明洞按摩 | Korea Spa
明洞按摩老字號！嚟呢度享受豪華按摩療程&頂級待遇啦！
Hello，大家好，我哋係由韓國人每日提供最新韓國旅行資訊嘅Creatrip。
唔知呢度有冇鍾意按摩嘅朋友呢？前幾日小編去咗位於明洞嘅「Korea Spa」揼骨，做完真係好舒服~一齊睇吓成個過程係點㗎啦！
明洞「Korea Spa」資訊
- 地址：서울 중구 명동7길 8 미래빌딩 4F
- 營業時間：11:00 - 00:00
- 可預約時間：11:00 - 23:00
- 語言：韓文、中文、英文
明洞「Korea Spa」推薦原因
- 提供高級按摩服務，令每位客人都可以享受超舒服體驗！
- 由臉部按摩到腿部按摩都有，多種療程任君選擇！
- 接受預約，亦都有獨立房間，可以安心放鬆享受按摩！
- 有唔同類型嘅獨立房，無論係自己一個去定同家人、朋友、另一半去都冇問題！
- 透過按摩消除學業、工作、旅行帶嚟嘅壓力同疲勞啦！
明洞「Korea Spa」價錢
| 選項 | 價錢 | 簡介 |
|---|---|---|
| 基本腿部按摩 [60分鐘] | ₩60,000 | 足浴、腿部按摩 |
| 基本背部按摩 [60分鐘] | ₩80,000 | 足浴、香薰精油按摩、指壓按摩 |
| 臉部&身體特別按摩療程（A）[90分鐘] ：臉部+腿部按摩 | ₩140,000 | 足浴、臉部清潔、頭部按摩、肩頸按摩、臉部按摩、膠原蛋白面膜、腿部按摩 |
| 臉部&身體特別按摩療程（B）[90分鐘] ：背部+腿部按摩 | ₩140,000 | 足浴、頭部按摩、香薰精油按摩、熱石按摩、指壓按摩、腿部按摩 |
| 臉部&身體特別按摩療程（C）[120分鐘] ：臉部+背部+腿部按摩 | ₩200,000 | 足浴、頭部按摩、香薰精油按摩、熱石按摩、指壓按摩、臉部清潔、肩頸按摩、臉部按摩、膠原蛋白面膜、腿部按摩 |
| 臉部&身體特別按摩療程（D）[90分鐘] ：臉部+背部按摩 | ₩150,000 | 足浴、臉部清潔、淋巴按摩、臉部去角質、骨氣按摩、細臉按摩、肩頸按摩、膠原蛋白面膜、保濕精華、頭皮按摩 |
| 情侶SPA（2人）[120分鐘] | ₩300,000 | 全身熱石按摩、浪漫月池SPA |
| 高級VIP療程 [150分鐘] | ₩290,000 | 背部經絡按摩、背部熱石按摩、頭部按摩、黃金面膜、膠原蛋白面膜、腹部按摩、腹部石膏膜、腿部按摩 |
| 高級VVIP療程[150分鐘] | ₩360,000 | 豪華臉部療程、黃金面膜、臉部去角質、維他命美白療程、拉提療程、頭部按摩、背部經絡按摩、背部熱石按摩、腹部按摩、腹部石膏膜、腿部按摩 |
明洞「Korea Spa」退款政策
預約後至體驗3日前取消 | 全額退款 |
| 體驗2日前取消 | 不設退款 |
明洞「Korea Spa」注意事項
- 請最少喺3日前完成預約。
- 如希望加購療程，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
- 如果想更改預約，或者有任何問題，請send email到help@creatrip.com查詢。
明洞「Korea Spa」預約流程
| STEP 1. | |
| STEP 2. | 請詳細輸入所有相關資訊。 我哋會喺2個工作天內確認預約，然後通知你最終預約時間。 |
| STEP 3. | 請務必準時到達，然後向職員出示預約記錄。 |
| STEP 4. | 享受療程！ |
明洞「Korea Spa」介紹
今日小編帶大家嚟到韓國客人、外國客人都絡繹不絕嘅「Korea Spa」！呢間高級按摩中心位於韓國必去景點之一嘅明洞中心，要去都非常方便！中心內部裝修以木調爲主，燈光柔和，俾人一種好relax嘅感覺！
櫃枱對面有一張梳化，大家向職員出示完預約記錄之後就可以坐喺度等啦！前面張茶几都有零食提供俾客人，仲有幾款香薰精油，大家可以邊等邊試聞。
跟住就可以入更衣室換衫，著好浴袍之後就可以將自己衫放落儲物櫃。更衣室最入面有一張化妝枱，上面有各種化妝品同美容工具，大家可以唔洗自己帶！
然後就可以跟住療程師去足浴室啦！自然光會透過窗灑入嚟，足浴室入面仲有一棵櫻花樹，喺室內都可以享受春天氣氛！
足浴機水溫會維持喺大約40-41度，一開頭會覺得太熱，不過浸多一陣就會覺得好舒服好relax~ 浸大約10分鐘左右療程師就會幫大家抹腳，進入下一個階段！
今日小編揀嘅係「VIP療程」，入面包咗好多款按摩護理！
療程師首先叫小編背部向上咁瞓低，然後就由頸部開始按。
跟住就會進行背部香薰按摩，療程師手勢好好，透過按壓穴位放鬆小編背脊比較緊嘅部位。
跟住就會用鍺石進行熱石按摩，療程師話鍺石又叫做會呼吸嘅石頭，用嚟做熱石按摩效果一流！
跟住就會用一條熱毛巾邊按摩邊抹走多餘嘅香薰精油。
然後就轉一個部位，開始按後腿！同樣地都係先進行香薰精油按摩，然後再做埋熱石按摩。
腳腕、小腿、大脾全部都會按齊，好細心！
下一步係進行臉部按摩，所以就要調返轉嚟瞓啦。呢個時候療程師會幫大家做埋頭皮按摩，超舒服！
正式開始臉部按摩之前，首先要做好清潔。療程師會幫大家卸妝，咁樣之後搽嘅護膚品先可以入到毛孔深處，發揮效用。
然後就會搽一層深層去角質啫喱，等緊嘅時候療程師都會幫大家按一按膊頭同斜方肌。
去完角質之後就會搽一層cream。
然後就會幫大家做Aqua Peel，小編今次做嘅係可以去除毛囊蟲嘅去角質 + 注射維他命嘅療程。
毛囊蟲係引發暗瘡嘅罪魁禍首之一，所以要定期透過去角質同做深層清潔整走佢哋！
導入埋維他命之後，成個去角質步驟就完成啦！療程師會幫大家搽一層蘆薈gel舒緩皮膚。
之後就到VIP療程嘅重頭戲 —— 黃金面膜！黃金面膜有助促進細胞再生，令肌膚變得更健康。療程師會幫大家喺額頭、兩頰、鼻、下巴放上黃金面膜，等大約30秒之後就會搽勻佢。
最後就會上埋有助促進皮膚新陳代謝同血液循環嘅石膏膜，令皮膚更透亮有彈性！
因為石膏膜大概要敷15分鐘，等緊嘅時候就會幫大家按前腿，療程師會特別幫大家按多一陣腳板，平時因為行太多路或者企得太多而累積嘅疲勞都會一次過消失曬~
按完療程師會好似之前咁，用熱毛巾幫大家抹走多餘嘅香薰精油，嚟到呢度全身按摩就大致上完成啦！
敷完面膜之後，療程師會幫大家搽cream同防曬，小編做咗咁多次按摩，真係好少見到會有地方咁細心，幫客人搽埋防曬！
最後拉一拉筋，成個VIP療程就完啦！
Before & After
雖然做一次按摩之後轉變唔會話太大，不過因為促進到血液循環，所以成個人睇落氣色會好好多，皮膚都會滑啲！鍾意按摩嘅朋友們記住要嚟明洞「Korea Spa」體驗吓啦！
明洞「Korea Spa」前往方法
喺乙支路入口站（을지로입구역）5號出口出。
直行。
第一個路口轉右。
直行。
大約行經過三棟大廈。
喺第三個路口轉左。
直行到盡頭，然後轉右。
直行大約20米就會見到麥當勞。
抬頭望你會見到「Korea Spa」嘅招牌。
行入大廈，上4樓就到啦！
以上係明洞「Korea Spa」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com