明洞美甲｜Pro Beauty

Hello，大家好，我哋係由韓國人每日提供最新韓國旅行資訊嘅Creatrip。

相信唔少朋友都有整指甲！今次小編就諗住介紹一間位於明洞嘅Gel甲鋪，一齊去體驗韓式美甲啦！

明洞「Pro Beauty」資訊

• 地址：서울 중구 명동8가길 9 3F
• 營業時間：11:00 - 21:00
• 可預約時間：11:00 - 20:00
• 語言：韓文、中文、英文

明洞「Pro Beauty」推薦原因

• 環境夠大，同時可以有好多人一齊整！
• 會設計出最啱客人嘅睫毛，令效果更自然！
• 提供Gel甲、電/駁眼睫毛同脫毛服務，選擇夠多！
• Gel甲款式夠多，無論係簡單、可愛定華麗設計都有，梗有一款啱你心水！
• 喺明洞站行3分鐘就到，做完仲可以即刻去明洞玩！

明洞「Pro Beauty」價錢

明洞「Pro Beauty」參考圖片

手指甲護理

腳趾甲護理

電眼睫毛

駁眼睫毛

脫毛

明洞「Pro Beauty」注意事項

• 請最少喺3日前完成預約。
• 所需時間：約1小時
• 根據你揀嘅設計同本身有冇Gel甲，可以需要多30分鐘至1小時。
• 同時段最多可以有5個人預約。
• 請最少喺15分鐘前到，如遲到將會視為no-show，預約將會自動取消。
• 如果會同朋友一齊去，請分開預約。
• 預約成立之後，如果體驗當日突然更改或者取消（例如預約咗整手+腳甲，但係最後只係想整手指甲等），將不設退款。
• 如果想換款或者加閃石，請喺現場補差額。
• 卸甲價錢會根據指甲狀態而有所唔同，請喺現場支付所需費用。
• 只接受體驗3日前更改及取消預約，其後恕不接受更改、取消或退款。
• 預約後至體驗3日前取消預約可以進行全額退款。
• 如有任何疑問，請send email到help@creatrip.com查詢。

明洞「Pro Beauty」預約流程

明洞「Pro Beauty」介紹

今日小編嚟到位於明洞嘅「Pro Beauty」，喺明洞站行3分鐘就到，好容易就去到！呢度老闆有超過30年經驗，其他職員都經驗豐富，同時提供手指甲、腳趾甲、睫毛、脫毛療程等等。

入到去就會見到有五顔六色嘅指甲油，超多選擇！

全部款都好靚，有選擇困難症嘅小編揀咗好耐先揀到XD

等緊嘅時候大家可以參考其他設計圖。

因為整手指甲同腳趾甲嘅地方唔同，所以大家唔需要擔心衛生問題！小編當日去嘅時候發現有客人係一落機即刻嚟整，證明呢度服務同質素真係唔錯，先會有咁忠實嘅fans！

小編去整嘅時候冇直接指定一個設計，淨係講咗話想整一個啱夏天嘅指甲，美甲師會直接幫大家設計！

平時自己喺屋企剪指甲都好難剪得太整齊，嚟到專業gel甲鋪一開始會先幫大家修甲！

進行每個步驟前美甲師都會先消毒所有道具同機器，夠曬衛生！而且整嘅過程都唔會痛，大家唔需要擔心！

搽指甲油之前美甲師仲會幫大家搽營養劑同底油，然後就可以將手放落UV燈機烘30秒左右。

跟住美甲師就正式幫小編指甲上色啦！

小編最鍾意呢款透明帶閃粉嘅指甲油，搽一層都已經好靚！

美甲師搽得好仔細，每次搽完都會即刻照燈，大概重覆咗三次。

之後美甲師就幫小編癡咗幾款裝飾同閃石，有一種大海同夏天嘅感覺！另外仲加畫咗其他細節，同樣地都會照3次燈，咁就會更加立體！

跟住就要搽多層top coat面油，令gel甲更加持久！

美甲師一邊整，仲有一邊同小編傾偈，所以完全唔會覺得時間好漫長！

整理多次，再用熱毛巾抹一抹手，搽埋lotion就大功告成啦！

因為所有美甲師都經驗豐富，所以成個過程都唔會用好多時間！

明洞「Pro Beauty」前往方法

喺明洞站（명동역）8號出口出。

喺第一個路口轉左。

直行。

第一個路口轉左。

之後就會見到「Pro Beauty」嘅招牌。

行入去之後上樓梯就到啦！

Pro Beauty | 撳我預約

網上付款Q&A

以上係明洞「Pro Beauty」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com