濟州訂製蛋糕 | Ours Coffee
濟州限定超cute熊仔蛋糕！仲可以加字客製化，慶祝獨一無二嘅日子！
Hello，大家好 ，我哋係由韓國人每日提供最新韓國旅行資訊嘅Creatrip。
重要嘅日子當然要訂返個蛋糕慶祝吓啦！訂蛋糕嘅時候如果可以自訂埋上面寫咩句子，相信會更加有意義！今日小編就發現咗間可以訂客製化蛋糕嘅濟州島Cafe，最近會去濟州旅行又有興趣嘅朋友們記住睇埋落去啦！
濟州訂製蛋糕「Ours Coffee」資訊
- 地址：제주 제주시 대원길 49
- 營業時間：星期一、四、五 10:30 - 21:00 / 星期二及三 10:30 - 18:00 / 星期六及日 10:00 - 19:00
- 可預約時間：星期一、四、五 11:00 - 20:30 / 星期二及三 11:00 - 17:30 / 星期六及日 10:30 - 18:30
- 語言：韓文、英文
濟州訂製蛋糕「Ours Coffee」推薦原因
- 「Ours Coffee」嘅蛋糕放喺室溫都冇問題，所以就算冇雪櫃都冇問題！
- 招牌朱古力蛋糕大人細路都會鍾意，而且裝飾夠靚，仲可以加自訂句子！
- 「Ours Coffee」本身係一間Cafe，大家可以坐低嘆返杯咖啡食返件甜品休息吓！
- Creatrip獨家優惠：訂完蛋糕去Cafe自取，即可免費影一張人生四格（價值₩6,000、送完即止）！
- 訂蛋糕之前可以先去「Ours Coffee」嘅Instagram(@ours_jeju)同YouTube(@ourshouuuse)睇款！
濟州訂製蛋糕「Ours Coffee」價錢
選項 | 價錢 |
生日蛋糕（粉紅色糖霜、1隻熊） : 朱古力Kougelhopf奶油圓蛋糕（1號）  | ₩52,640 |
結婚蛋糕（白色糖霜、2隻熊） : 朱古力Kougelhopf奶油圓蛋糕（1號）  | ₩58,240 |
※價錢包括一般蠟燭、火柴、蛋糕形狀蠟燭、裝飾品（根據存貨可能會提供其他款式）
※唔會另外提供蛋糕刀
※蛋糕材料：法國Valrhona朱古力、比利時Callebaut朱古力、麵粉、法國高級牛油
※句子字數限制：韓文20字內、英文20字內
濟州訂製蛋糕「Ours Coffee」退款政策
| 預約後至領取7日前取消 | 全額退款 |
| 領取3-6日前取消 | 50%退款 |
| 領取2日前取消 | 不設退款 |
※如果因為天氣惡化或者其他個人原因取消，恕不設任何退款，詳情請向鋪頭查詢。
濟州訂製蛋糕「Ours Coffee」注意事項
- 請最少喺2日前完成預約。
- 請填寫想加喺蛋糕上嘅句子，如果超過字數限制，預約唔會成立（包括心形、數字等符號，唔包括空格）。
- 生日蛋糕同結婚蛋糕都係1號蛋糕（句子長度：韓文20字內、英文20字內）。
- 如果遲到10分鐘或以上，預約將會自動取消，屆時將不設任何退款。
- 只可以預約網站內提供款式（唔可以改design，顔色同味道等），唔接受客製化蛋糕預約。
- 如希望加購其他餐點，請喺現場支付所需金額。
- 提供一般蠟燭、蛋糕形狀蠟燭、火柴，不過唔會另外提供蛋糕刀。
- 根據存貨狀況可能會提供其他款式嘅裝飾品。
- 蛋糕入面有用嚟固定嘅牙籤，食用前請小心。
- 盒內冇任何可以固定蛋糕嘅裝置，拎蛋糕嘅時候請小心。
- 營業時間可能會因為鋪頭嘅蛋糕烘焙工作坊，或因需出外進行其他活動而有變。
- 如果1個鐘之內唔會食/放唔到入雪櫃，請自備保溫冰袋，亦可以即場買（保溫冰袋 + 2個冰種 ₩6,000）。
- 如果想更改預約，或者有任何問題，請send email到help@creatrip.com查詢。
濟州訂製蛋糕「Ours Coffee」預約流程
| STEP 1. | 撳我預約 |
| STEP 2. | 揀好想訂邊款蛋糕，決定好要加咩字之後進行預約，我哋會喺2個工作日內確認。 |
| STEP 3. | 預約成立之後，請準時去到鋪頭拎蛋糕。 地點：Ours Coffee（제주 우스커피） 建築左邊會有一塊草地，行入石牆入面就會見到入口。 |
逢星期二、三需要自行攞蛋糕（唔會有職員在場），鋪頭最左邊度門會一直保持開啟，拎完蛋糕之後請閂好門，然後send email到help@creatrip.com通知我哋。  | |
| STEP 4. | Enjoy！ |
濟州訂製蛋糕「Ours Coffee」介紹
今日小編想向大家介紹一間位於濟州嘅Cafe「Ours Coffee」！因為濟州島冇地鐵，所以大家要去嘅話就要搭巴士、的士，或者租車之後揸車去啦。
雖然呢度同濟州機場唔算近，不過老闆話都仲係有好多外國遊客會專程嚟買蛋糕！
無論係生日、紀念日，甚至係同一班鍾意同一個K-pop Idol嘅朋友一齊去玩嘅時候都可以訂返個可以自訂句子嘅蛋糕，「Ours Coffee」會根據季節同你想慶祝嘅日期幫你裝飾得超cute！
其實除咗可以訂蛋糕，「Ours Coffee」亦都係一間出名飲咖啡食甜品嘅Cafe！黃豆粉艾草蛋糕、蛋撻、牛油曲奇、南瓜磅蛋糕等等都係呢度嘅招牌，唔單止靚仲夠好食！
[可以透過Creatrip預約嘅蛋糕款]
① 生日蛋糕（粉紅色糖霜、1隻熊） ₩54,000 → ₩52,640
② 結婚蛋糕（白色糖霜、2隻熊） ₩60,000 → ₩58,240
兩款蛋糕都係用法國Valrhona朱古力、比利時Callebaut朱古力、麵粉、法國牛油等高級材料烘焙而成，大家可以食得開心又放心！
「Ours Coffee」位於漢拏山附近，所以望出窗外風景好靚！鋪頭入面有3-4張枱，亦都裝修得好可愛~ 大家一場嚟到，不妨可以坐一陣，嘆杯咖啡休息吓再起行！
我哋Creatrip今次幫大家爭取到獨家優惠，只要透過我哋訂蛋糕，去拎蛋糕當日就可以免費影一張人生四格（價值₩6,000、送完即止）！
去濟州玩咁啱遇上生日或者紀念日想整返個蛋糕，就唔好錯過「Ours Coffee」嘅蛋糕預訂服務啦！
濟州訂製蛋糕「Ours Coffee」前往方法
1. 喺濟州機場搭365號巴士，喺連洞居民中心（연동주민센터）落車。
2. 喺同一個站轉乘471號巴士，喺長久村（장구마을）落車。
3. 行大約500米。
4. 咁就去到濟州「Ours Coffee」啦！
以上係濟州訂製蛋糕「Ours Coffee」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com