今日小編要向大家介紹位於新村延世大學附近嘅美食店同咖啡店
一齊嚟睇下平時延世大學嘅學生都去咩美食店啦！
* 探訪日期為2023年8月，探訪前，請再次喺地圖上確認營業時間、休息日同地址有冇變動。
구이마을
1號店地址：서울 서대문구 연세로5가길 32
營業時間：11:00 - 5:00
2號店地址：서울 서대문구 연세로7안길 10 1층
可以講係平價又好食嘅燒肉店，生意好到喺新村有兩間店
而且通常燒烤店都係下晝先開始營業，呢間就係好難得由中晝就有營業！
呢日我哋去嘅係一號店。
小菜、生菜跟醬料都是自助，需要自己去拿
有泡菜、豆芽、蔥、大蒜、醃蘿蔔、玉米通心粉沙律等等。
基本上想食幾多就攞幾多，唔好一次夾咁多，免得浪費。
特別推薦佢哋屋企泡菜，好新鮮又唔會太酸
肉喺烤盤上嘶嘶作響，光睇就已經好有食慾啦。
每次到嚟食晚飯嘅時間，總係客似雲來，鋪頭裡面都可以好經常見到延世或者其他學校嘅學生哋喺度聚會慶祝。
情肉麵體
地址：서울 서대문구 연세로5다길 22-8 1층 정육면체
營業時間：11:30 - 21:00
情肉麵體嘅韓文“정육면체”其實同韓文嘅正六面體同音
取名為情肉麵體嘅原因係정代表心，육代表肉，면代表麵，체就係餐廳本身。
之前係一間專門賣牛肉麵嘅專門店，最近嘅菜單改為擔擔麵為主。
都係連續好幾年首爾米芝蓮推薦嘅餐廳
每到假日可以見到店外面慕名而嚟嘅排隊人潮
店內環境清潔，但座位唔多，所以有時候飯點需要排隊。
湯麵嘅擔擔麵主要分為紅湯同白湯。
鍾意拌麵嘅人，呢度亦有芝麻拌麵。另外仲有麻婆豆腐鮮蝦麵同埋油淋雞。
紅湯比想像還不辣，覺得不夠辣嘅朋友旁邊有紅油同其他醬料可以加。
叉燒好軟嫩，整體份量都好多。
上面仲加咗花生、芝麻，同埋蔥提味，湯頭好濃郁有層次。
청진동해장국
地址：서울 서대문구 연대동문길 49
營業時間：24小時營業 全年無休
代表菜單係馬鈴薯排骨湯同埋解酒湯為主
呢度嘅菜單竟然仲有無骨嘅解酒湯，真係第一次見到！
如果有覺得啃排骨肉唔方便又好麻煩嘅朋友可以點！
點排骨湯都會附送一碗白飯，飯唔使再另外加點。
呢度嘅排骨肉燉得好軟滑，好輕鬆就可以將肉同骨分開。
排骨肉嘅份量都好多，亦有好多醃白菜。
呢個價錢喺新村嚟講算好抵，推薦比食飯時間想飲熱湯嘅各位！
Standby kitchen
地址：서울 서대문구 연대동문길 49
營業時間：平日 10:30 - 20:00（休息時間：15:00 - 16:00） 假日 定期休息
延世東門/ 梨大後門 附近的隱藏美食店
呢間三文治店位於延世宿舍同語學堂附近嘅巷子裡。
原本以為只係平凡無奇嘅三文治，冇諗到一食驚為天人，唔單止三文治好食，料多，連薯條都好讚。
可以單點三文治，都可以花5000元加購薯條同汽水套餐。
我哋點咗牛油果煙肉（아보카도 베이컨）、菲力芝士牛扒（필리 치즈 스테이크）嘅三文治，再另外加咗芝士薯條。
三文治裡面嘅材料真係好新鮮，麵包都唔硬，好好咬。
芝士薯條上面嘅芝士醬食落去一啲都唔會膩。
宿舍周圍係美食沙漠，同新村比起嚟，附近嘅餐廳選擇好少
小編以前住宿舍嗰陣唔知道食咩或者好懶行半個鐘去新村嗰陣好經常自己去食
係會令人念念不忘嘅三文治！
☕️ 독수리다방
地址：서울 서대문구 연세로 36 독수리빌딩 8층
營業時間：11:00 ~ 23:30 (Last order 23:00)
新村最具代表性嘅景觀咖啡館
독수리다방位於延世大學校門口附近
由呢棟建築物嘅入口入去，搭升降機去8樓就可以到達
喺新村有超過50年歷史嘅茶坊
中間有停業重新裝修過一次，但係仍然保留住佢老派咖啡館嘅氣氛同吸引力
菜單同夏日限定飲品、甜品
比起一般嘅連鎖咖啡店，呢度嘅價錢會稍微貴啲，但係仍然唔減佢嘅人氣
咖啡館嘅環境好寧靜又舒適，位都好多
館內好多時都可以見到一班認真讀書或者討論功課同報告嘅學生
但係如果遇到考試期間，呢度就變得位不易求
點咗夏日限定嘅梅子茶同梅子汽水，好消暑
當然，독수리다방最大嘅特點就係佢嘅景觀
戶外嘅露台座位可以直接俯瞰新村商圈同延世大學嘅校園
天氣好嘅時候，喺黃昏時分嚟都可以見到夕陽
因為隔離仲有一座教堂，影相起嚟都有種歐洲風情
喺SNS上好受歡迎，都有好多人打卡！
如果大家有嚟延世大學，不妨嚟독수리다방坐坐，
欣賞독수리다방獨有嘅景觀魅力，同埋體驗一下老派咖啡館嘅魅力啦！
통인동커피공방 신촌로스팅라이브러리
地址：서울 서대문구 연세로 13 유플렉스 12층
營業時間：10:30 - 22:00
另一間 新村景觀咖啡店 叫做 “通仁洞咖啡工坊”
通仁洞咖啡工坊位於新村Uplex嘅12樓
喺Uplex搭電梯到12樓之後，穿過書店就可以見到
菜單同埋甜品
另外呢度都有賣佢哋自家烘焙嘅咖啡豆。
佢最出名嘅原因唔單止係佢嘅咖啡好飲，仲因為佢可以俯瞰到整個新村嘅全景，所以好受歡迎
邊飲咖啡邊望住窗外嘅景色發呆係最高嘅享受。或者帶書嚟睇或者帶電腦嚟返工都係好好嘅選擇。
佢哋嘅咖啡都好香醇好飲。
即使係平日嘅下晝嚟訪，人都仲係好多
呢度同時都係可以欣賞日落嘅地方，晚上都可以俯瞰整個新村嘅夜景
大家有機會嘅話唔妨嚟呢度欣賞下另一種新村嘅魅力啦！
噉咁以上就係我哋嘅延世大學周邊，新村商圈嘅美食探訪
希望呢啲美食資訊可以幫到大家，我哋下次見啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
