首爾/釜山Personal Colour | 韓國時尚心理研究院
做完Personal Colour仲有專業化妝師幫你化妝！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今次小編嚟到嘅Personal Colour中心由最基本到最詳盡嘅個人色彩診斷都有，大家可以根據個人需求去揀！
呢度仲有Personal Colour教育課程👇🏻
首爾/釜山「韓國時尚心理研究院」資訊
清潭總店
- 地址：서울 강남구 선릉로 840 로데오빌딩 4F
- 營業時間：10:00 - 19:00
- 可預約時間：10:00 / 11:00 / 12:00 / 14:00 / 15:00 / 16:00
- 語言：韓文、中文、英文
釜山店
- 地點：부산 수영구 남천바다로10번길 19 다원빌딩 2F
- 營業時間：10:00-19:00
- 可預約時間：10:00 / 11:00 / 12:00 / 14:00 / 15:00 / 16:00
- 語言：韓文、中文、英文、日文
首爾/釜山「韓國時尚心理研究院」推薦原因
- 可以做Personal Colour Test嘅同時仲會推薦最啱你嘅化妝品俾你！
- 分店分別位於狎鷗亭羅德奧同釜山廣安里附近，交通夠方便！
- 中心規模大，有各種專利之餘仲攞過唔少獎！
- 提供翻譯服務，唔需要擔心溝通唔到！
- 除咗可以知道自己屬於咩tone，仲有機會俾專家幫你化返個韓式日常妝！
- 有唔少韓國人氣明星同運動選手都有嚟過做Personal Colour Test！
📺參考影片：SF9 DAWON & HWIYOUNG、Forestella、Dal★Shabet SERRI、棒球選手宋勝準&李帶溵、Arirang TV、THE NORTH FACE KOREA
首爾/釜山「韓國時尚心理研究院」價錢
清潭總店
Personal Colour診斷(包翻譯)
選項 | 價錢 |
1:1 基本Personal Colour診斷 (60分鐘) | ₩230,000 (230000) |
1:2 基本Personal Colour診斷 (80分鐘) | ₩440,000 (440000) |
1:1 特別Personal Colour診斷 (60分鐘) | ₩260,000 (260000) |
1:2 特別Personal Colour診斷 (90分鐘) | ₩500,000 (500000) |
1:1 高級Personal Colour診斷 (90分鐘) | ₩300,000 (300000) |
1:2 高級Personal Colour診斷 (150分鐘) | ₩580,000 (580000) |
化妝體驗/化妝班
1:1化妝班 [包翻譯、90分鐘] | ₩310,000 (310000) |
1:2化妝班 [包翻譯、150分鐘] | ₩600,000 (600000) |
日常韓妝&美髮體驗 [不含翻譯、90分鐘] | ₩150,000 (150000) |
日常韓妝&美髮體驗 [包翻譯、90分鐘] | ₩230,000 (230000) |
釜山店
選項 | 價錢 |
1:1 基本Personal Colour診斷 (60分鐘) | ₩190,000 (190000) |
1:2 基本Personal Colour診斷 (80分鐘) | ₩360,000 (360000) |
1:1 特別Personal Colour診斷 (60分鐘) | ₩220,000 (220000) |
1:2 特別Personal Colour診斷 (90分鐘) | ₩420,000 (420000) |
1:1 高級Personal Colour診斷 (90分鐘) | ₩300,000 (300000) |
1:2 高級Personal Colour診斷 (150分鐘) | ₩580,000 (580000) |
※上述價錢包括中文/英文/日文翻譯
首爾/釜山「韓國時尚心理研究院」退款政策
| 預約後至出發3日前取消 | 全額退款 |
| 出發2日前取消 | 不設退款 |
首爾/釜山「韓國時尚心理研究院」注意事項
- 請最少喺3日前完成預約，你亦可以喺60日前進行預約。
- 體驗內容包括：
基本 翻譯、膚色及色調診斷、髮色推薦、飾品推薦、粉底/唇妝推薦 特別 翻譯、膚色及色調診斷、髮色推薦、飾品推薦、粉底/唇妝/胭脂/眼影推薦 高級 翻譯、膚色及色調診斷、髮色推薦、飾品推薦、粉底/唇妝/胭脂/眼影推薦、韓式日常妝教學 唔包括 體型分析 - 請務必準時到達。
- 如非參加體驗，隨行人士（家人、朋友等）唔可以一齊入去聽。
- 如遲到10分鐘或以上將會當做No-show，預約將自動取消。
- 建議大家可以帶自己平時用開嘅化妝品，到時候專家會幫你睇適唔適合你。
- 請準確輸入所有相關資訊。
- 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
- 如果想更改預約，或有任何疑問，請send email到help@creatrip.com查詢。
首爾/釜山「韓國時尚心理研究院」預約流程
- 請確保已選擇正確選項，並詳細輸入所有相關資訊及付款
- 我哋會喺1-2個工作天內確認預約，如果需要更改日期/時間我哋會另外通知你
- 體驗當日請提早15分鐘到達，向職員出示預約記錄
- 開始體驗！
首爾/釜山「韓國時尚心理研究院」介紹
今日小編嚟到位於狎鷗亭羅德奧嘅「韓國時尚心理研究院」清潭總店，因為交通方便，所以大家要嚟都好方便！
一入到去就會見到一排獎狀同專利證書，令人信賴度大增！
*上述所有相片均為中心提供
另外仲有好多KOL同明星都有去過做Personal Colour Test，令小編都好期待！
裝修以白色為主調，令整體睇落更加闊落！
今日小編會做「高級Personal Colour診斷」，正式開始之前如果大家好似小編咁有化妝，咁就要先去卸妝啦！有好多Personal Colour中心都唔會另外為客人準備卸妝地方同用品，不過呢度就所有product都有齊，非常方便。
洗完臉之後就會用呢部機做皮膚測試，專家會分別掃一掃兩邊臉同額頭，之後就可以睇到自己皮膚明亮度、黃色調同紅色調嘅準確數據，透過數字瞭解自己皮膚嘅顔色。
跟住就會入正式入諮詢室做Personal Colour測試啦！為呢度係專業研究色彩嘅地方，所以比起其他Personal Colour中心有更加多同顔色有關嘅道具同product。
呢度有為客人準備一系列嘅顔色卡仔，大家可以透過同自己嘅皮膚、頭髮同眼珠顔色比較，搵出準確顔色。
跟住專家就會幫大家用白布遮住頭髮同上身衫，因為咁做結果會更加準確！之後就放上各種顔色嘅布，check吓大家屬於咩色調。
專家仲會幫大家揀最襯同最唔襯嘅顔色，大家睇上面呢兩張相就知道真係差好遠！通常啱自己嘅顔色會令自己五官同臉型睇落更加明確同自然，而唔啱自己嘅顔色就會睇落好暗沉或者太跳tone。
經過分析之後，專家話spring clear tone嘅小編最啱呢幾隻顔色！
專家仲會教大家應該要點襯衫，好似小編咁上下身衫顏色對比比較大嘅話會更加好，另外如果要著外套就入面要著神色衫，外面著淺+sharp少少嘅外套，咁樣睇落會更加有精神！
另外仲會推薦飾物顏色，因為小編係warm tone，所以比起銀色會更加襯玫瑰金同金色。
專家仲會推薦埋髮色俾大家，如果之後想去染頭髮都可以參考吓。
相信大家最期待以下呢個環節！體驗當日大家可以帶啲平時會用嘅化妝品，專家會幫大家睇到底啱唔啱你，再俾啲建議大家，下次去買化妝品就唔怕會中伏啦！
然後就到推薦粉底嘅時間啦！小編平時用開嘅粉底太白，但係又搵唔到啱嘅顔色，不過好彩有專家推薦，終於俾小編搵到最啱自己嘅粉底色號啦！大家仲可以直接搽上臉睇效果~
除咗粉底，專家仲會推薦埋胭脂、眼影同唇膏俾大家，小編都有抄低notes，下次就可以去買新化妝品啦XD
最後專家仲推薦埋香水俾小編添！每款Personal Colour都俾人一種唔同嘅感覺，專家會按照你嘅色調，推薦幾款香水俾你！
做完測試之後專家會俾張顔色卡大家，上面全部都係最襯你嘅顔色，之後買衫買化妝品都可以用嚟參考，好方便！
小編因為今日係做「高級Personal Colour診斷」，所以仲會有專業化妝師幫小編化返個韓式日常妝，真係好令人期待！
化妝房好大好闊落，放滿超多化妝品，入到去更加會有專門幫大家化妝嘅專業化妝師等緊大家！
化妝前化妝師首先會幫你搽保濕，然後再上粉底，因為係用返頭先推薦過嘅product，大家可以睇到整體效果係點，仲可以偷師添！
然後就會搽睫毛液同眼影，如果大家滿意呢個色嘅話，建議大家可以問化妝師用咗咩色號，化妝師都會一一解答大家嘅問題，之後自己化妝就可以跟住用啦！
最後化埋眉毛、搽埋highlight同唇膏就大功告成啦！呢個妝比起小編平時自己化嘅妝更加精緻，睇落更加有活力，小編都成功偷到師，以後應該都會用呢個方法化日常妝！
完成成個診斷之後，專家會send一個PDF俾大家，內容好詳細，大家可以隨時打開呢個file參考！
首爾/釜山「韓國時尚心理研究院」前往方法
清潭總店
狎鷗亭羅德奧站（압구정로데오역）4號出口出。
向出口反方向行20米。
你會見到呢棟大廈喺你右邊。
行上4樓。
咁就去到「韓國時尚心理研究院」清潭總店啦！
釜山店
以上係「韓國時尚心理研究院」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com