代訂 | 首爾&堤川5日4夜行程
跟住韓國人去旅行！帶你去盡韓國人必去秘密景點！
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇聽過「堤川」呢個城市呢？堤川位於忠清北道，被譽為自然療癒都市，而且亦都有好多觀光經典等緊大家！今次有一個5日4夜嘅行程會帶大家玩轉首爾同堤川，有興趣就記住睇埋落去啦！
「首爾&堤川5日4夜行程」資訊
- 舉辦日期：即日至2023.11.30（星期四）
- 開團日子：每日
「首爾&堤川5日4夜行程」推薦原因
- 行程會帶大家去得韓國人先知道嘅秘密景點，史前時代洞穴、BTS拍攝場地等超多景點都會去齊！
- 可以體驗滑翔傘、坐觀光船同纜車等，療癒當中帶啲刺激！
- 將會入住3星級住宿，衛生同環境都一流！
- 堤川同首爾感覺完全唔同，可以去親親大自然！
- 幫你安排好曬5日4夜嘅行程，大家唔洗自己plan！
「首爾&堤川5日4夜行程」價錢
| 成人 | 1750000/人 |
「首爾&堤川5日4夜行程」退款政策
| 預約後至出發22日前取消 | 90%退款 |
| 出發15-21日前取消 | 80%退款 |
| 出發8-14日前取消 | 65%退款 |
| 出發4-7日前取消 | 50%退款 |
| 出發3日前取消 | 不設退款 |
「首爾&堤川5日4夜行程」行程表
| DAY 1 | 仁川機場出發 |
| 榮州水島村（獨木橋） | |
| 午餐（儒生村宗家 - 野菜拌飯 OR 鯖魚定食） | |
| 紹修書院 | |
| Sunbee World 韓國文化主題公園 | |
| 浮石寺 | |
| 晚餐（虎掌菇韓牛烤肉） | |
| 返回酒店（小白山豐基溫泉渡假村） | |
| DAY 2 | 享用酒店早餐，前往丹陽 |
| 嶋潭三峰 | |
| 古藪洞窟 | |
| 午餐（韓國菜） | |
| 陽坊山滑翔傘體驗（陽坊山觀景台） | |
| 晚餐（韓式牛肉餅） | |
| 返回酒店（丹陽觀光酒店） | |
| DAY 3 | 享用酒店早餐，前往丹陽江棧道參觀 |
| 滿天下Skywalk | |
| 長淮渡口觀光船（丹陽→清風） | |
| 午餐（嫩豆腐） | |
| 清風湖畔纜車（飛鳳山觀景台出發、約10分鐘） | |
| 清風文化財團地 | |
| 晚餐（韓方藥膳燉雞） | |
| 返回酒店（清風渡假村） | |
| DAY 4 | 享用酒店早餐 |
| 堤川義林池（池邊散步 + 龍湫瀑布） | |
| 堤川毛山飛行場（BTS MV拍攝場地） | |
| Petit Chandelier | |
| 午餐（包飯） | |
| 堤川韓方番梘製作體驗 | |
| 堤川東門市場 | |
| 返回首爾 | |
| 到達酒店（光化門Shilla Stay） | |
| DAY 5 | 享用酒店早餐，Check-out |
| 享受自由時間 |
※堤川韓方生物產業博覽會期間（9月27日 - 10月2日），第4日下晝行程將會改為參加博覽會。
「首爾&堤川5日4夜行程」注意事項
- 請最少喺7日前完成預約。
- 預約後我哋會先幫你確認可唔可以預約到，有可能會去唔到，到時候我哋會儘快通知你。
- 預約成立後，我哋會send一份行程指南去你預約嘅時候輸入嘅Email地址，請定期check email。
- 價錢包括住宿、景點入場費、專用接送車輛、英文導遊及司機服務、旅遊保險。
- 價錢唔包括其他個人支出。
- 落雨或者落雪會照常出發，不過如果遇上惡劣天氣，行程將會改期或取消，屆時將會進行退款。
- 行程可能會因道路、交通及景點狀況而有所變動。
- 為保障其他參加人士權益，如果遲到將不作等候。
- 本行程嘅取消預約及退款政策為合作機構指定。
- 如有任何疑問，請send email到help@creatrip.com查詢。
「首爾&堤川5日4夜行程」預約流程
| STEP 1. | 撳我預約 |
| STEP 2. | 請詳細輸入所有相關資訊，我哋會喺1-2個工作天內確認預約。 |
| STEP 3. | 請提前10分鐘到達出發地點。 *實際集合時間請參考email內容。 |
| STEP 4. | 出發 |
「首爾&堤川5日4夜行程」介紹
DAY 1
榮州水島村（獨木橋）
截至2004年，「榮州水島村」只有接近100個居民，當中有38間屋係傳統韓屋，另外有16間係有超過100年歷史嘅朝鮮時代後期士大夫居屋，超有韓國傳統風情！上面呢條獨木橋更加係必去景點之一！
午餐（儒生村宗家）
「儒生村宗家」係一間傳統韓國菜餐廳，有唔少客人會專程由另一個城市嚟呢度食飯！
紹修書院
「紹修書院」歷史悠久，喺韓國1871年拆卸書院政策之下仍然屹立不倒，維持以前嘅面貌。
Sunbee World 韓國文化主題公園
去到「Sunbee World」，大家可以做返一日韓國古代書生，喺韓屋、韓服、韓國飲食、韓紙、韓文、韓國音樂6個方面體驗佢哋嘅生活！
浮石寺
「浮石寺」係新羅文武王16年建立嘅華嚴宗寺廟，而家係韓國佛教曹溪宗第16教區嘅小寺廟。
DAY 2
嶋潭三峰
「嶋潭三峰」被譽為丹陽八景之一，去到丹陽就一定要去呢度！三個山峰座立喺又清又藍嘅水上面，中間最大嘅山峰上仲有一座細細哋嘅六角亭，真係超靚！
古藪洞窟
「古藪洞窟」係一個有成5億年歷史嘅洞穴，係一個超神秘嘅地下宮殿！
陽坊山滑翔傘體驗（陽坊山觀景台）
嚟到陽坊山，大家可以參加超刺激滑翔傘體驗，同時欣賞南漢江風景！
DAY 3
丹陽江棧道
「丹陽江棧道」全長1.2km，大家可以沿著懸崖邊漫步，欣賞南漢江景色！
滿天下Skywalk
跟住行程就會帶大家去「丹陽江棧道」附近嘅「滿天下Skywalk」，大家可以喺80~90m高嘅天空步道欣賞四周圍嘅景色，又靚又刺激！
長淮渡口觀光船
大家可以一邊搭長淮渡口觀光船，一邊欣賞玉筍峰、龜潭峰同降仙臺等壯麗景色！
嫩豆腐
嫩豆腐係韓國特色料理之一，今次會帶大家去嘅呢間餐廳每日都會新鮮整豆腐，好味又健康。
清風湖畔纜車（飛鳳山觀景台）
「清風湖畔纜車」全長2.3km，總共有43個可以載到10個人嘅車廂，大家可以一邊搭，一邊欣賞被稱為內陸之海嘅清風湖景色！
清風文化財團地
清風呢個地方唔單止自然景色靚，而且仲有好多文化遺產，但係之前因為要起水壩，所以曾經面對要被清除嘅危機。不過忠清北道廳由1983年起，用咗3年時間將當地文化遺產移師至「清風文化財團地」，令大家而家都可以親眼見到佢哋！
DAY 4
義林池（龍湫瀑布）
「義林池」係韓國最重要嘅水利設施之一，附近亦都有一個規模好大嘅樹林，大家嚟到可以盡情欣賞自然風光。
堤川毛山飛行場（BTS MV拍攝場地）
「堤川毛山飛行場」係BTS《花樣年華》MV嘅拍攝場地，直至2021年都仍然係一個屬於韓國軍隊嘅飛行場，而家就成為咗一個追星打卡聖地！呢度每個季節都會有各種花卉盛開，如果你係A.R.M.Y就一定要嚟影相打卡啦！
Petit Chandelier
「Petit Chandelier」係一間由法國藍帶廚藝學校出身嘅甜品師經營嘅Cafe，所有麵包同甜品都係自家製！
以上係「首爾&堤川5日4夜行程」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
