江南美食 | Tokyo Sirloin(宣陵店)
連BTS Jung Kook都大讚嘅韓牛專門店!呢個價錢可以book到獨立房+食熟成韓牛?!
Hello,大家好,我哋係由韓國人每日提供最新韓國旅行資訊嘅Creatrip。
有冇人同小編一樣都鍾意食韓牛?前幾日小編去咗「Tokyo Sirloin」位於江南宣陵嘅分店,食盡各種韓式美食同韓牛,跟小編一齊去睇吓啦!
「Tokyo Sirloin(宣陵店)」資訊
- 地址:서울시 강남구 테헤란로 78길 16 노벨빌딩 B1
- 營業時間:11:30 - 22:00(Break Time 15:00 - 17:00、Last Order 21:00)
- 可預約時間:11:30 / 12:00 / 12:30 / 13:00 / 17:00 / 17:30 / 18:00 / 18:30 / 19:00 / 19:30 / 20:00
- 語言:韓文、基本英文
「Tokyo Sirloin(宣陵店)」推薦原因
- 可以食到用熟成韓牛炮製而成嘅Fusion菜!
- 每組客人一間房,可以體驗韓國美食之餘更加可以享受私人時光!
- 可以按照個人喜好揀鍾意嘅套餐!
- 位於宣陵站附近,交通方便,食完飯仲可以喺江南附近行街!
「Tokyo Sirloin(宣陵店)」價錢
選項 | 價錢 | 包括 |
Lunch Set A | ₩26,500/人 | 薄切生韓牛、忌廉炸蝦、關東風韓牛SHABU-SHABU、無抗生素雞蛋、白飯&烏冬 |
Lunch Set B | ₩36,500/人 | 一口海鮮前菜、薄切生韓牛、忌廉炸蝦、韓牛SUKIYAKI、無抗生素雞蛋、白飯&韓牛海帶湯、甜品、茶 |
Lunch Set C | ₩46,500/人 | 一口海鮮前菜、薄切生韓牛、忌廉炸蝦、燒熟成韓牛、任實芝士、白飯&韓牛海帶湯、甜品、茶 |
Lunch Set D | ₩56,500/人 | 一口海鮮前菜、薄切生韓牛、忌廉炸蝦、章魚&番茄、濟州凸頂柑五島烏冬、燒熟成韓牛、任實芝士、白飯&韓牛海帶湯、甜品、茶 |
Lunch Set Signature | ₩66,500/人 | 一口海鮮前菜、薄切生韓牛、忌廉炸蝦、生韓牛、章魚&番茄、濟州凸頂柑五島烏冬、燒熟成韓牛、任實芝士、韓牛SUKIYAKI&無抗生素雞蛋、白飯&韓牛海帶湯、甜品、茶 |
Dinner Set A | ₩76,500/人 | 一口海鮮前菜、薄切生韓牛、忌廉炸蝦、濟州凸頂柑五島烏冬、韓牛SUKIYAKI、無抗生素雞蛋、白飯&韓牛海帶湯、甜品、茶 |
Dinner Set B | ₩86,500/人 | 一口海鮮前菜、薄切生韓牛、忌廉炸蝦、濟州凸頂柑五島烏冬、燒熟成韓牛、任實芝士、白飯&韓牛海帶湯、甜品、茶 |
Dinner Set C | ₩106,500/人 | 一口海鮮前菜、薄切生韓牛、忌廉炸蝦、章魚&番茄、濟州凸頂柑五島烏冬、燒熟成韓牛、任實芝士、韓牛SUKIYAKI&無抗生素雞蛋、白飯&韓牛海帶湯、甜品、茶 |
Dinner Set Signature | ₩126,500/人 | 一口海鮮前菜、薄切生韓牛、忌廉炸蝦、章魚&番茄、煎馬頭魚、龍蝦清湯、濟州凸頂柑五島烏冬、燒熟成韓牛、任實芝士、韓牛SUKIYAKI&無抗生素雞蛋、白飯&韓牛海帶湯、甜品、茶 |
※全部Menu最少要叫2人份。
※加₩10,000可以將白飯轉做鯛魚釜飯。
「Tokyo Sirloin(宣陵店)」退款政策
預約後至到訪4日前取消 | 全額退款 |
到訪3日前取消 | 不設退款 |
「Tokyo Sirloin(宣陵店)」注意事項
- 請最少喺3日前完成預約。
- 請務必準時到達。
- 如希望加購其他餐點,請喺現場支付所需金額。
- 可以帶除咗燒酒同啤酒之外嘅酒精飲品,一開始會免費提供酒杯。
- Last Order時間係用餐時段結束前1小時。
- 預約時請確保已選擇正確日期及時間。
- 遲到超過10分鐘預約會自動取消。
- 如果想更改預約,或者有任何問題,請send email到help@creatrip.com查詢。
「Tokyo Sirloin(宣陵店)」預約流程
STEP 1. | 撳我預約 |
STEP 2. | 請填寫所有相關資訊,我哋會喺1-2個工作天內確認預約。 |
STEP 3. | 當日請準時到達,向職員出示預約記錄。 |
STEP 4. | Enjoy! |
「Tokyo Sirloin(宣陵店)」介紹
INSTAGRAM @open.hm
「Tokyo Sirloin」係一間韓牛專賣店,用肉質鮮嫩嘅熟成韓牛炮製韓牛SUKIYAKI、SHABU-SHABU、燒韓牛等等嘅頂級餐點!而今日小編去嘅宣陵店連BTS Jung Kook都有去過,一齊睇吓係點㗎啦!
呢度比較特別嘅全部枱都喺獨立1間房入面,無論係要開會定同家人朋友聚會都非常唔錯!
餐廳整體裝修非常簡約,以木同米白色為主調,俾人一種高級韓國餐廳嘅感覺。
另外餐廳都好sweet咁有準備衣架俾客人掛衫,每張枱仲有無線充電器添啊!
平時去食呢種course menu選擇都唔多,不過呢度無論係午餐定晚餐都有幾款選擇,小編同朋友最後決定咗食Lunch Set C。
首先第一道菜係「一口海鮮前菜」,一上菜職員就會倒少少水喺中間啲乾冰度,營造煙霧彌漫嘅效果!大家要按住比目魚、三文魚、鮑魚呢個順序去食,咁先可以試真所有味道。
之後就係「薄切生韓牛」,有兩塊薄切生韓牛同生菜,雖然係生牛肉不過完全唔會腥!而生菜上面亦都有凱撒沙律醬,夠新鮮又健康。
第三個係「忌廉炸蝦」,不過彈牙蝦肉加香濃芝士同忌廉,配埋酥脆外皮同可以解膩嘅WASABI沙律醬,真係超滿足!
食完上面嘅前菜,職員就會上一碟配菜。
跟住就到主菜——「韓牛排骨肉」出場啦!睇落超吸引,小編影完相之後就即刻拎起咗對筷子開餐XD
職員一開頭會幫大家燒一塊肉同芝士,香濃芝士味同韓牛比想像中match,可以話係成餐令小編印象最深刻嘅一道菜!
之後大家就可以按照鍾意嘅生熟程度自己燒嚟食,鐵盤中間仲有薯仔同蒜頭!
呢個course嘅主食係韓牛海帶湯同白飯,大家只要每人加₩10,000就可以升級做鯛魚釜飯(不過因為1個鯛魚釜飯係2人份,所以如果係兩個人去就要兩個人都加錢先轉得)!
難得一場嚟到,小編同朋友加咗錢升級做鯛魚釜飯,職員會幫大家將魚同飯撈勻,咁就可以每一啖都食到魚肉!而韓牛海帶湯都好濃郁,同釜飯好夾。
大家仲可以配泡菜食~
食完之後記住要撳鐘仔,職員就會幫大家收走碗碟,然後上甜品!甜品係綠茶紅豆雪糕三明治,仲有水果同五味子茶,為呢餐畫上一個完美句號!
如果大家都想同家人、朋友或者另一半享受私人時光,同時食高級韓式料理,推薦大家嚟「Tokyo Sirloin」宣陵店!
「Tokyo Sirloin(宣陵店)」前往方法
喺宣陵站(선릉역)1號出口出。
直行,過斑馬線之後繼續直行。
見到第二條斑馬線之後轉右。
直行
你會見到上圖呢棟大廈喺你嘅右手邊,行入去之後落B1/F。
咁就去到「Tokyo Sirloin」宣陵店啦!
以上係江南「Tokyo Sirloin(宣陵店)」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com