弘大Personal Colour | VIVIDKANG 個人色彩診斷
弘大Personal Colour Test推薦！做完可以直接落街掃貨！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今次小編嚟到嘅Personal Colour中心位於弘大，除咗可以做test之餘仲可以體驗韓式化妝！
弘大「VIVIDKANG 個人色彩診斷」資訊
- 地址：서울 마포구 양화로 193 406호
- 營業時間：10:00 - 22:00
- 可預約時間：11:00、14:00、16:00
- 語言：韓文、中文、英文、日文
弘大「VIVIDKANG 個人色彩診斷」推薦原因
- 可以做Personal Colour Test嘅同時仲會推薦最啱你嘅化妝品俾你！
- 喺弘大入口站行3分鐘就到，交通方便！
- 提供中文、英文、日文翻譯，唔洗擔心會聽唔明！
- 唔單止可以做Personal Colour Test，仲可以體驗埋韓式化妝！
弘大「VIVIDKANG 個人色彩診斷」價錢
選項 | 價錢 |
1:1 個人色彩診斷 [<60分鐘] | ₩171,500 (171500) |
1:2 個人色彩診斷 [<90分鐘] | ₩307,500 (307500) |
1:1 個人色彩診斷 + 化妝 [<90分鐘] | ₩258,000 (258000) |
1:2 個人色彩診斷 + 化妝 [<150分鐘] | ₩465,000 (465000) |
※上述價錢包括翻譯費用。
弘大「VIVIDKANG 個人色彩診斷」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
弘大「VIVIDKANG 個人色彩診斷」注意事項
- 請最少喺3日前完成預約，你亦可以喺60日前進行預約。
- 體驗內容包括：
包括 翻譯、精密儀器皮膚檢測、膚色及色調診斷、髮色推薦、化妝品推薦、飾品推薦 唔包含 體型分析 - 請準確輸入所有相關資訊。
- 請務必準時到達。
- 如非參加體驗，隨行人士（家人、朋友等）唔可以一齊入去聽。
- 如遲到10分鐘或以上預約將自動取消，費用亦不設退還。
- 建議大家可以帶自己平時用開嘅化妝品，到時候專家會幫你睇適唔適合你。
- 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
- 如果想更改預約，或有任何疑問，請send email到help@creatrip.com查詢。
弘大「VIVIDKANG 個人色彩診斷」預約流程
| STEP 1. | |
| STEP 2. | 請詳細輸入所有相關資訊， 我哋會喺2個工作天內確認預約， 到時候會再次通知你預約到嘅時段。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
弘大「VIVIDKANG 個人色彩診斷」介紹
今日小編嚟到位於弘大嘅「VIVIDKANG 個人色彩診斷」，喺弘大入口站行3分鐘就到！
小編揀咗做「個人色彩診斷 + 化妝」呢個set，一開始要先填一份表，專家會根據你嘅回答進行診斷。
填完就會用一部機器做皮膚測試，專家會分別掃一掃兩邊臉同額頭，之後就可以睇到自己皮膚明亮度、黃色調同紅色調嘅準確數據，透過數字瞭解自己皮膚嘅顔色。
然後就會去另一個位睇吓你嘅眼珠同頭髮顔色，透過用各種顔色卡做對比，可以搵出實際嘅顔色，真係好神奇！
跟住就正式開始做personal colour test，專家就會幫大家用白布遮住頭髮同上身衫，因為咁做結果會更加準確！
一開始會放幾塊結合幾款同色調顔色嘅布上身，大約睇吓你最襯咩色調。
然後就會分別比較各種顔色，見到五官同臉型會根據顔色而出現變化，小編都真係嚇咗一跳XD
呢幾隻顔色係小編嘅best colour，真係會令小編五官同臉型睇落更加明確同自然，臉色都會紅潤啲！
專家仲會推薦埋髮色俾大家，如果之後想去染頭髮都可以參考吓。
體驗當日大家可以帶啲平時會用嘅化妝品，專家會幫大家睇到底啱唔啱你，再俾啲建議大家，下次去買化妝品就唔怕會中伏啦！
然後就到推薦粉底同眼影嘅時間啦，終於俾小編搵到最啱自己嘅色號！專家仲會幫大家用呢幾款化妝品化妝，大家可以直接睇到效果~
除此之外專家仲會推薦埋唇膏俾大家，小編都有影低，下次就可以去買新化妝品啦XD
最特別嘅係呢度仲會推薦埋香水，襯返你個形象！
最後專家會幫你整理一次，令結果一目瞭然。
做完測試之後專家會俾張顔色卡大家，上面全部都係最襯你嘅顔色，之後買衫買化妝品都可以用嚟參考，好方便！
今日呢個Personal Colour Test小編覺得好有參考價值，以後無論係買衫、化妝品，定去染頭髮，都終於唔洗咁頭痕！
弘大「VIVIDKANG 個人色彩診斷」前往方法
喺弘大入口站（홍대입구역）3號出口出。
向出口反方向行。
轉左。
直行。
繼續直行。
喺第二棟大廈轉左。
行入上圖呢棟大廈。
行上樓梯。
喺4樓轉右。
直行。
406室就係「VIVIDKANG 個人色彩診斷」啦！
以上係弘大「VIVIDKANG 個人色彩診斷」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
