弘大美食 | 延南豬腳1987
韓國網友激推炸豬腳！原來喺弘大就食到！
Hello，大家好，我哋係由韓國人每日提供最新韓國旅行資訊嘅Creatrip。
其中一樣好多朋友嚟韓國都會想食嘅韓國美食係豬腳！而最近喺網上有一間好特別嘅炸豬腳，跟住小編一齊去睇吓啦！
弘大「延南豬腳1987」資訊
- 地址：서울 마포구 동교로 222
- 營業時間：12:00 - 24:00
- 可預約時間：12:00 - 18:00（預約時段以1小時為單位）
- 語言：韓文、英文
弘大「延南豬腳1987」推薦原因
- 最近韓國網上超紅嘅炸豬腳，想有返啲新意試新嘢嘅話推薦大家嚟！
- 炸豬腳外脆內軟，無論係口感定味道都一流！
- 延南洞係一個充滿藝術文化嘅地方，可以一邊享受氣氛，一邊食好西！
- 同燒酒、啤酒、韓國米酒都好夾，可以同時體驗韓國飲酒文化！
- 喺弘大入口站行5分鐘就到，交通夠方便！
弘大「延南豬腳1987」價錢
選項 | 包括 | 價錢 |
炸豬腳 | 炸豬腳+3款小菜+牛血湯+菜 | ₩45,000 |
炸豬腳套餐 | 炸豬腳+小菜+3款醬汁+牛血湯+菜+迷你蕎麥冷麵 | ₩49,000 |
蜜瓜忌廉米酒 | - | ₩16,000 |
※蜜瓜忌廉米酒唔可以單點。
弘大「延南豬腳1987」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
弘大「延南豬腳1987」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 請準時到達，如果遲到超過10分鐘，預約將自動被取消，屆時將不設退款。
- 嚴禁攜帶及進食外來食物。
- 如果想更改預約，或者有任何問題，請send email到help@creatrip.com查詢。
弘大「延南豬腳1987」預約流程
| STEP 1. | |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
弘大「延南豬腳1987」介紹
今日小編嚟到最近好hit嘅「延南豬腳1987」！豬腳係韓國人食宵夜或者飲酒嘅時候成日會食嘅韓國美食，喺韓劇同綜藝都成日會見到！而「延南豬腳1987」賣嘅唔係普通豬腳，而係炸豬腳！
呢度有室內同戶外位可以揀，因為小編去嘅時候天氣好好，所以就決定坐外面~ 而嘢食方面小編同朋友最後叫咗「炸豬腳套餐」同「蜜瓜忌廉米酒」！
「蜜瓜忌廉米酒」顧名思義就係蜜瓜味韓國傳統米酒，比起普通韓國米酒更加creamy，再加上好似飲緊蜜瓜梳打嘅甜味，如果鍾意飲水果酒嘅話一定會一試愛上！
等咗一陣之後就上菜啦！「炸豬腳套餐」入面有好多款配菜，而且勁colourful，好啱相機食先！
大家可能對牛血湯有啲陌生，湯本身辣辣地，而牛血同我哋平時食開嘅豬紅有少少似。
小菜方面有普通泡菜、白泡菜、茗荑葉、醃蘿蔔、辣醃魷魚、辣蘿蔔乾，而醬汁就有包飯醬同蝦醬等等、大家可以自由mix and match！小編個人就最鍾意茗荑葉同辣醃魷魚，前者酸酸甜甜可以解膩、後者口感夠好！
豬腳上面仲有好似調味炸雞咁甜甜辣辣嘅醬，所以唔會覺得好漏。
豬腳肉好腍，而皮嘅部份表面好脆，仲可以食到煙韌嘅豬皮，口感同普通豬腳好唔同！
大家亦都可以用跟餐上嘅生菜包豬腳食，加埋其他小菜同醬汁，味道會更加多層次！
迷你蕎麥冷麵份量比想像中多，酸酸甜甜好開胃，記住要撈勻啲先好食啊！
另外仲有個沙律仔，沙律醬入面有Wasabi！
入面仲有一條豬骨，上面都有啲肉，有好多韓國人都好鍾意直接攞住呢條骨咬XD
小編當日係同2個朋友一齊去，因為份量真係好多，所以3個人都食得飽！
呢款炸豬腳結合咗炸雞同豬腳嘅優點，小編個人覺得好食過普通豬腳！如果大家都有興趣，推薦大家嚟「延南豬腳1987」！
弘大「延南豬腳1987」前往方法
喺弘大入口站（홍대입구역）3號出口出。
直行。
繼續直行。
喺第三個路口轉左。
直行。
右邊第一條巷仔轉右。
直行。
「延南豬腳1987」會喺你右邊！
以上係弘大「延南豬腳1987」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
