Hello，大家好，我哋係由韓國人每日提供最新韓國旅行資訊嘅Creatrip。
唔知大家讀書嘅時候，會唔會經常去食學餐呢～？
好多人都對市立大學嘅學餐評價唔錯，所以今日要帶大家一齊去探訪市立大學嘅學生飯堂！
首爾市立大學嘅學餐總共有4間，分別喺學生會館（1樓同2樓），自然科學館同本館。而我哋今日要探訪嘅就係位於學生會館同自然科學館裡面嘅學生飯堂！
1. 學生會館
營業時間：午餐時間：11:00~14:00，晚餐：17:00~18:30
價格：₩2000 ~ ₩5000不等
學生會館1樓入口
入去之後先去學生食堂入口嘅右手邊嘅機器點餐同埋攞餐券
午餐時間人比想像中多。11點半剛開門就已經有人喺點餐機前面排隊，到12點午餐時間，隊伍排得好長。
ps:市立大學嘅學餐需要刷學生證先可以點餐（實體學生證或者數碼學生證都得）
呢度嘅學餐總共分為五區，A到E區，有泡麵、蓋飯類，都有一般嘅韓式餐點。
泡麵價錢大約落喺2000～2800韓元之間，蓋飯類大約係3800韓元左右。
攞到餐券入去之後去左手邊嘅櫃檯排隊領取餐點。
今日點咗蓋飯類，睇餐券寫係B區，所以我哋就去B區排隊。
小編點咗火腿美乃滋蓋飯（햄마요덮밥）
阿姨哋會先幫你將料裝到碗裡，再去旁邊按照自己嘅食量盛白飯。
旁邊仲有泡菜、小菜同湯都係自助。
這天小編盛嘅飯偏少，個人覺得料同醬都幾鹹嘅，感覺白飯可以盛多啲拌起嚟先會好啲。
睇大部分學生哋話雞肉美乃滋蓋飯係最好食嘅。我哋去嘅時候，呢道菜亦都係相當早就賣完嘅餐點。
另外，學餐嘅冷麵都好有名。唔止好食，價錢都只要2000韓元，所以好受學生哋嘅歡迎。
學生會館2樓 아느칸食堂
營業時間：11:30 - 14:00 只營業午餐時間
價格：₩6000
2樓嘅아느칸主要係賣西式同日式餐點，意大利麵、炸豬排、沙律等。但係我哋呢日去剛好撞到아느칸喺內部整修。
菜單每日都唔一樣，炸豬排好似係每日都有嘅，牛扒類嘅嘢基本上好快就賣晒咗，想食牛扒嘅人可能要早啲去～
呢度甚至仲有提供Brunch，都係6000元韓幣，睇其他人嘅分享，唔單止有蔬菜沙律、香腸同薯蓉，甚至仲有濃湯同鬆餅，睇落好豐富，性價比都好高。
2. 自然科學館
營業時間：午餐時間：11:30 - 14:00，晚餐時間：17:30 - 18:30
價格：₩6000
由學生會堂出嚟，再經過大講堂之後，就可以見到自然科學館。（可以認係個圓柱形嘅建築）
自然科學館嘅一樓都有一間學生餐廳，根據市立大學嘅學生嘅評價，呢度嘅學生餐廳係最好食嘅！
同之前一樣，先喺入口前嘅機器點完餐、攞餐券之後，再由左手邊嘅入口入去攞餐。
呢度相對嚟講冇之前學生會堂嘅學生餐廳咁長龍，係唔係因為價錢稍微貴咗少少呢！？
呢度嘅菜單只有一樣可以揀，但每日嘅菜色都會唔同。
今日嘅菜單係忠武飯卷（喺海苔上面放上飯，再配埋辣魷魚同辣蘿蔔一齊食）
入口仲放咗當日菜色嘅模型畀大家睇，做得好真實。
攞住餐券入去攞餐嘛，喺入口處攞碟之後再將餐券放喺櫃檯上。
接著到旁邊按自己嘅食量自助夾菜
呢日除咗海苔係食堂阿姨畀嘅之外，其他菜同白飯、湯全部都係自己盛。
我覺得呢度嘅菜色好多樣，有肉都有菜，仲有炒高麗菜！（韓國比較少食到嘅）小菜都好多樣化，感覺好營養均衡。
比起學生會館裡嘅學餐，6000韓元雖然有啲貴，但可能因為好似屋企嘅菜，大部分嘅學生都對呢度嘅餐點畀好高嘅評價。
市立大學 app: myUOS
想提前睇市立大學餐嘅當日菜單嘅朋友，有兩種方法，一個係去市立大學官網確認，一個係喺市立大學嘅app上都可以睇到。
喺app上確認學生食堂菜單嘅方法：
呢個應用程式可以查看每個學生餐廳嘅每日菜單。
喺app上確認學生食堂菜單嘅方法：삭단정보 → 揀學餐
學生會館1樓學生食堂嘅菜單
泡麵區同蓋飯區嘅菜單係固定嘅之外，其他區嘅菜單基本上每日都會變。
自然科學館一樓學生餐廳嘅菜單
自然科學館嘅菜單只有一項，但菜色基本上都係每日都唔同。
以上就係我哋喺首爾市立大學嘅學餐探訪記
希望畀正在好奇首爾市立大學校園生活嘅朋友一個參考，噉我哋下次見喇！
探訪日期：2023/09
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
