弘大Personal Colour | COCORY色彩研究所
想知道自己最襯咩色?弘大超大規模Personal Colour中心!
Hello,大家好,我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test(個人色彩診斷),透過搵出同我哋膚色最夾嘅顏色,改變自己衣著、化妝品、髮色等等去令成個人睇落更加亮麗動人!今日小編嚟到弘大其中一間最出名嘅Personal Colour中心體驗,一齊睇落去啦!
弘大「COCORY色彩研究所」資訊
- 地址:서울특별시 서대문구 연희로 193-3
- 營業時間:09:00 - 20:00
- 可預約時間:09:30 - 19:00
- 語言:韓文、中文、英文、日文
弘大「COCORY色彩研究所」推薦原因
- 可以做Personal Colour Test嘅同時仲會推薦最啱你嘅化妝品俾你!
- 搵出同自己最夾嘅顔色,令成個人睇落更加精神!
- 規模比普通Personal Colour中心大,而且攞咗唔少獎,更加有申請專利!
- 提供中文、英文、日文翻譯,唔洗擔心會聽唔明!
弘大「COCORY色彩研究所」價錢
1:1 日常個人色彩診斷(60分鐘) | ₩195,000 |
1:2 日常個人色彩診斷(90分鐘) | ₩355,000 |
1:3 日常個人色彩診斷(120分鐘) | ₩500,000 |
1:4 日常個人色彩診斷(150分鐘) | ₩670,000 |
※上述價錢包括翻譯費用。
弘大「COCORY色彩研究所」退款政策
預約後至體驗3日前取消 | 全額退款 |
體驗2日前取消 | 不設退款 |
弘大「COCORY色彩研究所」注意事項
- 請最少喺3日前完成預約,你亦可以喺60日前進行預約。
- 體驗內容包括:
包括 翻譯、膚色及色調診斷、髮色推薦、化妝品推薦、飾品推薦 唔包括 體型分析 - 請準確輸入所有相關資訊。
- 請務必準時到達。
- 提供中文、英文、日文翻譯。
- 如非參加體驗,隨行人士(家人、朋友等)唔可以一齊入去聽。
- 體驗1日前或其後唔接受更改預約(如更改日期、時間、人數、選項等)。
- 如遲到10分鐘或以上預約將自動取消,費用亦不設退還。
- 建議大家可以帶自己平時用開嘅化妝品,到時候專家會幫你睇適唔適合你。
- 為得出更準確結果,體驗當日請唔好化妝或者戴有色隱形眼鏡(可以化簡單底妝)。
- 如果想更改預約,或有任何疑問,請send email到help@creatrip.com查詢。
弘大「COCORY色彩研究所」預約流程
STEP 1. | |
STEP 2. | 請詳細輸入所有相關資訊, 我哋會喺2個工作天內確認預約, 到時候會再次通知你預約到嘅時段。 |
STEP 3. | 體驗當日請準時到達,向職員出示預約記錄。 |
STEP 4. | 開始體驗! |
弘大「COCORY色彩研究所」介紹
今日小編嚟到位於弘大嘅「COCORY色彩研究所」,呢度比起小編之前去過嘅Personal Colour中心規模大好多,令小編好期待!
呢度係做診斷嘅地方,大家會坐喺鏡前面,然後喺身上放上唔同顏色嘅布做比較,搵出自己嘅色調。
確認好預約之後首先要填一份表,成個過程會有專業翻譯員陪同大家,所以唔洗擔心會睇/聽唔明。
首先專家會俾幾種色大家睇,然後問大家鍾意咩色,呢個選擇仲可以反映到自己嘅性格!最後專家話最襯小編性格同風格嘅顏色係藍色,反映出小編係一個有自信又冷靜嘅人,小編覺得幾準!
之後專家就會簡單解釋咩係Personal Colour,個人色調又會分成幾多款等等,分類比想像中更加detail!之後就會一部機器做皮膚測試,專家會掃一掃兩邊臉,之後就可以睇到自己皮膚明亮度、黃色調同紅色調嘅準確數據,透過數字瞭解自己皮膚嘅顏色。而喺呢個階段小編初步被診斷做Cool Tone!
之後就會正式開始做診斷!專家首先會幫大家綁起頭髮同用白布遮住上身衫,因為咁做結果會更加準確!之後就放上各種顏色嘅布,check吓大家屬於咩色調。專家話比較嘅時候可以集中睇臉部中央同兩邊臉嘅顏色,分別都真係幾大!
最後小編被診斷為Summer Cool Tone,比起鮮艷嘅顏色,小編更加襯Pastel Tone色,而上面呢幾款就係小編嘅Best Colour啦!
「COCORY色彩研究所」嘅優點係唔係只係會幫你搵Best Colour,仲會根據唔同狀況推薦幾款啱你嘅顏色,咁大家買衫/化妝品嘅時候就可以有多啲選擇啦!
唔知大家知唔知其實黑白灰都有分色調呢?有啲人會好襯純黑白色,但係好似小編咁,比起純黑白色會比較啱灰少少嘅顏色!
專家會幫你分好幾個啱你嘅色調,比其他地方真係超仔細!
之後就會幫你睇化妝品顏色,大家可以用手機影低或者抄低顏色名,之後可以用嚟參考!
除此之外其實飾物顏色都好重要!專家會透過比較幾款飾物,話俾大家聽到底你啱銀色、金色定玫瑰金
最後仲會睇埋頭髮顏色,大家如果之後有計劃染頭髮都可以參考!
無論係衫、化妝、飾物定頭髮顏色都幫你睇得好仔細!
相信大家最期待以下呢個環節!體驗當日大家可以帶啲平時會用嘅化妝品,專家會幫大家睇到底啱唔啱你,再俾啲建議大家,下次去買化妝品就唔怕會中伏啦!
專家會逐一幫大家整理好,然後寫喺表上面,大家可以攞走參考!
最後亦都會攞到一份屬於你色調嘅顏色卡,大家買衫/化妝品嘅時候可以一邊比較一邊揀,好方便!
小編對今次體驗好滿意!專家嘅分析比想像中詳盡,仲有專業翻譯員全程幫小編做翻譯,小編真係獲益良多!如果大家都對韓國Personal Colour有興趣,推薦大家嚟「COCORY色彩研究所」體驗!
弘大「COCORY色彩研究所」前往方法
弘大入口站(홍대입구역)4號出口出。
靠右直行。
去到轉角位轉右。
左邊會有條斑馬線,喺度過馬路。
靠右邊直行。
去到「Donggyo-dong Samgeori (To Yeonhui-dong)」巴士站(ID:13144)搭7720號巴士。
喺「Overseas Chinese High School. Seoul. Seodaemun Fire Station」(ID:13152)落車。
向車頭方向直行。
去到三岔路口之後過左邊斑馬線。
過馬路之後向右邊行。
直行。
繼續直行。
你會見到呢棟大廈喺你左邊。
行入去就到「COCORY色彩研究所」啦!
以上係弘大「COCORY色彩研究所」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com