聖水Personal Colour | CCL色彩圖像融合研究所
連續2年獲得韓國本地Personal Colour大獎！喺聖水站行5分鐘就到！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今次小編嚟到嘅Personal Colour中心有提供埋化妝班，有興趣就記住睇埋落去啦！
聖水「CCL色彩圖像融合研究所」資訊
- 地址：서울 성동구 성수이로 66 서울숲 드림타워 711호
- 營業時間：11:00 - 21:00
- 可預約時間：11:00 - 18:30
- 語言：韓文、中文、英文、日文
聖水「CCL色彩圖像融合研究所」推薦原因
- 為超過幾萬個顧客提供專業personal colour服務，更加擁有各種專利，以獨家方法提供更準確結果！
- 連續2年獲得韓國本地personal colour大獎，質素有保證！
- 唔再係普通嘅四季色調，用更加科學同客觀嘅方法為你搵出最襯你嘅顏色！
- 可以揀埋上化妝班，可以運用personal colour結果，學化返個韓式妝！
- 喺聖水站行5分鐘就到，做完test可以去行街！
聖水「CCL色彩圖像融合研究所」價錢
| 選項 | 人數 | 價錢 | 簡介 |
| 個人色彩診斷 | 1:1（45分鐘） | ₩160,000 | Personal Colour理論 > 分析皮膚色調 > Personal Colour診斷 > 推薦飾物顏色 > 化妝品及髮色諮詢 |
| 1:2（80分鐘） | ₩280,000 | ||
| 1:3（100分鐘） | ₩360,000 | ||
| 1:4（120分鐘） | ₩415,000 | ||
| 個人色彩診斷 + 化妝班 | 1:1（120分鐘） | ₩330,000 | Personal Colour理論 > 分析皮膚色調 > Personal Colour診斷 > 推薦飾物顏色 > 化妝品及髮色諮詢 > 化妝班 |
| 1:2（170分鐘） | ₩550,000 |
※提供中文、英文、日文翻譯服務，上述價錢包括翻譯費用。
※個人色彩診斷：透過分析你嘅皮膚色調同五官，搵出最能夠突出你優點同魅力嘅顏色
※個人色彩診斷 + 化妝班：透過專業分析，搵出最襯你嘅顏色，之後以診斷結果為基礎，教你化一個最自然同最啱你嘅妝
聖水「CCL色彩圖像融合研究所」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
聖水「CCL色彩圖像融合研究所」注意事項
- 請最少喺3日前完成預約。
- 如非參加體驗，隨行人士（家人、朋友等）唔可以一齊入去聽。
- 請準確輸入所有相關資訊。
- 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
- 通常需要除低眼鏡進行診斷，建議視力較差人士可以戴透明隱形眼鏡（如果平時都會戴住眼鏡嘅話都可以戴住眼鏡進行診斷）。
- 建議大家可以帶自己平時用開嘅化妝品，到時候專家會幫你睇適唔適合你。
- 如果預約咗化妝班，建議帶你平時用開嘅底妝同化妝品（如果冇都唔緊要，專家會推薦產品俾你），皮膚比較敏感嘅話建議帶埋護膚品去。
- 體驗前請避免過量飲酒，亦請喺有充足睡眠後進行診斷。
- 做完皮膚療程/微整型或者曬燈之後去做personal colour test嘅話結果可能會唔準。
- 請唔好著樽領衫。
- 如遲到15分鐘或以上將會當做No-show，預約將自動取消，費用亦不設退還。
- 如果想更改預約，或有任何疑問，請send email到help@creatrip.com查詢。
聖水「CCL色彩圖像融合研究所」預約流程
| STEP 1. | |
| STEP 2. | 請詳細輸入所有相關資訊， 我哋會喺2個工作天內確認預約， 到時候會再次通知你預約到嘅時段。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
聖水「CCL色彩圖像融合研究所」介紹
今日小編嚟到專業Personal Colour中心「CCL色彩圖像融合研究所」，喺聖水站直行5分鐘就到，好易就搵到！呢度唔再係用普通嘅四季色調理論，反而會結合更加科學同客觀嘅方法為你搵出最襯你嘅顏色！專家會根據你嘅膚色、臉型、膚況等推薦Best Colour同 Second Best Colour俾你！
呢度每個季節分為4種色調，總共有16種色調，專家會喺當中幫你揀最襯同最唔襯嘅色調。
鋪頭裝修以白色為主調，入面有好多同personal colour有關嘅用品，令小編好迫不及待想快啲開始！
職員會幫你準備好茶、零食同一份問卷，大家填嘅時候寫得越仔細，專家幫大家分析嘅時候會更加準！
寫完專家就會嚟幫大家睇，如果有咩問題都可以問。
跟住就會正式開始做診斷啦！專家會首先幫大家分辨係暖調定冷調，佢都會即刻寫低結果，超仔細！
之後就會睇吓你襯淺色定深色。
專家話宏觀啲嚟睇小編屬於Spring Warm Tone，不過原來仲可以細分，比起其他personal colour更加仔細！
Best Colour
Second Best Colour
Worst Colour
然後就去到小編最期待嘅環節啦！專家會同大家講你最襯同最唔襯咩色，齋睇相都可以對比到就算係同一個角度、同一個燈光，都可以睇得出效果勁唔同！
之後專家就會為你推薦飾物同化妝品顏色，大家可以帶定平時用開嘅化妝品俾專家睇，仲可以試埋上手！
接住落嚟就會開始上化妝班，小編本身有搽防曬嚟，不過專家話最好連防曬都要卸埋！
化妝師會一路講解，跟住喺你其中一邊臉分開幾個部位示範俾你睇，然後再到你親自喺另一邊臉試化妝，可能因為可以自己落手，所以記憶會比較深刻！
粉底方面會用返頭先做Personal Colour Test嘅時候嘅推薦product，自己化完之後化妝師會再同你講有咩需要改進，超細心。
去到呢個階段就化完底妝啦！大家可以影低用過咩product，之後如果要去買化妝品可以用嚟參考。
化妝師會一邊教你化妝，一邊幫你分析五官同臉型，再推薦最啱你嘅化妝方法！
韓國最近流行自然妝同裸妝，所以眼妝都唔會化得咁濃。
最後搽埋唇膏就大功告成啦！
化妝師推薦嘅方法可以凸顯到小編嘅優點之餘夠自然，係最經典嘅韓式日常妝。
最後專家會幫你記錄低所有診斷結果同推薦product，大家可以用嚟參考！
想做personal colour同學化妝，但係怕溝通唔到？「CCL色彩圖像融合研究所」有提供中文、英文同日文翻譯，完全唔洗擔心語言問題！
聖水「CCL色彩圖像融合研究所」前往方法
喺聖水站（성수역）3號出口出。
轉右，然後直行。
經過2個十字路口同1個三岔路口，就會見到上圖呢座大廈。
行入Dream Tower。
之後轉左。
搭𨋢上7樓就到「CCL色彩圖像融合研究所」啦！
以上係聖水「CCL色彩圖像融合研究所」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com