Hello，大家好，我哋係由韓國人每日提供最新韓國旅行資訊嘅Creatrip。
相信唔少朋友嚟韓國都會想試食韓牛，而今日小編就去咗一間提供高級韓牛course menu嘅餐廳，一齊去睇吓有咩食啦！
江南「MODOWOO（江南N店）」資訊
- 地址：서울 강남구 테헤란로 129 강남N타워 B2F
- 營業時間：11:30 - 22:00（Break Time 15:00 - 17:00、Last Order 21:00）
- 可預約時間：11:30 / 12:00 / 12:30 / 13:00 / 17:00 / 17:30 / 18:00 / 18:30 / 19:00 / 19:30 / 20:00
- 語言：韓文、簡單英文
江南「MODOWOO（江南N店）」推薦原因
- 可以食到高質韓牛SHABU-SHABU同烤肉！
- 每組客人一間房，可以體驗韓國美食之餘更加可以享受私人時光！
- 有多款Set Menu任君選擇，由前菜到甜品都非常多樣化！
- 有多款紅酒、白酒可供選擇，大家可以根據自己口味揀，亦都可以叫職員推薦！
- 位於驛三站附近，食飯前/後可以去江南行街！
江南「MODOWOO（江南N店）」價錢
選項 | 價錢 | 包括 |
Lunch Set A | ₩26,500/人 | 冷盤、4款前菜、1++級熟成韓牛SHABU-SHABU、刀削麵、甜品 [唔可以升級成韓牛烤肉] |
Lunch Set B | ₩36,500/人 | 冷盤、4款前菜、炸物、1++級熟成韓牛SHABU-SHABU、刀削麵、甜品 |
Lunch Set C | ₩56,500/人 | 冷盤、4款前菜、涼菜、炸物、1++熟成韓牛烤肉、韓牛海帶湯、甜品 |
Lunch Signature Set | ₩76,500/人 | 冷盤、4款前菜、涼菜、炸物、四季、1++熟成韓牛烤肉、韓牛海帶湯、甜品 |
Dinner Set A | ₩96,500/人 | 3款餐前小食、涼拌、4款前菜、四季、1++級熟成韓牛SHABU-SHABU、刀削麵、甜品 |
Dinner Set B | ₩106,500/人 | 3款餐前小食、一口料理、4款前菜、四季、最高級熟成韓牛烤肉、韓牛海帶湯、甜品 |
Dinner Signature Set | ₩126,500/人 | 3款餐前小食、一口料理、涼拌、4款前菜、四季、雪夜覓炙、1++級熟成韓牛SHABU-SHABU、刀削麵、甜品 |
※全部Menu最少要叫2人份。
※每人加₩9,000可以加1份韓牛肉乾釜飯。
※每人加₩10,000可以將韓牛SHABU-SHABU升級成韓牛烤肉。
江南「MODOWOO（江南N店）」退款政策
| 預約後至到訪4日前取消 | 全額退款 |
| 到訪3日前取消 | 不設退款 |
江南「MODOWOO（江南N店）」注意事項
- 請最少喺3日前完成預約。
- 請務必準時到達。
- 如希望加購其他餐點，請喺現場支付所需金額。
- 可以帶除咗燒酒同啤酒之外嘅酒精飲品，一開始會免費提供酒杯。
- Last Order時間係用餐時段結束前1小時。
- 預約時請確保已選擇正確日期及時間。
- 遲到超過10分鐘預約會自動取消。
- 如果想更改預約，或者有任何問題，請send email到help@creatrip.com查詢。
江南「MODOWOO（江南N店）」預約流程
| STEP 1. | |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
江南「MODOWOO（江南N店）」介紹
今日小編嚟到位於驛三站附近嘅「MODOWOO」江南N店，原來「MODOWOO（모도우）」喺韓文係“完美無瑕嘅人”嘅意思，代表呢間餐廳只會提供完美嘅韓牛美食俾所有客人！
餐廳裝修充滿韓國傳統元素，俾人一種高級嘅感覺。呢度比較特別嘅全部枱都喺獨立1間房入面，無論係要開會定同家人朋友聚會都非常唔錯！
呢度Lunch同Dinner嘅menu都唔同，小編同朋友就叫咗Dinner Signature Set，再額外加咗錢將SAHBU-SHABU升級做韓牛烤肉。
首先係餐前小食，包括有韓式糯米飯、糯米紫菜脆片同芝士柿乾。小編就最鍾意芝士柿乾，口感好之餘味道都比想像中夾！
跟住就係呢碟鮮蝦帶子配蘋果啫喱同柑橘醬，酸酸甜甜超開胃！
然後就係呢款用翠玉瓜、豆腐、野菜、魷魚、梨同花生醬整成嘅凍食菜式，小編第一次見到呢種組合，不過味道完全唔會怪，反而又真係幾好食！
之後就係4款前菜，一上菜小編都忍唔住感嘆咗一聲，因為擺盤真係好靚！入面包括南瓜湯、蝦煎餅、一口生牛肉同芝麻年糕，職員話要跟住呢個順序食先可以食到每一款嘅原汁原味。
下一碟係煎魚配燉蘿蔔同羅勒醬大麥燉飯，因為唔係用普通米整，所以燉飯口感好特別！
然後就係潭陽式煎肉餅配溫泉蛋、牛蒡同蘆筍，食嘅時候先篤開溫泉蛋，然後點嚟食。因為肉餅本身比較濃味，配埋溫泉蛋可以中和返個鹹度。
上主菜之前職員會先上幾款小菜，淨係泡菜都有三款！烤盤中間亦都有燈籠椒同橄欖，可以燒嚟配肉一齊食。而醬汁係芥末籽醬+橄欖油，呢個配搭小編都係第一次試，酸酸地幾唔錯！
上菜嘅時候牛肉會係大約三成熟，雖然因為係1++等級嘅高級韓牛所以可以直接食，不過職員推薦大家根據自己鍾意嘅生熟程度再燒熟少少食！職員一開頭會幫大家燒一塊肉同芝士，香濃芝士味同韓牛比想像中match~ 大家可以配埋芥末籽醬、Wasabi同辣拌葱絲食去解膩。
食緊燒肉嘅時候職員會上埋韓牛海帶湯同飯，海帶湯味道濃郁，仲有好多韓牛肉，超送飯！
每個人都會有自己一個鐵夾可以慢慢燒，睇落分量唔多但食到最後都幾飽吓XD
最後甜品係綠茶紅豆雪糕三明治同水果，為呢餐畫上一個完美句號！
呢度每一道菜都係將傳統韓國料理以現代方式重新呈現出嚟，小編覺得全部都好有創意又特別，重點係全部都好好食！如果大家都想食返餐特別嘅韓國菜，又想同家人、朋友或者另一半享受私人時光，推薦大家嚟「MODOWOO」江南N店！
江南「MODOWOO（江南N店）」前往方法
以上係江南「MODOWOO（江南N店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
