Hello，大家好 ，我哋係由韓國人每日提供最新韓國旅行資訊嘅Creatrip。
相信唔少朋友都會想喺韓國影輯相留念，今日要介紹嘅影相鋪風格超特別，喺度做返日公主啦！
撳我睇價錢&預約詳情👇🏻
新村「LAFIA Studio」資訊
- 地址：서울 서대문구 명물길 37 5F
- 營業時間：
- 星期三 18:00-21:00
- 星期四至日 12:30-21:00
新村「LAFIA Studio」參考圖
 |  |
新村「LAFIA Studio」介紹
今日小編嚟到專影公主風格形象照嘅「LAFIA Studio」影相，平時小編都好想影返輯特別嘅形象照，今日終於有機會啦！「LAFIA Studio」位於新村站附近，交通夠方便。
確認好預約之後要先等一陣，呢度連等候區都裝飾得好靚，仲會播音樂，令客人覺得自己好似變咗迪士尼公主咁~
鋪頭入面有攝影師好多以前嘅作品，就算係全部都係公主風格，每張相都有唔同嘅主題，令小編好期待最終成果會係點！
「LAFIA Studio」規模比較大，除咗有提供禮服，仲有各種皇冠、耳環、頸鏈同花等等，記住揀返幾款戴住影相啦！
呢度更衣室同準備嘅地方夠大，而且有齊可以整理儀容嘅工具，大家影相前可以慢慢做好準備。
小編今日揀咗「Kitsch Day」主題，推薦鍾意比較活潑可愛嘅風格嘅朋友們！
職員會推薦幾條禮服俾大家，小編就喺呢兩條裙入面揀咗粉紅色嗰條~著嘅時候職員都會幫手，就算係一個人嚟都唔需要擔心！
職員會趁客人換衫嘅時候幫手揀埋飾物，對於有選擇困難症嘅小編嚟講真係好貼心！大家可以喺當中揀最鍾意嘅嚟戴~
而耳環方面，呢度會提供耳夾，所以就算冇耳窿都冇問題！
職員會好sweet咁全程幫手，仲會不斷俾建議大家，等大家可以扮到最靚咁影相！
準備好之後就可以正式去影相啦！因為之後會key返個背景上去，所以大家會喺一個藍色背景前面影相。
影相之前職員會再幫大家整理儀容，亦都會提早準備好拍攝道具，等大家可以唔洗等咁一次過影~
好多朋友可能會擔心自己表情會好生硬，不過呢度嘅攝影師會好親切咁教大家擺pose，效果真係會自然好多！
成個過程大約需要60分鐘，比起平時要影個幾鐘頭嘅個人照輕鬆唔少。
左邊呢張係原圖，而右邊呢張就係小編嘅最終成果啦！呢度唔單止有key個背景上去，仲會幫手執埋皮膚同五官，如果想寫埋生日都可以叫佢哋幫手加。
如果大家都想影返輯特別嘅公主風格形象照留念，推薦大家嚟新村「LAFIA Studio」！
撳我預約👇🏻
以上係新村「LAFIA Studio」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
