廣藏市場購物 | 梨花商會
韓國傳統零食+人蔘應有盡有！想買特色手信就嚟「梨花商會」啦！
Hello，大家好，我哋係由韓國人每日提供最新韓國旅行資訊嘅Creatrip。
廣藏市場係最受韓國人同外國人歡迎嘅傳統市場之一，入面除咗街頭小食同生活用品之外，仲有買好多以前韓國人都會食嘅傳統零食。今日就等小編介紹一間小賣部俾大家，download埋我哋嘅coupon仲可以享有9折優惠！
廣藏市場「梨花商會」資訊
- 地址：서울 종로구 창경궁로 88 37호
- 營業時間：08:00 - 20:00
- 語言：韓文、日文
廣藏市場「梨花商會」推薦原因
- 有賣各種韓式乾貨、士多啤梨乾、人蔘等等，買手信一流！
- 提供試食，大家可以試清楚先買！
- 位於廣藏市場入面，大家可以順便去行！
- 想買特色手信，不如就買返啲韓國傳統零食返去啦！
- Download埋我哋張coupon，仲可以享有9折優惠！
廣藏市場「梨花商會」優惠及注意事項
- 本優惠券只適用於「梨花商會」，出示優惠券即享9折優惠。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
廣藏市場「梨花商會」介紹
今日小編帶大家嚟到位於廣藏市場嘅「梨花商會」！呢間鋪頭睇落平平無奇，但其實佢係一間好出名嘅韓國傳統鋪頭，就好似一間好大嘅士多咁，有超多傳統零食！
「梨花商會」仲曾經上過韓國電視，真係好出名！
鋪頭外面亦都有各種乾貨，章魚、魚乾、魷魚絲等等一應俱全！
另外另一邊有紅棗、松子、各種紫菜、士多啤梨乾、無花果乾、柿乾，仲有大家嚟韓國都一定會買嘅蜂蜜牛油杏仁同Wasabi杏仁，買一堆返去做手信一流！
特別係士多啤梨乾同無花果乾一包有好多粒，鍾意食呢兩款水果嘅朋友們唔好錯過！
另外一邊仲有韓國人嘅兒時回憶，其中有幾款以前香港小賣部或者士多都可以買到，不過而家真係好少見！
比較神奇嘅係「梨花商會」仲有賣埋人蔘，只要同老闆講，佢就會攞出嚟俾大家睇，全部睇落都好大同新鮮。
如果大家plan住會去廣藏市場行街同參觀，小編推薦大家可以嚟「梨花商會」買手信！而家download我哋嘅coupon，俾錢嘅時候出示就可以即刻享有9折優惠！
廣藏市場「梨花商會」前往方法
喺鍾路5街（종로5가）8號出口出。
直行。
見到廣藏市場入口之後轉左行入去。
直行。
喺十字路口轉右。
向前行就會見到呢個招牌。
咁就去到「梨花商會」啦！
點先可以享有廣藏市場「梨花商會」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係廣藏市場「梨花商會」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com