Hello，大家好，我哋係由韓國人每日提供最新韓國旅行資訊嘅Creatrip。
Kpop風靡全球，影響力相當之大，唔少人都會抱住追夢嘅心嚟韓國成為練習生，希望可以喺韓國出道，今日小編就整理咗一啲曾經喺韓國參加過，或者參加緊韓國選秀節目嘅香港人，唔知大家有冇撐佢哋呢？
參加韓國選秀節目嘅香港人
1. 吳思佳
吳思佳本身就係中韓混血兒，去韓國參加選秀節目《Produce 101》之前，曾經係香港歌唱組合As One成員，不過佢為咗挑戰自己，隻身飛到韓國去參選。佢甜美嘅笑容令唔少導師都好鍾意佢，不過好可惜佢最後名次係23位，未能成為I.O.I成員出道。
2. 何思澄
何思澄係香港舞團Caution Dance Crew成員之一，當初佢喺《Girls Planet 999》著住Sailor Moon美少女戰士嘅衫自我介紹時，相當吸睛！
3. 潘穎芝
潘穎芝係Echo Dance HK成員之一，由7歲開始開始已經跳Kpop Cover舞，參選《Girls Planet 999》之前都略有人氣！
4. 梁卓瀅
喺《Girls Planet 999》 開播之前，佢喺C組人氣已經成功拎第3名，因為外表甜美，加上韓文實力相當唔錯，令唔少韓國人都大讚！之前小編睇佢自我介紹嘅時候有講過之前做過Marketing，唔知有冇興趣成為Creatrip香港小編一份子呢？
5. Ricky
《FANPICK》係MBC最近開嘅選秀節目，早幾日（30/8）正式開播！當時小編搵資料嘅時候咁啱發現佢係香港人，佢一開頭自稱自己係「可愛狗仔」（귀여운 강아지），唔少評審都大讚佢可愛，而且好有魅力！
以上5位都係喺韓國參加緊/參加過選秀節目嘅香港人，唔知大家又會撐返自己友呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
