Hello，大家好，我哋係由韓國人每日提供最新韓國旅行資訊嘅Creatrip。
有無人好似小編咁鍾意玩密室逃脫！通常喺韓國如果唔識韓文都玩唔到，不過今次終於俾小編搵到一間可以用中文同英文玩嘅密室逃脫啦！
聖水「Realworld seongsu」資訊
- 地址：서울 성동구 연무장13길 8 메리히어 1~2F
- 營業時間：星期一至五 09:00 - 22:00、星期六至日 11:00 - 22:00（新年、中秋正日休息）
- 可預約時間：星期一至五 09:00 - 20:00、星期六至日 11:00 - 20:00
- 語言：韓文、中文、英文、日文
- 體驗所需時間：1.5小時
聖水「Realworld seongsu」推薦原因
- 「Realworld seongsu」係一個新概念密室逃脫空間，結合Cafe同多個夢幻又神秘嘅主題房，帶俾你一個全新體驗！
- 呢度係手機App「Realworld」嘅線下實體店，只要下載app就可以開始玩，解開各種謎題！
- 可以喺地下嗰層嘅Cafe飲嘢，亦都可以買到多款互動遊戲！
- 可以玩到一個以酒店為故事背景嘅密室逃脫遊戲，同時仲喺各個主題房影相打卡！
- App內提供中文、英文同日文服務，就算唔識韓文都可以玩得盡興！
聖水「Realworld seongsu」價錢
| 1人 （體驗券 + 1杯飲品） | [7折!] ₩21,000 (21000) |
聖水「Realworld seongsu」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
聖水「Realworld seongsu」注意事項
- 接受當日預約。
- 預約時請確保已選擇正確日期及時間。
- 提供中文、英文、日文服務。
- 請準時到達。
- 如希望加購其他商品，請喺現場支付所需金額。
- 如果想更改預約，或有任何問題，請send email到help@creatrip.com查詢。
聖水「Realworld seongsu」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 開始體驗！ |
聖水「Realworld seongsu」密室逃脫主題
| Unlocky! | |
| 難度 | 簡單 |
| 所需時間 | 1-1.5小時 |
| 語言 | 韓文、中文、英文、日文 |
| 故事背景 | Realworld seongsu係一間充滿活力嘅酒店，而我就係呢度毫無存在感嘅一個保安 最近酒店經常有嘢唔見或者俾人整爛，阿頭叫我哋要好好加強監視，搵出犯人 但其實... 我已經知道會搞成咁嘅幕後原因 |
聖水「Realworld seongsu」介紹
今日小編嚟「Realworld seongsu」呢個新概念遊戲空間，喺聖水站3號出口行5分鐘就到！呢度分成兩層，第一層係Cafe，而第二層就係體驗空間，跟小編一齊入去睇吓啦！
因為呢度個密室逃脫遊戲係以酒店為故事背景，所以成間鋪頭都裝修到好似酒店咁，就連Cafe都係！
透過Creatrip預約嘅朋友們去到之後首先要去Cafe出示預約憑證，然後就可以免費揀1杯飲品。呢度有為外國人準備英文Menu，大家唔洗擔心會睇唔明！叫完嘢飲之後職員就會俾張體驗券你，要有呢張飛先可以上2樓玩遊戲，所以記住要好好保管啦！
其中一個小編好鍾意嘅點係呢度會用可以循環再用嘅BPA FREE膠杯，飲完之後可以叫職員幫你洗乾淨，然後攞返屋企用！
大家攞完嘢飲之後可以喺Cafe稍作休息，亦都可以直接上去玩。
大家記住開始前要先download呢度嘅專用App，呢度有提供免費Wifi，大家只要search「Real World」就可以搵到㗎啦！Download完之後喺App入面打「Unlocky」，再輸入埋體驗券後面個編號就可以開始玩啦！
一開始可以直接坐喺度玩，呢度亦都有準備紙筆俾大家用~
喺Cafe隔離度門行出嚟會見到有樓梯同電梯，小編建議大家直接行樓梯會快啲XD
上一層就去到遊戲區，入去之後右邊有一個可以掛外套嘅衣架，亦都有可以充電嘅地方。
呢度係第一間主題房，入面有一張豎起嘅床，而且燈光都好夢幻同神秘，超特別！
每間房都會有QR Code，大家只要跟住指示scan就可以睇到下一條問題！小編自己本身都鍾意玩密室逃脫，如果要小編俾個貼士大家，建議大家要理解清楚故事背景，然後將自己當做呢個故事嘅主角，咁就可以更加輕鬆解謎！
因為每間房都係唔同主題，大家可以一邊玩一邊打卡影相，而呢間房張床可以話係其中一個必影嘅photo spot！
下一間房係泳池，同樣地只要Scan QR Code就可以睇到下一條問題，成功解開之後大家亦都可以打陣卡先XD 喺呢度影相就好似入咗水底咁！
跟住就會去到以賭場為主題嘅房，房嘅四方八面都係黑白格仔棋盤，地下仲有巨型嘅棋，打卡一流！
由賭場行去洗衣房嘅時候要通過一道鎖匙形狀嘅門，小編個人覺得呢度係成間鋪頭入面影相最靚嘅位！
呢間洗衣房勁似Idol MV入面嘅場景，大家仲可以對鏡自拍~
下一個空間係酒吧，呢度所有擺設都可能係解開謎團嘅提示，大家記住要睇得仔細啲！
小編因為諗錯方向，所以喺度用多咗時間XD
最後就去到展覽廳，每張相都有可能係逃脫嘅關鍵！（俾個小貼士大家，連天花板上面都有幾個相框㗎...！）
玩完出到嚟之後，大家可以喺Cafe度休息吓！呢度仲有一部最近韓國好hit嘅黑白收據相機，大家可以免費影，影完仲可以用顏色筆畫畫裝飾~
睇完小編嘅介紹，大家應該都會知道呢度同平時嘅密室逃脫超唔同！唔單止可以解題，仲可以四周圍影相打卡，真係好特別！如果大家會去聖水玩，推薦大家嚟「Realworld seongsu」玩返轉！
聖水「Realworld seongsu」前往方法
喺聖水站（성수역）3號出口出。
直行150米。
喺第三個路口轉右。
直行150米。
前面就係「Realworld seongsu」啦！
以上係聖水「Realworld seongsu」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
