弘大Personal Colour | COLORGA SANDA

Hello，大家好，我哋係由韓國人每日提供最新韓國旅行資訊嘅Creatrip。

韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今次小編嚟到嘅Personal Colour中心喺平時大家都會去嘅弘大就有分店，仲有中文、英文、日文翻譯服務！

撳我睇預約詳情👇🏻

弘大「COLORGA SANDA」資訊

• 地址：서울시 마포구 동교동 154-23번지 B1F
• 營業時間：11:00 - 21:30
• 語言：韓文、中文、英文、日文

弘大「COLORGA SANDA」推薦原因

• 搵出同自己最夾嘅顔色，令成個人睇落更加精神！
• 除咗Personal Colour，亦都有提供體型分析，大家可以知道邊款版型嘅衫最啱自己！
• 提供中文、英文、日文翻譯服務，唔洗怕聽唔明！
• 位於弘大入口站附近，地理位置夠曬方便！

弘大「COLORGA SANDA」價錢

※上述價錢包括翻譯費用。

弘大「COLORGA SANDA」退款政策

弘大「COLORGA SANDA」注意事項

• 請最少喺3日前完成預約。
• 體驗內容包括：
  
  

  包括	中文翻譯、膚色與色調診斷、髮色推薦、化妝品推薦、飾品推薦、體型分析
  唔包括	化妝教學

  
  
• 如非參加體驗，隨行人士（家人、朋友等）唔可以一齊入去聽。
• 如遲到10分鐘或以上將會當做No-show，預約將自動取消。
• 建議大家可以帶自己平時用開嘅化妝品，到時候專家會幫你睇適唔適合你。
• 戴有色隱形眼鏡嘅話會影響結果準確度，如有需要請自行準備con盒。
• 做體型分析嘅時候請儘量唔好著太厚嘅衫。
• 請準確輸入所有相關資訊。
• 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
• 如果想更改預約，或有任何疑問，請send email到help@creatrip.com查詢。

弘大「COLORGA SANDA」預約流程

弘大「COLORGA SANDA」介紹

小編今日嚟到「COLORGA SANDA」弘大東橋店做Personal Colour Test！呢間個人色彩診斷中心喺弘大入口站行2分鐘就到，好容易搵到！

鋪頭環境闊落，裝修以白色為主調，俾人一種好開揚嘅感覺！

開始之前首先要填一份問卷，入面大概會問你覺得自己會係咩色調、平時鍾意著咩色衫等等，然後專家就會向大家簡單解釋咩叫Personal Colour。

之後就會正式開始！為咗令結果更加準確，專家會首先幫大家用白色布包住個頭。然後就會喺你身上放各種顔色嘅布去做比較。就算係同一個色系，根據顔色嘅暖冷程度，呈現出嚟嘅效果都真係好唔同，連臉型都睇落會有啲分別！

專家亦都會話俾你知邊幾隻顔色最襯你同最唔襯你，以後去買衫就可以參考吓啦！

小編原來係Summer Light Tone，專家推薦小編著多啲Pastel Tone嘅衫，望落會更加有活力！

相信大家最期待以下呢個環節！體驗當日大家可以帶啲平時會用嘅化妝品，專家會幫大家睇到底啱唔啱你，再俾啲建議大家，下次去買化妝品就唔怕會中伏啦！

專家亦都會推薦幾款唇膏俾大家，大家可以即場試色，如果鍾意嘅話記住記低個色號啦！

專家推薦俾小編嘅顔色全部都唔係小編平時用開嘅顔色，所以都真係幾surprise吓。最後嘅診斷書入面仲會推薦啱你嘅髮色同飾物顔色，小編做完test之後都有參考呢個結果去掃貨XD

「COLORGA SANDA」個人色彩診斷服務最令人心動嘅一個部份係會有埋體型同臉型分析！專家會叫大家企喺一塊全身鏡前面，然後幫大家睇膊頭、腰、骨盆同腿長等等。分析埋你嘅臉型之後就會推薦啱你嘅髮型同衫嘅版型，小編真係覺得今次獲益良多！

成個過程大約1個鐘頭就會完成，不過真係學到好多嘢！如果大家都想知道自己嘅Personal Colour同體型，非常推薦大家嚟「COLORGA SANDA」！

弘大「COLORGA SANDA」前往方法

撳我預約👇🏻

以上係弘大「COLORGA SANDA」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面 

Mail：help@creatrip.com