弘大美容 | Shin Jiyoon皮膚管理中心
連OH MY GIRL都有去過嘅皮膚管理中心！近近地喺弘大做返個treatment啦！
- 弘大「Shin Jiyoon皮膚管理中心」資訊
- 弘大「Shin Jiyoon皮膚管理中心」推薦原因
- 弘大「Shin Jiyoon皮膚管理中心」價錢
- 弘大「Shin Jiyoon皮膚管理中心」退款政策
- 弘大「Shin Jiyoon皮膚管理中心」注意事項
- 弘大「Shin Jiyoon皮膚管理中心」預約流程
- 弘大「Shin Jiyoon皮膚管理中心」介紹
- 弘大「Shin Jiyoon皮膚管理中心」前往方法
Hello，大家好，我哋係由韓國人每日提供最新韓國旅行資訊嘅Creatrip。
相信好多人都想要維持V臉同白滑皮膚，有部份人會選擇去做微整型，不過有另一部份人因為怕痛/有副作用而唔夠膽去做。呢個時候大家可以選擇去做按摩同各種美容療程！今日就等小編介紹一間位於弘大嘅美容中心俾大家啦！
弘大「Shin Jiyoon皮膚管理中心」資訊
- 地址：서울 마포구 양화로 156 엘지팰리스 1106호
- 營業時間：
- 星期一至五 11:00 - 21:00
- 星期六 11:00-16:00
- 星期日 11:00-12:00
- 可預約時間：
- 星期一至五 11:00 - 20:00
- 星期六 11:00-15:00
- 星期日 11:00
- 語言：韓文、英文
弘大「Shin Jiyoon皮膚管理中心」推薦原因
- 連韓國明星同主持人都會嚟做treatment，有信心保證！
- 提供臉部輪廓管理、皮膚管理等美容療程，大家可以按照自己需要去揀！
- 比起微整型手術更加安全，亦都唔會有副作用！
- 透過按摩消水腫同瘦臉，旅行嘅時候影相都上鏡啲！
- 位於弘大入口站附近，交通夠曬方便！
弘大「Shin Jiyoon皮膚管理中心」價錢
| 選項 | 價錢 | 簡介 |
|---|---|---|
| V臉輪廓管理 & 冰感拉提療程（100分鐘） | ₩180,000 | 用透明質酸精華進行輪廓管理，達成V臉效果，同時進行冰感頭皮筋膜管理 |
| 抗污染注氧保濕療程（60分鐘） | ₩130,000 | 運用高壓注氧儀器，將精華打至肌膚底層，令皮膚更透亮紅潤，推薦俾皮膚缺水、敏感同深受肌膚泛紅問題困擾人士 |
| 瘦臉輪廓管理（90分鐘） | ₩130,000 | 提供1:1客製化服務，塑造臉及頸部線條 |
| 特效拉提 & 瘦臉輪廓管理（90分鐘） | ₩150,000 | Shin Jiyoon皮膚管理中心獨家療程，運用低頻電流促進肌肉伸展及收縮，達至臉部拉提效果 |
| 收毛孔療程（90分鐘） | ₩170,000 | 注入透明質酸精華，同時提供拉提及緊緻效果 |
| 透明質酸注氧保濕 & 輪廓管理療程 | ₩170,000 | 透過注入低分子透明質酸、維他命、抗氧化成分等，提高皮膚含水量、達至即時拉提效果、減少皺紋，推薦俾皮膚缺水、需要進行輪廓管理同受皺紋問題困擾人士 |
| V臉輪廓管理 & 特效拉提（90分鐘） | ₩170,000 | Shin Jiyoon皮膚管理中心招牌療程，注入透明質酸精華、塑造臉部輪廓及令肌膚更水潤亮澤，非常受準新娘歡迎 |
| 提亮注氧保濕 & 水光療程（100分鐘） | ₩190,000 | 運用植物性提亮精華同濃縮維他命C抑制色素沉澱，同時提供保濕及美白效果，推薦俾膚色唔均匀、暗沉，同受色素沉澱問題困擾人士 |
| 膠原蛋白提亮注氧保濕（100分鐘） | ₩230,000 | 透過組合肽，塑造飽滿有彈力肌膚，同時注入水分，減少皺紋 |
| 冰感頭皮管理 （唔可以單獨預約） | ₩50,000 | - |
弘大「Shin Jiyoon皮膚管理中心」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
弘大「Shin Jiyoon皮膚管理中心」注意事項
- 請最少喺3日前完成預約。
- 請務必準時到達。
- 只接受體驗3日前申請取消及退款。
- 預約時請確保已選擇正確日期及時間。
- 唔可以單獨預約冰感頭皮管理療程。
- 請準時到達，如果遲到超過10分鐘，預約將自動被取消，屆時將不設退款。
- 如果想更改預約，或者有任何問題，請send email到help@creatrip.com查詢。
弘大「Shin Jiyoon皮膚管理中心」預約流程
| STEP 1. | 撳我預約 |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 開始體驗！ |
弘大「Shin Jiyoon皮膚管理中心」介紹
今日小編嚟到出名做輪廓同皮膚管理嘅「Shin Jiyoon皮膚管理中心」，喺弘大入口站9號出口一出就係，好容易就搵到！
鋪頭入面擺滿各種獎狀、證書同韓國節目嘅相，而且仲有唔少韓國明星有留低佢哋嘅簽名！另外亦都有唔少準新娘喺婚禮前都會去「Shin Jiyoon皮膚管理中心」做treatment。
因為呢度係由老闆一手打理，所以只有一間房，夠曬private，唔洗擔心要同其他人一齊做療程。
最近小編睡眠質素唔太好，所以皮膚比較暗沉，而且成日都會水腫，最後小編決定做「透明質酸注氧保濕 & 輪廓管理療程」！
開始之前會先聞一聞香薰，的確令人有一種relax嘅感覺，味道都唔會太濃！
之後就正式開始，首先會簡單幫大家洗一洗臉，提提大家當日記住唔好化妝去啊！然後就會敷一層泥膜，冰冰涼涼好舒服~
敷緊面膜嘅同時老闆會幫大家按摩，平時小編膊頭同頸都比較緊，按完真係好舒服！
抹走面膜之後就正式開始進行輪廓管理，老闆會用手按壓全臉，改善臉部唔對稱問題，整理臉部線條。
因為每個人嘅需求唔同，老闆會根據每位客人嘅臉部狀態幫大家進行療程，呢點小編覺得好唔錯！
之後會再搽另一款自家調配嘅面膜，敷落更加水潤。
小編有再額外加購埋「冰感頭皮管理」，唔單止可以幫頭皮降溫，仲會用工具按摩頭皮，超舒服！另外建議大家做完呢個treatment之後當日唔好洗頭啊！
之後老闆會另外幫大家按摩手臂同腋下，雖然話係話做臉部facial，但係就好似做咗個上半身嘅treatment咁，勁滿足！
之後就到做透明質酸注氧保濕treatment嘅時間，運用氣壓將精華推到肌膚深層，咁做個效果會好過就咁搽護膚品！
最後搽埋cream就大功告成啦！比起做treatment之前塊臉真係冇咁腫，皮膚亦都比較紅潤，效果大約會維持4日，喺第二日開始會更加明顯！無論係嚟韓國旅行想體驗韓式美容療程，定係喺韓國留學/工作想定期做treatment，小編都推薦大家嚟弘大「Shin Jiyoon皮膚管理中心」！
弘大「Shin Jiyoon皮膚管理中心」前往方法
喺弘大入口站（홍대입구역）9號出口出。
你會見到呢棟大廈喺出口後面。
行入去。
上11樓之後搵1106室。
咁就去到「Shin Jiyoon皮膚管理中心」啦！
以上係弘大「Shin Jiyoon皮膚管理中心」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com