明洞美食 | 世宗醬油蟹
好似住家飯咁窩心嘅一餐！嚟明洞體驗韓國醬油蟹嘅魅力啦！
Hello，大家好，我哋係由韓國人每日提供最新韓國旅行資訊嘅Creatrip。
講起最受歡迎嘅韓國美食，相信一定唔少得醬油蟹！醬油蟹又被叫做白飯小偷，小編次次食都會食兩碗飯XD 今日就等小編帶大家去一間位於明洞嘅醬油蟹專門店，體驗韓國傳統美食嘅魅力啦！
明洞「世宗醬油蟹」資訊
- 地址：서울 중구 퇴계로 145
- 營業時間：07:00 - 21:30（Break Time 15:00 - 17:00）
- 語言：韓文、日文
明洞「世宗醬油蟹」推薦原因
- 位於遊客必去景點之一嘅明洞，方便大家plan行程！
- 朝早好早就開，想當早餐食都冇問題！
- 除咗醬油蟹，仲有各種韓國傳統美食任君選擇！
- 下載埋Creatrip優惠券，每人仲可以免費得到一罐飲品！
明洞「世宗醬油蟹」價錢
| Menu | 價錢 |
醬油蟹 | ₩45,000 |
鮑魚粥 | ₩20,000 |
鮮蝦粥 | ₩13,000 |
蠔仔粥 | ₩15,000 |
蔬菜粥 | ₩12,000 |
韓式炒粉絲 | ₩25,000 |
| 牛排骨湯 | ₩12,000 |
| 雪濃湯 | ₩12,000 |
| 蔘雞湯 | ₩12,000 |
| 醬油蝦 | ₩30,000 |
| 醬油鮑魚 | ₩50,000 |
| 韓式煎餅（2塊） | ₩25,000 |
※上述為2023年8月價錢。
明洞「世宗醬油蟹」優惠及注意事項
- 本優惠券只適用於「世宗醬油蟹」，出示優惠券每人即可免費獲得一罐飲品。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
明洞「世宗醬油蟹」介紹
今日小編同朋友嚟咗位於明洞嘅「世宗醬油蟹」，一入到去就見到牆上面貼滿客人嘅留言同幾位日本明星嘅簽名，睇嚟呢度真係好受外國人歡迎！
叫完嘢食之後老闆就會即刻幫大家準備嘢食，而且老闆都好nice好親切，未食都已經令小編對呢度印象好好！
呢度會提供12款小菜，全部都係老闆自家炮製，而且份量都唔少，送飯一流~
呢個就係小編同朋友叫嘅醬油蟹（2人份）啦！提提大家記住叫嘢食嘅時候出示埋Creatrip優惠券，咁每人就可以免費得到一罐飲品啦！
醬油蟹嘅靈魂就當然係蟹膏啦！呢度嘅醬油蟹勁多蟹膏，而且全部都係金黃色，見到都流曬口水XD 另外呢度嘅調味比其他醬油蟹餐廳淡口少少，所以好似小編咁唔鍾意食太鹹嘅朋友們會覺得啱啱好！
老闆仲會幫大家淋醬油汁，蟹肉+醬汁撈飯食真係好正！
「世宗醬油蟹」嘅其中一個最大優點係老闆會幫大家處理好啲醬油蟹！有時候食醬油蟹都唔知應該要由邊個位落手，不過呢度嘅老闆就會幫大家肢解醬油蟹，大家只要等食就得！
小編同朋友仲叫咗份醬油蝦，蝦肉夠飽滿，同醬油蟹又有另一種魅力！
老闆都會幫埋大家剝蝦殼，食嘅時候真係方便好多！
小編而家睇返都流曬口水XD 大家記住食醬油蟹嘅時候要將飯放埋落蟹蓋，加少少醬油撈勻食！
𢳂起一羹飯，然後將醬油蝦放喺上面一啖食落肚，鮮甜得嚟配埋香濃醬油味真係好滿足！
呢個係醬油鮑魚，其實就係生嘅鮑魚+秘製醬油，口感好好！
小編都推薦大家叫多份煎餅！入面有葱同蝦肉，脆卜卜又充滿海鮮味，同醬油蟹都幾夾！
而呢度亦都有賣4款粥，包括鮑魚粥、鮮蝦粥、蠔仔粥同蔬菜粥，朝早想食比較暖胃嘅嘢食嘅話就啱曬啦！
呢款韓式炒粉絲係韓國客人經常都會叫嘅嘢食之一！
參雞湯
雪濃湯
牛排骨湯
「世宗醬油蟹」仲有賣其他韓式料理，推薦想食返餐正宗韓國菜嘅朋友們嚟呢度！
雖然價錢唔算平，不過全部嘢食都好高質！大家有機會嚟明洞，或者住宿就喺明洞嘅話，不妨可以嚟「世宗醬油蟹」享受韓式美食！去之前記住要download埋我哋嘅coupon，免費攞1罐飲品！
明洞「世宗醬油蟹」前往方法
點先可以享有明洞「世宗醬油蟹」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係明洞「世宗醬油蟹」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
