首爾站Personal Colour | My Color Lab
搵出個人專屬色系，綻放最耀眼魅力！
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！今次小編嚟到嘅Personal Colour中心提供英文翻譯，唔單止會診斷出大家嘅色調，仲會推薦埋化妝品同飾物俾大家，而家就一齊跟小編去睇吓啦！
乙支路「My Color Lab」資訊
- 地址：서울 중구 남대문로10길 28 603호
- 營業時間：星期一至五 11:00 - 19:00（逢星期六、日休息）
- 可預約時間：星期二 11:00/13:00/15:00、星期三及五 11:00/13:00/15:00/17:00
- 語言：韓文、英文
乙支路「My Color Lab」推薦原因
- 可以做Personal Colour Test嘅同時仲會推薦最啱你嘅化妝品同飾物俾你！
- 只接受預約，所以你預約嘅時段唔會有其他客人在場，私隱度夠高！
- 喺首爾站行5分鐘就到，交通方便！
- 專家持有專業調色師執照，保證結果準確！
乙支路「My Color Lab」價錢
| 基本個人色彩診斷 | 1:1 （60分鐘） | ₩150,000 (150000) |
| 1:2 （90分鐘） | ₩300,000 (300000) | |
| 1:3 （120分鐘） | ₩430,000 (430000) | |
| 進階個人色彩診斷 | 1:1 （90分鐘） | ₩200,000 (200000) |
| 1:2 （120分鐘） | ₩400,000 (400000) | |
| 1:3 （140分鐘） | ₩580,000 (580000) |
乙支路「My Color Lab」退款政策
| 預約後至體驗3日前取消 | 全額退款 |
| 體驗2日前或其後取消 | 不設退款 |
乙支路「My Color Lab」注意事項
- 請最少喺3日前完成預約，你亦可以喺60日前進行預約。
- 體驗內容包括：
基本 翻譯、膚色及色調診斷、飾品推薦 進階 翻譯、膚色及色調診斷、完整色彩分析、化妝品分析及推薦、飾品推薦（送對應色調化妝品） 唔包括 體型分析、化妝教學 - 個人色彩診斷過程大約需要1-2小時。
- 以上所有選項均提供翻譯服務，詳情請參考注意事項。
- 請準確輸入所有相關資訊。
- 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
- 建議大家可以帶自己平時用開嘅化妝品，到時候專家會幫你睇適唔適合你。
- 如遲到10分鐘或以上將會當做No-show，預約將自動取消，費用亦不設退還。
- 如果想更改預約，或有任何疑問，請send email到help@creatrip.com查詢。
乙支路「My Color Lab」預約流程
- 請確保已選擇正確選項，並詳細輸入所有相關資訊及付款
- 我哋會喺1-2個工作天內確認預約，如果需要更改日期/時間我哋會另外通知你
- 體驗當日請提早15分鐘到達，向職員出示預約記錄
- 開始體驗！
撳我預約👇🏻
乙支路「My Color Lab」介紹
今日小編帶大家嚟到「My Color Lab」，呢度最近先啱啱搬新鋪，所有設施都超新淨！
老闆仲會好nice咁幫客人準備1杯茶~
幫大家做診斷嘅專家曾經喺弘益大學攻讀設計博士學位，更加獲得專業調色師執照，實力無容置疑！
今日小編揀咗做「進階個人色彩診斷」，一齊睇吓成個過程啦！
開始之前首先要填一份問卷，然後專家就會向大家簡單嘅顔色理論，小編個人覺得呢part好有趣！
跟住專家就會叫大家揀分別揀3張最鍾意同最唔鍾意嘅顔色卡！診斷好自己嘅個人色調之後，專家會幫大家睇到底呢幾隻顔色襯唔襯大家，邊個tone會更加啱呢隻色之類。
跟住就會首先睇大家嘅皮膚色調、瞳孔顔色同髮色，大家可以透過呢個過程更加仔細咁瞭解到自己。
之後就會移師去另一個位，開始進行測試，首先會check大家係warm tone定cool tone！
就算係差唔多嘅顔色，專家都會好仔細咁幫大家對比，亦都會解釋有咩唔同，就算本身對顔色唔敏感都冇問題！
呢度比較特別嘅呢幾塊凑齊每種色調代表色嘅布，咁就唔洗好似喺其他Personal Colour中心咁一張張咁不停換咁浪費時間，而且差別會更加一目瞭然！
過程中專家都會幫大家記低結果，等大家做完之後返到屋企都可以有個參考。
以前會覺得每隻色都差唔多，但係嚟呢度做test嘅時候就發現原來同一隻色都可以有色調上嘅差異，真係好神奇！
專家亦都會同大家講邊幾隻顔色最襯或者最唔襯你，大家買衫買化妝品嘅時候記住要參考啦！
診斷完之後專家會幫大家準備一張專屬你嘅色調卡，重新再解釋多次詳細内容，真係超仔細！
跟住就到睇飾物嘅環節啦！專家事先會準備好幾種唔同顔色嘅耳環同頸鏈等等俾大家試戴，睇吓到底戴好睇啲定唔戴好睇啲，如果要戴又要戴咩色好等等。平時小編唔會戴耳環同頸鏈，不過專家居然話小編好啱戴，都幾surprise！
跟住就係大家最期待嘅推薦化妝品時間~ 專家會根據結果推薦幾款眼影盤，仲會show啲顔色配搭比較特別嘅眼影盤俾大家睇。
專家會讓你搽一邊眼影，然後俾大家睇吓兩邊對比。小編當時搽嘅顔色其實唔係小編平時會用嘅顔色，不過因為係根據Personal Colour結果推薦嘅色號，所以又真係幾襯喎！
最後亦都會推薦多幾款唇妝產品，大家亦都可以即場試搽，成個過程就喺呢度告一段落啦！呢度專家經驗豐富、實力有保證，包保結果夠準確！如果大家想做返個Personal Colour Test，小編推薦大家可以嚟「My Color Lab」！
乙支路「My Color Lab」前往方法
乙支路入口站（을지로입구역）3號出口出。
直行。
行入上圖路口。
直行。
繼續直行。
行入圖中大廈（經過一間Cafe之後會見到大廈入口）。
搭𨋢上6樓就到「My Color Lab」啦！
撳我預約👇🏻
以上係乙支路「My Color Lab」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com