弘大汗蒸幕 | 弘大24小時火爐桑拿
想體驗韓國汗蒸幕文化？弘大入口站附近就有間！
Hello，大家好，我哋係由韓國人每日提供最新韓國旅行資訊嘅Creatrip。
平時睇韓劇都會見到男女主角去汗蒸幕，相信唔少朋友們都會想體驗吓！今日就等小編介紹一間位於弘大嘅汗蒸幕俾大家啦！
「弘大24小時火爐桑拿」資訊
- 地址：서울 서대문구 신촌로 1 쓰리알유시티 상가 B2F
- 營業時間：24小時
- 語言：韓文、中文、英文
「弘大24小時火爐桑拿」推薦原因
- 可以百分百體驗韓國汗蒸幕文化，就好似入咗韓劇咁！
- 24小時開放，如果未夠鐘check-in住宿都可以暫時喺度休息！
- 位於弘大入口站附近，交通夠方便之餘仲可以去附近行街！
- 有一間可以促進血液循環、改善手腳冰冷同達至排毒效果嘅量子治癒房，有助增強免疫力！
- 透過Creatrip預約仲可以平₩1,000！
「弘大24小時火爐桑拿」價錢
| 日間 (06:30-21:00) | 星期一至四 | 小童 | ₩10,000 (10000) |
| 成人 | ₩11,000 (11000) | ||
| 星期五至日、公眾假期 | 小童 | ₩11,000 (11000) | |
| 成人 | ₩13,000 (13000) | ||
| 夜間 (21:00-06:30) | 星期一至四 | 1人 | ₩14,000 (14000) |
| 星期五至日、公眾假期 | 1人 | ₩16,000 (16000) |
※小童：7歲或以下、成人：8歲或以上
※夜間入場券大小同價
※價錢包括入場券同汗蒸幕衫
「弘大24小時火爐桑拿」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
「弘大24小時火爐桑拿」注意事項
- 接受當日預約（恕不設退款），你亦可以喺60日前進行預約。
- 價錢包括入場券、汗蒸幕衫。
- 如希望加購其他服務，請喺現場支付所需金額。
- 預約時請確保已選擇正確日期及時間及已填寫所需資料。
- 週末會比較多人，預約前請參考。
- 過量飲酒後可能會被禁止入場。
- 如果本身買咗日間入場券，但係夜間入場時間先去嘅話，需要喺現場額外支付費用。
- 逗留超過12小時需要額外支付費用。
- 大家需要自備洗頭水同護髮素，或者亦可以喺現場買。
- 建議大家將貴重物品交俾櫃枱職員保管，所有因個人疏忽而導致嘅財物損失「弘大24小時火爐桑拿」將一概不負責任。
- 血壓超過180mmHg、潮熱、老弱人士、孕婦、發高燒、飲酒、出血過多等身體虛弱人士禁止進入高溫地方。
- 如果想更改預約，或者有任何問題，請send email到help@creatrip.com查詢。
「弘大24小時火爐桑拿」預約流程
| STEP 1. | |
| STEP 2. | 請詳細輸入所有相關資訊，預約會即時成立。 |
| STEP 3. | 體驗當日請向職員出示預約記錄。 |
| STEP 4. | Enjoy！ |
「弘大24小時火爐桑拿」介紹
今日小編帶大家嚟到「弘大24小時火爐桑拿」，喺弘大入口站行唔洗5分鐘就到，而且仲係24小時營業，無論幾時去都得，超方便！大家落到B2/F記住要除鞋先入去~
跟住就要攞住對鞋，行去櫃檯出示張預約憑證俾職員睇。
職員確認好之後就會幫你準備鎖匙、毛巾同衫，條鎖匙係鞋櫃同儲物櫃共用，所以記住唔好整唔見啊（而且整唔見嘅話要賠錢㗎）！
另外建議大家要自備沖涼用品，如果唔記得帶都可以現場買。
準備好之後就可以攞齊嘢入去，男士更衣室喺右邊，而女士更衣室就喺左邊，環境都夠乾淨企理。
「弘大24小時火爐桑拿」有一間嘅「量子治癒房」，得呢度先有，一齊去睇吓係點㗎啦！
驟眼睇同普通桑拿冇咩分別，不過量子能量會將熱力穿過皮膚表皮層傳達至內臟，有助排毒、促進血液循環同抗衰老，仲可以增强免疫力！小編當日去嘅時候有唔少老人家，因為唔似平時嘅桑拿同汗蒸幕咁熱！
要去汗蒸幕嘅話就要上一層，環境都好闊落，小編當日下晝去都有幾多人喺度休息緊。
「弘大24小時火爐桑拿」嘅另一個特點係有得租房，有需要可以向櫃檯職員講（需要另外俾錢）！
大家可以攞出面啲墊入去瞓，入面仲有部電視添！不過因為有限時，大家記住要睇清楚使用時間~
隔離仲有兩間公用房，平時應該都有唔少人會嚟瞓教。
而左邊就有一間女士專用睡眠室，如果覺得要同異性喺同一個地方瞓會唔舒服嘅話可以上嚟。
行入少少就會見到小賣部，呢度有賣零食、杯麵、雞蛋、米水等等，口痕嘅時候可以嚟買嘢食~
成間鋪頭最入面仲有餐廳，想食正餐都冇問題！
餐廳右邊有一條樓梯，上面係男士專用睡眠室，隔離仲有幾張按摩椅。
呢度仲有多兩間桑拿房，左邊係黃土房，入面有成85度，最啱入去爆汗排毒。
而右邊係芬蘭半夜房，室內溫度維持喺61度左右，聽落好似好熱，但其實唔會，喺入面坐耐啲都冇問題。
對面更加有一間全間鋪頭最熱嘅火爐房，入面有一個沙漏，當上面啲沙流曬落最底之後建議大家出去透一透氣！
想幫身體降溫嘅話可以嚟冰房，出一身汗之後入嚟真係好舒服！
如果你身處弘大，又想去體驗韓國汗蒸幕文化嘅話，推薦大家嚟「弘大24小時火爐桑拿」！
「弘大24小時火爐桑拿」前往方法
喺弘大入口站（홍대입구역）4號出口出。
向右邊直行。
跟住轉角位轉右。
過馬路。
喺「弘大超市24時」左邊度玻璃門行入去（參考上圖）。
直行就會見到「弘大24小時火爐桑拿」嘅招牌。
搭𨋢落B2/F就到啦！
以上係弘大「弘大24小時火爐桑拿」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
