉右。
直行大約250米。
喺第二個街口轉右。
再喺第一個街口轉左。
向前行就會見到上圖呢棟大廈。
你會見到門口有「lediU」嘅Logo。
行入去之後搭𨋢上6樓就到「lediU」啦!
撳我預約👇🏻
以上係弘大「lediU」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Mail:help@creatrip.com