Hello，大家好，我哋係由韓國人每日提供最新韓國旅行資訊嘅Creatrip。

今日我哋嚟到位於東大門區嘅「首爾市立大學」

同其他學校嘅語學堂相比，市立大學語學堂嘅優勢係學費相對嚟講比其他學校仲平，學校嘅位置又位於首爾，因此受到唔少外國學生嘅歡迎。

但各位想必喺申請市立大學語學堂前，一定都好好奇市立大學嘅校園係點樣嘅啦！今日就跟住小編一齊探訪首爾市立大學嘅校園啦！

入口處嘅市大塔

首爾市立大學校園嘅外部同內部冇特別區分嘅圍牆或門。

但正門處有一座名為「市大塔」嘅雕塑，見到呢個「人」字標誌嘅時候，就可以知道由呢度開始就係首爾市立大學。

市大塔嘅「ㅅ」象徵著向前邁進「人」嘅形象，背後都同時具有「開放嘅大學」嘅意義。

進入學校後，喺右手邊即刻可以見到嘅市立大學嘅標誌。

鐘樓塔

전농관(典農館)

由正門右手邊一入去，經過鐘樓之後，最先見到嘅白色建築物係전농관(典農館)。

語學堂嘅教室都喺呢棟樓入面！

典農館樓層指南

語學堂嘅教室同辦公室都位於呢棟嘅三樓

樓梯間亦有貼外國學生要辦理入學手續嘅話請往三樓走嘅標誌。

語學堂嘅教室同走廊

我哋經過典農館之後再向左邊行多少步

同門塔與大學本部

就可以見到大學本部

大學本部嘅建築物前面有個市立大學嘅代表「同門塔」，上面豎立住首爾市立大學嘅象徵動物「장산곶매」

大學校本部一樓的左邊有友利銀行。

同其他大學嘅校園相比，市立大學真係相對嚟講都係平地。真羨慕平地校園嘅學生，行路真係好方便~

去過其他大學參觀嘅各位，應該都知道首爾好多大學校園都係山坡地啦。

但係市立大學校園嘅最大特點都係優點，就係大部分嘅校園都係平地。學校佔地好寬廣，所以市立大學仲有自己嘅別名叫做「首爾市立大公園」。

行到呢度見到個池塘之後，左邊有段斜路。

稍微沿住斜路行上去，再爬左手邊嘅樓梯，就可以見到中央圖書館。

喺圖書館嘅樓梯前面可以俯瞰池塘。

個池塘嘅規模好大，仲喺中間竟然有條橋。

感覺呢度喺春天或者秋天一定好靚。

繼續沿著剛才嗰條斜坡向上行，就可以見到後面嘅兩幢宿舍。分別係國際學舍同生活館。

國際學舍

生活館

當我哋見到國際學舍同生活館嗰陣，我哋已經差唔多到咗首爾市立大學嘅尾端，亦即係學校嘅後門。

仲要再爬一段斜路先至到得生活館

住宿舍嘅同學哋就當作係每日必備嘅運動量啦！辛苦嗮！

生活館一樓嘅出入口（需要刷卡出入）

返到圖書館之後，我哋沿住個池塘向右邊行。

就可以見到外表好有氣派嘅音樂館。前面有個鋪滿草地嘅戶外表演場，可以話好配合音樂館嘅佈置。

另一個角度睇過去嘅音樂館。

唔得唔講，戶外表演場嘅設計真係好靚。

等天氣涼啲，喺呢度邊野餐邊聽表演，應該會係一大享受！

經過音樂館同埋戶外表演場，沿住湖邊向下行，就會見到人文學館。

等我哋再經過人文學館之後，就可以見到後面嘅學生會館。

喺學生會館嘅一樓同二樓分別有兩間學生食堂，一樓係賣韓式料理嘅學生食堂，二樓則係以西式為主嘅아느칸。

學生會館旁邊嘅大講堂

經過大講堂之後，再向前行就可以見到自然科學館。呢度嘅一樓都有學生飯堂。

자작마루

向自然科學館嘅右邊行，沿住樓梯上去會發現個叫「자작마루」嘅建築物。

佢有長時間嘅歷史，係首爾市嘅未來文化遺產。

等我哋經過자작마루之後，再向旁邊行少少，可以見到外觀好氣派又華麗嘅法學館。

到呢度已經差唔多繞完學校一個大圈。

總體嚟講，市立大學嘅校園好乾淨，而且好易搵到建築物。

校園裡面有一半係舊日嘅建築，一半係現代嘅建築物。新建嘅建築物幾乎全部都係乾淨利落又簡潔嘅設計風格。

以上就係我哋喺首爾市立大學嘅校園探訪。

希望可以畀對首爾市立大學校園環境好奇嘅朋友一個參考，咁我哋下次見啦！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com

Application error: a client-side exception has occurred (see the browser console for more information).