江南髮型屋 | SOONSOO（清潭總店）
韓國Idol演員御用髮型屋&化妝Studio！嚟呢度體驗韓式妝髮服務啦！
- 江南「SOONSOO（清潭總店）」資訊
- 江南「SOONSOO（清潭總店）」推薦原因
- 江南「SOONSOO（清潭總店）」價錢
- 江南「SOONSOO（清潭總店）」退款政策
- 江南「SOONSOO（清潭總店）」注意事項
- 江南「SOONSOO（清潭總店）」預約流程
- 江南「SOONSOO（清潭總店）」到訪韓星
- 江南「SOONSOO（清潭總店）」參考圖
- 江南「SOONSOO（清潭總店）」介紹
- 江南「SOONSOO（清潭總店）」前往方法
Hello，大家好，我哋係由韓國人每日提供最新韓國旅行資訊嘅Creatrip。
相信好多朋友都會想嚟韓國體驗吓俾人化妝同set頭，而通常大家都想搵比較出名/韓國明星都會去嘅Salon同化妝Studio，質素比較有保證啊嘛！今日就等小編帶大家去一間位於江南嘅髮型屋+化妝Studio體驗吓啦！
江南「SOONSOO（清潭總店）」資訊
- 地址：서울 강남구 도산대로 61길 4 순수빌딩
- 營業時間：10:00 - 18:00
- 可預約時間：10:00 - 17:00（妝髮服務、電髮最後預約時段為16:00）
- 語言：韓文、英文
江南「SOONSOO（清潭總店）」推薦原因
- 超多韓國明星藝人都會嚟幫襯，無人不知！
- 係清潭洞有最多髮型師同化妝師嘅大型髮型屋&化妝Studio！
- 無論係髮型定妝容都夠曬緊貼潮流！
江南「SOONSOO（清潭總店）」價錢
K-Beauty妝髮服務 | ₩286,000 (286000) |
剪髮 | ₩66,000 (66000) |
染髮 | ₩220,000 (220000) |
電髮（Cool Perm） | ₩220,000 (220000) |
電髮（Hot Perm） | ₩330,000 (330000) |
頭髮護理療程 | ₩220,000 (220000) |
江南「SOONSOO（清潭總店）」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
江南「SOONSOO（清潭總店）」注意事項
- 請最少喺2日前完成預約。
- 預約時請輸入所有所需資訊。
- 根據你所揀嘅護髮療程同頭髮長度可能需要即場支付額外金額。
- 電髮價錢將視乎你嘅頭髮狀態同你所揀嘅髮型而定，同髮型師諮詢完之後就會知道實際金額。
- 體驗大約需要1-3小時（電髮可能會因頭髮狀態而需要更多時間）。
- 如遲到10分鐘或以上，預約將自動取消，訂金亦不設退還。
- 如果想更改預約，或有任何疑問，請send email到help@creatrip.com查詢。
江南「SOONSOO（清潭總店）」預約流程
| STEP 1. | 撳我預約 |
| STEP 2. | 請詳細輸入所有相關資訊，我哋會喺2個工作天內確認預約。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
江南「SOONSOO（清潭總店）」到訪韓星
偶像 | 少女時代 孝淵 | |
ZICO | ||
VIVIZ SinB | ||
MOMOLAND Nancy | ||
Apink 恩地 | ||
STAYC | ||
演員 | 卞約漢 | |
鄭麗媛 | ||
Dancer | Leejung | |
Street Woman Fighter 2 |
江南「SOONSOO（清潭總店）」參考圖
江南「SOONSOO（清潭總店）」介紹
今日小編同朋友嚟到清潭規模最大嘅髮型屋&化妝Studio「SOONSOO（清潭總店）」！因為呢度本身就好出名，所以小編同朋友都好期待！入到去之後去櫃檯確認預約，然後就可以去放低隨身物品。
呢度有儲物櫃俾大家擺低個人物品，冬天嚟仲可以順便放低埋外套同羽絨，整頭髮都整得舒服啲。
「SOONSOO（清潭總店）」總共有9層，每層都提供唔同服務，而因為小編今日會做「K-beauty妝髮服務」，職員就帶咗小編上5樓。
電梯入面貼滿喺呢度set過頭/化過妝嘅明星相同海報，真係有好多熟悉嘅臉孔！
上到5樓之後首先要喺呢度稍作等候，職員仲好sweet咁會幫大家準備飲品！
跟住就可以入化妝室，呢度全部都係獨立房，化妝枱上面有超多化妝品！
化妝師首先會幫大家搽少少護膚品，整理好肌膚紋理。
然後就會開始上底妝，化妝師會好細心咁用各種化妝工具幫你上粉底，真係同自己喺屋企化妝好唔同。一開始小編仲擔心底妝會唔會太厚，不過完全唔會，而且小編返到屋企個妝都仲keep得好好！
上完底妝之後就會有另一位化妝師入嚟幫大家化眼妝同唇妝。呢度嘅化妝師全部都經驗豐富，好識搵出最啱客人嘅眉型同最襯嘅顏色，令五官更加立體同自然。
小編平時都唔會癡假眼睫毛，不過呢度有好多款適合各種眼型嘅假眼睫毛，癡完之後比想像中自然同襯！
最後當然要畫埋眼線同韓妝嘅精粹——臥蠶啦！今次化妝師幫小編化咗個明星妝，相對上比較濃同華麗，最令人驚艷嘅係對眼大咗勁多XD
小編之前都有去過其他化妝Studio化妝，不過「SOONSOO（清潭總店）」嘅化妝品真係多好多！
之後就去咗另一層整頭髮，因為本身小編個頭已經剪咗啲層次，髮型師覺得簡單set一set個頭就已經夠靚，如果大家有特別想整嘅髮型都可以同髮型師講！
髮型師幫小編夾咗大波浪，同頭先化嘅妝都好襯！
呢個就係小編化完妝Set完頭之後嘅成果，因為五官會變得更加立體，所以的確比起平時上鏡好多！如果大家要去影相，或者需要慶祝特別日子，推薦大家嚟「SOONSOO（清潭總店）」體驗韓式妝髮服務！
而小編朋友就決定喺呢度電返個頭！如果大家口渴都可以叫嘢飲~
髮型師會首先幫大家check一check頭髮狀態，然後推薦大家整咩髮型。
洗完頭之後髮型師首先幫小編朋友剪咗頭髮，因為今次小編朋友想換一換形象，所以仲剪咗瀏海~
做hot perm之前首先要軟化頭髮角質，搽完之後等一陣，髮型師就會過嚟check一check，然後再上多一次，真係好細心！
髮型師話hot perm比起普通cold perm會更加持久，雖然會貴少少，但係可以keep得耐啲啊嘛！
捲好頭髮之後就會用機器加熱，如果覺得太熱記住要同職員講啊！
一開始大家可能會覺得太攣，不過等髮型師幫大家拉返好頭髮，再做埋中和之後就可以睇到原本想整嘅髮型！雖然成個過程都真係幾長吓，不過因為每張枱前面都有充電器，所以大家可以一邊玩電話一邊等。
最後洗+吹埋頭，再set一set個髮型就大功告成啦！由剪頭髮到電完頭髮大約用咗3個鐘頭，髮型師仲好貼心咁教咗小編朋友平時要點打理頭髮添！
呢個就係最終成果，比起之前個髮型真係輕薄咗好多~
呢度嘅化妝師同髮型師都經驗豐富，致力為每位客人提供客製化服務，小編同朋友都超滿足！如果想緊貼最新韓國潮流，體驗韓式妝髮服務，推薦大家嚟江南「SOONSOO（清潭總店）」！
江南「SOONSOO（清潭總店）」前往方法
以上係江南「SOONSOO（清潭總店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com