江南美食 | 元祖馬山小鬍子
江南超出名醬油蟹餐廳！透過Creatrip預約仲有獨家優惠！
Hello，大家好，我哋係由韓國人每日提供最新韓國旅行資訊嘅Creatrip。
醬油蟹喺韓國被稱為「白飯小偷」，因為食嘅時候真係會唔覺意食咗好多碗飯~ 最近越嚟越多外國人嚟韓國玩都會專程去食返餐！今日就等小編帶大家去一間位於江南嘅醬油蟹餐廳，體驗傳統韓式美食啦！
江南「元祖馬山小鬍子」資訊
- 地址：서울시 서초구 신반포로47길 118 A동
- 營業時間：00:00 - 24:00
- 可預約時間：00:00 - 24:00（預約時段以1小時為單位）
- 語言：韓文、日文
江南「元祖馬山小鬍子」推薦原因
- 上過唔少韓國出名飲食節目，味道有保證！
- 24小時營業，想幾時去食都得！
- 喺新沙站行3分鐘就到，交通夠方便！
- 只要透過我哋預約，每枱可以免費得到一罐飲品！
江南「元祖馬山小鬍子」價錢
醬油蟹（1人份） | ₩35,000 |
※透過Creatrip預約，每枱可以免費得到一罐飲品。
江南「元祖馬山小鬍子」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
江南「元祖馬山小鬍子」注意事項
- 請最少喺3日前完成預約。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
- 只接受到訪3日前取消及申請退款。
- 如果想更改預約，或者有任何問題，請send email到help@creatrip.com查詢。
江南「元祖馬山小鬍子」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
江南「元祖馬山小鬍子」介紹
今日要介紹嘅醬油蟹餐廳係位於新沙附近嘅「元祖馬山小鬍子」，喺新沙站行3分鐘就到，好容易就搵到！餐廳夠闊落，有部份座位仲有簾可以拉埋，一班人去食都得！
呢間餐廳仲曾經上過唔少韓國節目，真係好令人期待！
最特別嘅係呢度居然有賣紅酒！平時食醬油蟹都唔會諗到配紅酒，到底會擦出啲火花呢？
「元祖馬山小鬍子」除咗醬油蟹，仲有各種海鮮料理，特別係花蟹類嘅嘢食都出名！
老闆都好sweet，事先準備好膠手套俾大家，咁就唔洗再去問職員攞啦！
小編當日同朋友一齊去，叫咗兩人份！雖然配菜唔多，不過全部都係呢度嘅大廚精心炮製，每樣都好好味！
每隻蟹都超飽滿又多膏，真係令人睇到流曬口水！
食醬油蟹有好多方法，小編就鍾意好似上面張相咁將肉同膏先擳出嚟，然後加少少醬油撈勻食。
或者可以好似小編朋友咁，一啖白飯上面放少少蟹肉，或者可以再用紫菜包住食，鹹鹹香香真係好正！
小編仲另外叫咗份紫菜飯糰，細細嚿易入口！
當然唔少得加飯落蟹蓋撈埋啲蟹膏一齊食啦，記住要加少少麻油會更香！
小編仲叫咗個蟹膏撈飯，其實就係已經幫你剝好嘅醬油蟹 + 飯 + 紫菜，再加埋生蛋黃，味道更加濃郁。
而家透過我哋預約，每枱仲可以得到一罐免費飲品！如果大家旅行會去江南新沙嗰邊，小編推薦大家嚟「元祖馬山小鬍子」食返餐韓國傳統醬油蟹！
江南「元祖馬山小鬍子」前往方法
新沙站（신사역）4號出口出。
向出口反方向行。
沿住轉角位轉左。
直行。
繼續直行。
喺上圖呢個位置轉左。
直行。
咁就去到「元祖馬山小鬍子」啦！
以上係江南「元祖馬山小鬍子」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com