韓國Personal Colour中心總整理
繼MBTI之後韓國又興起Personal Colour！點解咁多人想去做？做完又有咩好？
- COLOR OF YOU(컬러오브유)
- DAMPPEUM個人色彩診斷(담쁨퍼스널컬러)
- zinib color(지니비컬러)
- 韓國時尚心理研究院(한국패션심리연구소)
- image HO 個人色彩診斷(이미지호)
- my:shopper(마이쇼퍼)
- Another 29(어나더29)
- My Color Lab(마이컬러랩)
- COLORGA SANDA(컬러가산다)
- VIVIDKANG 個人色彩診斷(비비드강 퍼스널컬러)
- CCL色彩圖像融合研究所(CCL컬러이미지융합연구소)
- COCORY Color Inc.(코코리색채연구소)
- The Bom個人色彩診斷(더봄 퍼스널컬러)
- PIC Color Branding Center(픽컬러브랜딩센터)
- ocollor(오콜로르)
- COLOR LUME(컬러룸)
- Color Signal(컬러시그널)
- MUPSY(멉씨 헤어메이크업)
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！不過韓國有好多個人色彩診斷中心都冇提供外國語言服務，要預約都好難... 今日小編就整理咗幾間有中/英文翻譯嘅個人色彩診斷中心俾大家參考，打算嚟韓國體驗嘅朋友記住save低啦！
韓國Personal Colour中心推薦
COLOR OF YOU(컬러오브유)
- 地址：서울 마포구 동교로209 3F
- 營業時間：11:00 - 21:00
- 前往方法：弘大入口站（홍대입구역）2號出口行4分鐘
✨特色：提供Personal Styling諮詢 |
「COLOR OF YOU」位於弘大入口站附近，地理位置夠曬方便！呢度提供中英文翻譯服務，唔需要怕聽唔明！
做完Test之後專家就會叫大家show啲平時用開嘅化妝品俾佢睇，然後根據診斷結果推薦更加襯你嘅顏色俾你！專家會再幫你寫份診斷書，入面寫齊曬你嘅Personal Colour、適合你嘅髮色、化妝品色同飾物顏色等等，成個過程有提及到嘅嘢幾乎都有寫低，大家可以返屋企慢慢參考！
DAMPPEUM個人色彩診斷(담쁨퍼스널컬러)
弘大店
- 地址：서울 마포구 와우산로29길 47 3F
- 營業時間：11:00 - 20:00
- 前往方法：弘大入口站（홍대입구역）7號出口行大約3分鐘
聖水店
- 地址：서울 성동구 아차산로 54 3F
- 營業時間：11:00 - 20:00
- 前往方法：纛島站（뚝섬역）5號出口行大約2分鐘
✨特色：提供造型推薦服務 |
「DAMPPEUM個人色彩診斷」喺弘大同聖水都有分店，而且仲有分基本同高級2個方案，如果揀高級仲會提供體型分析、風格分析等服務！之後買衫唔洗再十五十六，一眼就可以知自己啱咩Style。
去到最後專家會再幫大家寫份診斷書，入面會寫住推薦你染咩髮色，仲有推薦嘅眼影、唇膏、粉底等等，勁detail！
zinib color(지니비컬러)
- 地址：서울 마포구 동교로 212-9 4F
- 營業時間：10:00 - 20:00
- 前往方法：弘大入口站（홍대입구역）3號出口行大約3分鐘
✨特色：由YouTuber親自經營、提供化妝班 |
「zinib color」由擁有20萬subscribers嘅韓國美妝YouTuber「Zini B」創辦，最近佢喺弘大開咗間Personal Colour工作室，提供個人色彩診斷服務同化妝班！因為佢本身係美妝YouTuber，所以喺呢方面會有更深一層嘅見解！
做完Test之後，老師會幫大家分析臉型、眼耳口鼻同膚色，然後推薦幾款化妝品俾大家。之後更加會推薦啱你嘅化妝方法，仲會即場親身示範幫你化，每一步都會解釋得好仔細！
韓國時尚心理研究院(한국패션심리연구소)
清潭總店
- 地址：서울 강남구 선릉로 840 로데오빌딩 4F
- 營業時間：10:00 - 19:00
- 前往方法：狎鷗亭羅德奧站（압구정로데오역）4號出口行1分鐘
釜山店
- 地點：부산 수영구 남천바다로10번길 19 다원빌딩 2F
- 營業時間：10:00-19:00
- 前往方法：金蓮山站（금련산역）5號出口行2分鐘
✨特色：運用專業儀器進行診斷、提供化妝班 另有Personal Colour教育課程 |
「韓國時尚心理研究院」總店位於狎鷗亭羅德奧，仲有一件分店喺釜山，呢間中心規模大，有各種專利之餘仲攞過唔少獎！
除咗可以知道自己屬於咩tone，仲有機會俾專家幫你化返個韓式日常妝！
image HO 個人色彩診斷(이미지호)
林蔭大道店
- 地址：서울 강남구 압구정로10길 30-9 4F
- 營業時間：09:00 - 20:00
- 前往方法：新沙站（신사역）8號出口行10分鐘
弘大店
- 地址：서울 마포구 와우산로29길 54 3F
- 營業時間：09:00 - 20:00
- 前往方法：弘大入口站（홍대입구역）7號出口行3分鐘
✨特色：提供超完整報告、Shopping服務 |
「image HO」同其他鋪頭唔同，佢唔會只幫大家分最襯同最唔襯嘅色，反而係將顏色分成Best（最襯）、Second-best（第二襯）同Worst（最唔襯）三個級別，大家揀衫/化妝品嘅時候就可以更方便！
基本個人色彩診斷會喺鋪頭進行，而詳細個人色彩診斷會喺鋪頭做完Personal Colour測試之後會帶你去唔同鋪頭幫你揀化妝品/衫，服務一流！
my:shopper(마이쇼퍼)
狎鷗亭店
- 地址：서울 강남구 언주로153길 10-6 1,2F
- 營業時間：10:00 - 20:00
- 前往方法：狎鷗亭店（압구정역）3號出口行8分鐘
弘大店
- 地址：서울 마포구 서교동 361-3 401호
- 營業時間：11:00 - 20:00（逢星期日休息）
- 前往方法：弘大入口站（홍대입구역）9號出口行11分鐘
✨特色：診斷項目多樣化、提供化妝班&韓妝體驗 |
同普通Personal Colour診斷唔同，「my:shopper」仲會幫你睇你啱亮面定霧面同搵出最啱你嘅花紋，勁仔細！
「my:shopper」上過好多韓國電視節目，而且仲有好多明星都嚟做過診斷，例如MONSTA X同Running Man都有喺度拍過節目，喺韓國係數一數二出名嘅Personal Colour中心！
Another 29(어나더29)
- 地址：서울 종로구 필운대로2길 14
- 營業時間：10:00 - 19:00
- 前往方法：景福宮站（경복궁역）2號出口行大約7分鐘
✨特色：提供化妝班&韓妝體驗 |
「Another 29」位於景福宮附近，提供專業Personal Colour診斷服務同化妝班，等大家可以運用診斷結果揀啱自己嘅化妝產品同手法，一舉兩得！
專家曾經上過專業化妝課程，實力有保證！見到自己五官變得越嚟越精緻同立體，真係覺得好神奇！專家都會講解俾大家聽平時化妝有咩需要注意，或者可以突出邊啲位等等，大家以後自己化妝嘅時候都可以活學活用~
My Color Lab(마이컬러랩)
- 地址：서울 중구 남대문로10길 28 603호
- 營業時間：星期一至五 11:00 - 19:00（逢星期六、日休息）
- 前往方法：乙支路入口站（을지로입구역）3號出口行大約3分鐘
✨特色：提供飾物推薦 |
「My Color Lab」位於首爾站附近，交通非常方便！而且幫大家做診斷嘅專家曾經喺弘益大學攻讀設計博士學位，更加獲得專業調色師執照，實力無容置疑！
如果係做「進階個人色彩診斷」，除咗最基本嘅Personal Colour Test，專家仲事先會準備好幾種唔同顏色嘅耳環同頸鏈等等俾大家試戴，睇吓到底戴好睇啲定唔戴好睇啲，如果要戴又要戴咩色好等等！
COLORGA SANDA(컬러가산다)
- 弘大東橋店地址：서울 마포구 동교로 192-1 3F
- 營業時間：11:00 - 21:30
- 前往方法：弘大入口站（홍대입구역）2號出口行2分鐘
✨特色：提供體型&臉型分析、推薦髮型穿搭 |
「COLORGA SANDA」除咗會幫你測Personal Colour，仲會推薦啱你嘅唇膏、髮色、飾物顏色等等。
「COLORGA SANDA」個人色彩診斷服務最令人心動嘅一個部份係會有埋體型同臉型分析！專家會叫大家企喺一塊全身鏡前面，然後幫大家睇膊頭、腰、骨盆同腿長等等。跟住仲會分析埋你嘅臉型，然後就會推薦啱你嘅髮型同衫嘅版型！
VIVIDKANG 個人色彩診斷(비비드강 퍼스널컬러)
- 地址：서울 마포구 양화로 193 406호
- 營業時間：10:00 - 22:00
- 前往方法：弘大入口站（홍대입구역）3號出口行3分鐘
✨特色：提供韓妝體驗、香水推薦 |
嚟到位於弘大嘅「VIVIDKANG 個人色彩診斷」唔單止可以做Personal Colour Test，仲可以體驗埋韓式化妝！而且呢度仲會用一部機器先幫你test皮膚明亮度同色調，結果更可靠！
專家推薦完粉底同其他product之後，仲會幫大家用呢幾款化妝品化妝，大家可以直接睇到效果~ 最特別嘅係呢度仲會推薦埋香水，襯返你個形象！
CCL色彩圖像融合研究所(CCL컬러이미지융합연구소)
- 地址：서울 성동구 성수이로 66 서울숲 드림타워 711호
- 營業時間：11:00 - 21:00
- 前往方法：聖水站（성수역）3號出口行5分鐘
✨特色：以自家色調理論進行診斷、提供化妝班 |
「CCL色彩圖像融合研究所」唔再係用普通嘅四季色調理論，反而會結合更加科學同客觀嘅方法為你搵出最襯你嘅顏色！而且專家會根據你嘅膚色、臉型、膚況等推薦Best Colour同 Second Best Colour俾你！
COCORY Color Inc.(코코리색채연구소)
- 地址：
- 延禧總店：서울 서대문구 연희로 193-3
- 弘大店：서울 마포구 홍익로 11 타입일레븐 3F
- 營業時間：09:00 - 18:00
✨特色：另有個人體型診斷 |
「COCORY Color Inc.」位於弘大，係一間規模比較大嘅Personal Colour中心，提供中文、英文、日文翻譯，唔洗擔心會聽唔明！
做完test之後專家會將最適合你嘅顏色全部癡喺牆上面，亦都會準備一份診斷結果，等大家可以一目瞭然咁睇清楚自己屬於咩色調，買衫/化妝品或者染頭髮嘅時候都可以方便參考！
The Bom個人色彩診斷(더봄 퍼스널컬러)
- 地址：서울 중구 퇴계로18길 7 107호
- 營業時間：11:00 - 19:00
- 前往方法：明洞站（명동역）3號出口行2分鐘
✨特色：提供韓妝體驗 |
「The Bom個人色彩診斷」係一間位於明洞嘅Personal Colour中心，因為開張冇耐，所以全部道具同設備都好新淨！過程當中唔止Personal Colour，仲有韓式化妝體驗，可以直接喺度等專家幫你化返個靚妝！
PIC Color Branding Center(픽컬러브랜딩센터)
- 地址：서울 영등포구 문래북로 116, 1409호
- 營業時間：星期二至日 10:00 - 20:00（逢星期一及公眾假期休息）
- 前往方法：文來驛（문래역）4號出口行6分鐘
✨特色：運用獨家色調理論進行診斷、 提供體型分析&穿搭教學 |
「PIC Color Branding Center」持有7款獲韓國政府認證嘅專利，喺Personal Colour業界非常出名！而且呢度總共將顏色分成21種色調，夠仔細得嚟令客人可以更加瞭解自己最啱用咩色！
「PIC Color Branding Center」更加有提供體型分析同衣著教學，做完之後買衫襯衫都簡單啲！
🔎「PIC Color Branding Center」詳細介紹
ocollor(오콜로르)
汝矣島店
- 地址：서울 영등포구 국제금융로6길 33 11F 1106호
- 營業時間：10:00 - 20:30（Break Time 12:30 - 13:30）
- 前往方法：汝矣島站（여의도역）5號出口行4分鐘
新沙店
- 地址：서울 강남구 강남대로156길 20 2F
- 營業時間：10:00 - 20:30（Break Time 12:30 - 13:30）
- 前往方法：新沙站（신사역）8號出口行4分鐘
✨特色：提供體型分析&穿搭教學、韓妝體驗等 |
「ocollor」已經開咗15年，專家經驗超豐富，而且設備同道具都好齊全，搞到小編好期待結果會係點！
記住要做埋體型分析，專家根據客人生活習慣提供多樣化指導，令每位客人都可以展現個人魅力！
COLOR LUME(컬러룸)
- 地址：서울 중구 서소문로 111 5F 501호
- 營業時間：
- 星期一至五 10:00 - 19:00
- 星期六及日 10:00 - 16:00
- 前往方法：市廳站（시청역）10號出口行1分鐘
✨特色：有專為化妝而設嘅色彩診斷、 提供推薦購物清單 |
「COLOR LUME」最特別嘅係只會提供1人Personal Colour測試，夠曬有私隱之餘全個時段都只會集中幫你分析，得出嘅結果都會更加詳盡！
做完分析之後專家仲會俾份推薦購物清單你，買化妝品嘅時候可以直接對住買，夠曬方便！
Color Signal(컬러시그널)
- 地址：서울 강남구 역삼로20길 12 3F
- 營業時間：10:00 - 21:00
- 前往方法：驛三站（역삼역）2號出口行12分鐘
✨特色：提供韓妝體驗&化妝班 |
「Color Signal」嘅專家團隊由專業Personal Colour導師同化妝師組成經驗豐富，結果準繩度有保證！
而且有機會透過直接使用超過500款美妝產品，搵出最啱自己嘅顏色同product，仲有唔少韓國IDOL演員同YouTuber都有嚟做過Personal Colour！
MUPSY(멉씨 헤어메이크업)
- 地址：부산 부산진구 동천로 103 6F
- 營業時間：星期一至六 07:30 - 20:30
- 前往方法：西面站（서면역）8號出口行3分鐘
✨特色：提供化妝服務、形象及化妝指導 |
「MUPSY」係一間位於釜山西面嘅化妝Studio，除咗有提供化妝服務，更加有Personal Colour診斷、化妝指導同形象指導，大家可以更加瞭解自己嘅同時仲可以學識點化妝！
做Personal Colour有咩好處？
#1 買衫買化妝品會方便好多！
好似上面所講，大家只要知道自己屬於邊種Tone，就可以參考返最襯呢個Tone嘅顏色list，之後買化妝品同買衫都會方便好多，唔洗再曬冤枉錢！
#2 影證件相/個人形象照可以揀最襯自己嘅顏色做背景！
韓國而家真係好興去影彩色背景嘅證件相同個人形象照，唔再只係得平時嘅白色、藍色、粉紅色底！知道自己係咩色調之後就可以揀返最襯自己嘅背景顏色，留低你最靚嘅moment！而以下呢幾間影相鋪都有得自己揀顏色，影出嚟嘅相都夠高質，小編私心推薦大家去！
1) Sihyunhada（시현하다）
「Sihyunhada」呢間影相鋪近幾年超受韓國年輕人歡迎，睇IG成日都會見到啲人po相，有好多韓國政治人物同韓星都有去影過！當中包括有李泳知、Red Velvet Yeri、MAMAMOO華莎、ASTRO、MeloMance金珉碩同一班韓國著名YouTuber！
拍攝前可以透過揀最鍾意/能夠表達你嘅“形容詞卡”，令攝影師可以快速掌握你想要嘅風格！再透過詳細諮詢，瞭解個人風格同特色，揀埋背景色，影出最能夠代表你嘅個人照同證件相！
#3 可以租套最襯自己嘅韓服去影相！
嚟到韓國點可以唔租返套韓服去影相啊！但係有時候鋪頭入面選擇太多，真係唔知邊款邊隻色最啱自己。做完Personal Colour Test之後相信會幫大家減少唔少煩惱！而小編就想推薦以下呢間有Personal Colour專家駐場，更加有超過100款自家製高級韓服嘅韓服鋪俾大家！
Ari韓服（아리한복）
- 地址：서울 종로구 자하문로 20 3F
- 營業時間：10:00 - 20:00（逢星期二休息）
「Ari韓服」同其他韓服租借鋪頭最唔同嘅地方係現場會有Personal Colour專家幫大家做個人色彩診斷！專家會幫大家揀最啱你嘅顏色，大家就可以參考呢個意見，去揀返件最啱自己嘅韓服！
大家仲可以額外加購拍攝服務，留低喺韓國嘅美好回憶！
以上就係小編幫大家整理出2024年最推薦嘅Personal Colour中心同相關服務，有興趣嘅朋友們記住下次嚟韓國之前要book定啦！
如果有更多想知嘅內容，都可以隨時dm話俾我哋知：）
Instagram：creatrip.hk